303
özləri düzgün olaraq fəaliyyət göstərə bilərlər (öz təbiətlərinə uyğun
olaraq) və düzgün məqsədlərə can ata bilərlər. Əbədi Qanunun bu
mücəssəməsi zəkalı varlıqlarda təbii qanundur. Zəkalı varlıqlar belə
bir yolla öz zəkasından, özünəməxsus təbii işıqdan (lumen naturale)
nəyin yaxşı, nəyin isə pis olduğunu anlamaq üçün istifadə edə bilərlər.
Başqa sözlə, biz rasional düşüncələrin köməyi ilə təbii qanunu dərk
edirik. Bu qabiliyyətə bütün zəkalı varlıqlar - həm bütpərəstlər, həm
də xristianlar - malikdirlər. Foma güman edir ki, biz xeyiri və şəri
vəhydən kənarda da dərk edə bilərik. O, həmçinin düşünür ki,
qanunlar
ümumi əhəmiyyətə malikdirlər,
obyektiv
olaraq
mövcuddurlar və kəşf oluna bilərlər. Təbii qanun insanların hamısı
üçün eynidir. Deməli, Foma təbii hüquq konsepsiyasının teoloji
variantını inkişaf etdirir.
Xristianların bütpərəstlər qarşısında üstünlüyü ondadır ki, onlar
ilahi Qanunu İncil Vəhyi vasitəsi ilə bilirlər, ilahi Qanun isə xilasa
aparır. Lakin xoşbəxt həyat üçün kifayət olan idraka qeyri-xristianlar
da malik ola bilərlər. Bu biliklər təbii qanunun rasional dərki vasitəsi
ilə əldə edilə bilərlər. Biz yenə də müəyyən harmoniyaya malikik -
həyatın siyasi-etik aspekti nisbətən müstəqildir və eyni zamanda hər
bir şey son nəticədə ilahi nizama tabedir.
İlahi mahiyyəti iradədə görən teoloqlar fəzilət olaraq onu başa
düşürdülər, Tanrı onu həmişə arzu edir. Elə buna görə də, Tanrının
iradəsini dərk etməyənlər fəzilətin nə olduğunu bilə bilmirlər. Və əgər
Tanrı arzulasaydı, onda o, artıq yaxşı kimi müəyyənləşdirdiyi
şeylərdən fərqli olan digər şeyləri də yaxşı kimi müəyyənləşdirə
bilərdi. Tanrı iradəsini bilərək, fəzilətin dərk olunmasından söhbət
getdiyi zaman xristianlar qeyri-xristianlara münasibətdə xüsusi bir
mövqe tuturlar. Fəzilətin dərk olunması rasional düşüncənin məsələsi
olmaqdan daha çox, düzgün inamın, yəni vəhy və mərhəmət vasitəsi
ilə Tanrı iradəsinin dərk olunması məsələsidir. Foma üçün Tanrı, hər
şeydən öncə, rasionaldır. Onun iradəsi rasional və fəzilətli olanı arzu
edir. Tanrı şəri arzu edə bilməz. Tanrı ona görə fəziləti arzu edir ki,
onun özü Fəzilətdir. Fəzilət ona görə fəzilət deyildir ki, onu Tanrı arzu
edir. (Bu problematikanın inkişafı Tanrının qüdrətli olması barədə və
qüdrətli, xeyirxah Tanrının və şərin qarşılıqlı münasibəti barədə
suallarla toqquşur).
Foma üçün insani qanun cəmiyyətdə qüvvədə olan qanunla
eynidir. O, praktik və nəzəri zəka arasındakı fərqə diqqət yetirir
(Aristotelin və Kantın mövqeyinə nəzər salın). Zəkanın hər iki növü
sübut oluna bilməyən prinsiplərə əsaslanır (Aristotelin ziddiyyət
prinsipinə nəzər salın). Amma, nəzəri zəka təbiətdəki şeylər barədə
həqiqi idraka nail olmaq üçün onlara uyğunlaşırsa, praktik prinsiplər
304
insani davranışın qayda və normalarıdır. Nəzəri zəka bizim
davranışımızın necə olmalı olduğunu müəyyənləşdirir, praktik zəka
sferasında isə, əksinə, bizə biliyi məhz maddi şeylər verir. Nə qədər
ki, bizim davranışımızla bağlı olan hər bir şey ümumi və zəruri
deyildir, fərdi və təsadüfidir, bir o qədər də, praktik mühakimə
qabiliyyəti praktik zəkanın tərkib hissəsi olmalıdır. Ondan, Fomaya
görə, başqa daha heç nə tələb olunmur. Fərdi və təsadüfi praktik
mühakimələr sferasında standart yalnız o zaman yerinə düşəcək ki, o,
işlərin mövcud vəziyyətinə əsaslanır. Başqa sözlə, praktik zəkanın
metodoloji vasitələri nəzərdən keçirilən situasiyaya cavab verməlidir.
Biz bunun nəticəsində də, müxtəlif situasiyalar üçün müxtəlif
metodlara malikik. Özü də heç də bütün metodlar eyni dərəcədə ciddi
olmamalıdır. Beləliklə, etik və siyasi məsələlərdə adekvat meyara
münasibətdə Foma nüanslara kifayət qədər riayət edilmiş nöqteyi-
nəzəri ifadə edir.
Foma üçün zəka ümumi qanunlarla insani davranış arasında
əlaqələnliricidir (ctoiklərlə müqayisə edin.). Bu, zəkanın sayəsindədir
ki, biz, könüllü olaraq qanuna tabe oluruq. Elə buna görə də, qanunun
əsl subyektləri yalnız rasional yaratıqlardırlar, ciddi deyilsə, yalnız o
rasional yaratıqlardırlar ki, onlar həqiqətən də zəkaya malikdirlər.
Beləliklə, əgər insan qanunla hesablaşmırsa hökmdarlar tərəfindən
cəzanın tətbiq olunmasını doğurur. Cinayətkarlar güc tətbiq olunmaqla
qanuni əməllərə məcbur edilməlidirlər, bu, ona görə məcburidir ki,
onlar nə özlərinə, nə də başqalarına zərər yetirə bilməsinlər. Qanunun
fundamental məqsədi zərər yetirmə səbəblərindən yayınmadır.
Amma, bu məqsəddən başqa, gözəl həyatın pozitiv reallaşması
vəzifəsi də mövcuddur. Burada yalnız qanunları deyil, fəzilətləri də
əldə əsas tutmaq zəruridir. Klassik fəzilətlərlə (müdriklik, ədalət,
mərdlik, mötədillik və i.a.) yanaşı, Foma xristian fəzilətlərinə - inama,
ümidə və məhəbbətə – müraciət edir. Amma əxlaqın və hüququn
hazırladığı ən yüksək fəzilət - xilasdır.
Foma dövlətin (regnum) və kilsənin (sacerdotium) qarşılıqlı
münasibətinə baxışlarında mötədil papistdir. O, güman edir ki, kilsə
dövlətdən yüksəkdədir və papa tiran-hökmdarı Kilsədən uzaqlaşdıra
bilər. Foma eyni zamanda Gelasinin iki hakimiyyət barədə təlimini də
bölüşür və belə hesab etmir ki, kilsənin əxlaqi üstünlüyü hüquqi
üstünlük istiqamətində inkişaf etməlidir. O, bir aristotelçi olaraq,
cəmiyyətə nəsə təbii olan bir şey kimi baxır. Elə buna görə də, dövlət
işlərində kilsənin rəhbərliyinə zərurət yoxdur. Eyni zamanda cəmiyyət
(zəka) və xristianlıq (inam) arasında mütləq sərhəd də yoxdur. Mənəvi
və dünyəvi vəzifələr müəyyən ölçüdə bir-biri ilə çuğlaşır.