135
Buddizm, yeni din və fəlsəfə olaraq Hindistanda təqribən o
vaxt
formalaşmağa başlamışdı ki, Yunanıstanda o zaman
sokrataqədərki fəlsəfə formalaşırdı. Bu kontekstdə "buddist fəlsəfə"
ifadəsi o inamları və fəlsəfi baxışları ifadə edir ki, onlar bu və ya digər
dərəcədə buddizm dininin banisinə Sidharta Qautamaya (təxminən,
b.e.ə. 563-483) aiddir. Burada biz buddizmin digər, başqa
mədəniyyətlər daxilində inkişaf etdirilən formalarını nəzərdən
keçirmək imkanlarına malik deyilik (buddizm Hindistanda öz aparıcı
mövqeyini itirdikdən sonra Tibetdə və Şərqi Asiyada mühüm
əhəmiyyət kəsb etmişdir).
Bir çox hind müqəddəsləri kimi, Siddharta Qautama da evini
və ailəsini tərk etmiş və bir zahid və müdrik qismində səyahətlərə
başlamışdır. Bir çox illərin ciddi asketizmindən və özünə əzab
vermədən sonra o, aşkar etmişdir ki, insan həyatının fundamental
məsələlərinə münasibətdə yenə də əvvəlki kimi tam nadanlıq (avidya)
vəziyyətindədir. Elə buna görə də, o, qərara alır ki, özünə əzab vermə
praktikası ilə qurtarsın və həyatın ənənəvi seyrinə qayıtsın. Bir müddət
sonra Qautama özündə bir aydınlaşmanı, işıqlanmanı, nurlanmanı hiss
edir və o, bu suallara cavab verə bilən bilik əldə edir. Sonradan o,
Budda (Nurlanmış) adı altında tanınır.
B.e.ə. V əsrdə Hindistanın dini həyatında veda ənənəsi
üstünlük təşkil edirdi, Upanişadalar hind fəlsəfəsində mühüm yer
tuturdu. Yeni buddist təlim qədim veda ədəbiyyatının əleyhinə kəskin
çıxış edir, onun bütün mərasim formalarını və rituallarını inkar edirdi.
Amma o, eyni zamanda həm də Upanişadaların bəzi hissələrinin
tənqidi mənalandırılması idi.
Paradoksaldır, amma Budda spekulyativ və dini təfəkkürə
münasibətdə son dərəcə mənfi mövqedə idi. Müasir şərhçilər onu
müəyyən
anaxronizmlə
"empirist"
və
"skeptik"
kimi
səciyyələndirirlər. Buddaya məxsusluğu güman edilən mətnlər onun
sonrakı ilahiləşdirilməsi üçün əsas vermir. Buddizmi müəyyən
ehtiyatla "ateist" din kimi, yəni sistematik teologiyası və ya Tanrı
haqqında müəyyən bir təlimi olmayan bir din olaraq da
səciyyələndirmək olar.
Upanişadaların bir çox fraqmentləri kimi, yeni təlim də insanın
azad edilməsinə və ya xilasına yönəlmişdir. Azad olunma vəziyyətini
Budda nirvana adlandırır. Bu termin bir çox hallarda mokşa termininə
uyğun gəlir. Nirvanaya nail olmaq istəyən insan Buddanın özünün
etdiyi kimi onu bu dünya ilə bağlayan hər bir şeydən, o cümlədən
fəlsəfi və dini təlimlərdən özünü azad etməyi öyrənməlidir. Budda bu
tələbin mənasını sal ilə analogiyadan istifadə edərək izah etməyə
çalışmışdır. Təsəvvür edək ki, insan şəraitin təsiri altında çayın əks
136
sahilinə keçməyə məcburdur. O, ağac şaxlarını bir yerə toplayır,
onların köməyi ilə sal düzəldir və çayı uğurla keçir. Məqsədinə nail
olduqdan sonra, o, öz-özünə deyir ki, bu sal həqiqətən də yaxşı və
faydalıdır. O, qərara alır ki onu özü ilə götürsün və sonradan öz
başında daşıyır. Amma bir qədər sonra başa düşür ki, o, indi ona daha
lazım olmayan real salı sahildə saxlamalıdır. Bu analogiyanın əxlaqı
ondadır ki, yeni təlim sala bənzəyir. Salın təyinatı ondadır ki, onun
köməyi ilə çayı keçmək və nirvanaya nail olmaq mümkün olsun, sal
onun üçün deyildir ki, onu özünlə daşıyasan. Fəlsəfənin təyinatı
barədə oxşar təsəvvürlər onun tarixində dəfələrlə yaranmışdır. Bu
təsəvvürlərə görə, fəlsəfə bir vasitədir, amma o deyildir ki, ona sahib
olmaq sadəcə olaraq pis olmazdı.
Buddanın təlimi eyni zamanda həm çətindir, həm də dərindir.
Burada biz onun əsas müddəalarını yalnız sxematik olaraq
səciyyələndirə bilərik. Bu müddəalar «dörd nəcib həqiqət» adı altında
məşhurdur.
1) Dünya əzablarla doludur. Doğulma - əzab, qocalıq - əzab,
xəstəlik və ölüm - əzab. Nifrət etdiyin insanla görüş - əzab, sevdiyin
insanla ayrılıq - əzab, istəklərini ödəmək uğrunda mübarizə - əzab.
Arzulardan və ehtiraslardan azad olmayan həyat faktiki olaraq həmişə
əzablarla çuğlaşır. Bu, əzab haqqında həqiqət adlanır.
2) insani əzabların səbəbi şübhəsiz ki fiziki mövcudluq
yanğısında və dünyəvi ehtirasların illüzior təbiətindədir. Əgər bu
ehtirasların və illüziyaların mənşəyini izləsək, məlum olar ki, onlar
instinktiv mənşəyə malik olan, hər bir şeyi öz içərisində əridən
arzulara köklənmişlər. Belə ki, güclü həyat iradəsi üzərində qurulan
arzu arzu etdiyini axtarır, hətta əgər bu, bəzən ölümün özü olsa belə.
Bu, əzabların səbəbi barədə həqiqət adlanır.
3) Əgər bütün insani ehtirasların əsasında yatan arzu
kənarlaşdırıla bilirsə, onda ehtiras da ölür və insani əzabların sonu
gəlir. Bu, əzabların kəsilməsi barədə həqiqət adlanır.
4) Arzuların və əzabların olmadığı vəziyyətə nail olmaq üçün
müəyyən yolu tutmaq zəruridir. Bu yol səkkiz mərhələdən ibarətdir,
səkkiz hissəli həmin nəcabətli yolun mərhələləri isə bunlardır: düzgün
anlama, düzgün nitq, düzgün təfəkkür, düzgün davranış, düzgün həyat
tərzi, düzgün səy, fikrin düzgün istiqaməti və düzgün diqqət. Bu isə,
əzabların səbəbindən xilas olmanın nəcabətli yolu barədə həqiqətdir.