126
fəlsəfəsindən daha üstün tuturdular. Bu səbəbdən də, heç də təəccüblü
deyildir ki, Aristotel son nəticədə, hissi olaraq müşahidə olunan şeylər
– torpaq, su, hava və od – haqqında söhbət açdığı halda, Demokrit də
hissi müşahidəyə yatmayanlar barədə söhbət açmışdır.
Qeyd edək ki, Demokrit təlimi Epikürün (Epicurus, 341-270
b.e.ə.) və Lukretsinin (Lucretius, təqribən, 99-55 b.e.ə.) vasitəsi ilə,
İntibah dövründən başlayaraq, müasir fizikanın təşəkkülünə ciddi təsir
göstərmişdir. Baxmayaraq ki, bu dövrə qədər Demokrit deyil, məhz
Aristotel ən nüfuzlu elmi avtoritet idi.
Atom modeli kimi bir eleqant model də öz sadə və azsaylı
prinsipləri ilə yanaşı, bir sıra nöqsanlara da malik idi. Belə ki, bir çox
adi, hisslərlə qavranılan hadisələrin onun daxilində izahı çətindir. Bu
hadisələrə çiçəklərin rəngi və qoxusu və ya bizi əhatə edən insanlara
qarşı nifrət və simpatiya kimi keyfiyyət xassələri aiddir. Biz belə
fenomenləri ümumiyyətlə necə qavraya bilərik, mövcud olan hər bir
şey kəmiyyət xarakterlidirmi?
Demokrit hissi qavrayış haqqında təlimin köməyi ilə dünyanın
atomların yalnız kəmiyyət xassələrinin imkan verdiyindən daha
"mənzərəli" bir şəkildə necə təqdim oluna biləcəyini izah etməyə
çalışmışdır. O, belə hesab edirdi ki, istənilən obyekt özünəməxsus
vasitəçi atomlar buraxır. Onlar hiss orqanlarındakı atomlarla kontakta
girdikləri zaman xüsusi effektlər yaranır və bu xüsusi effektlər də
bizim tərəfimizdən obyektlərə məxsus olan xassələr kimi qavranılırlar.
Onlar rəngə, dada və qoxuya malik olduqları kimi görünürlər. Amma
obyekt özlüyündə bu xassələrə malik deyildir, bu xassələr ona yalnız
bizim tərəfimizdən aid edilir. Obyektlər özlüyündə yalnız ölçüyə
yatımlılıq, forma və sıxlıq xassələrinə malikdir, rəng, qoxu və ya
istilik isə onların özlərinə aid deyildir. Obyektə daxilən aid olan
xassələrin və hisslərin köməyi ilə obyektlərə bizim aid etdiyimiz
xassələrin beləcə fərqləndirilməsi Yeni dövrün fəlsəfəsində də mühüm
rol oynamışdır (birinci və ikinci keyfiyyətlər barədə Lokkda və başqa
filosofda tapıla bilən nəzəriyyələrlə müqayisə edin). Doğrudur, belə
bir sual qarşıya qoymaq olar ki, əgər biz özümüz atomların
yığımından başqa bir şey deyiliksə, onda obyektlərin, yəni atomların,
əslində malik olmadıqları xassələri necə qavraya bilərik. Kəmiyyət
xassələrindən keyfiyyət xassələrinə sıçrayış həddindən artıq böyük
alınmırmı?
Əgər
atomların
yalnız
kəmiyyət
xassələrinin
mövcudluğunu təsdiq edən nəzəriyyəyə ardıcıl olaraq sadiq qalsaq,
onda bu sıçrayış izah oluna bilmir.
Amma, əgər bu etirazı kənarda saxlasaq, görmək olar ki,
atomizm bir idrak nəzəriyyəsi olaraq da diqqətə layiqdir. O, yalnız
atomları - hisslərlə qavranılan obyektlərdəki atomları, obyektdən
127
hansısa üsulla ayrıla bilən və uzaqlaşa bilən vasitəçi atomları və duyğu
orqanlarında olan, bu vasitəçiləri qavrayan atomları – qəbul edir. Bu
halda qavrayışın səhvləri onunla izah oluna bilər ki, hiss orqanlarının
atomları nizamsızlıq içərisindədir, vasitəçi atomlar obyektdən hiss
orqanlarına doğru yol qət edərkən bir-biri ilə toqquşurlar və buna görə
də, hiss orqanlarının atomlarına təhrif olunmuş məlumatı çatdırırlar.
Amma Demokritin idrak nəzəriyyəsi də bir sıra nəzəri
problemləri həll etmək iqtidarında deyildir. Biz hansı yolla bilə bilərik
ki, bizim tərəfimizdən alınan hissi təəssüratlar bizi əhatə edən
obyektlərin əslində dəqiq surətləridir? Yuxarıda nəzərdən keçirilən
model bizə bir tərəfdən, vasitəçi atomları müşahidə etməyə imkan
vermir, digər tərəfdən isə, bu vasitəçi atomların obyekti olduğu kimi
təqdim etməsi imkan xaricindədir. Sonrası, biz öz duyğularımıza
etibar edə bilmərik, çünki biz əmin deyilik ki, vasitəçi atomlar bizim
hissiyyat orqanlarımıza lazımi qaydada düşürlər. Bundan başqa, öz
duyğularımızdan çıxış edərək, biz bizə vasitəçi atomlar tərəfindən
çatdırılan məlumatın bizim duyğu orqanlarımız tərəfindən çatdırılan
məlumatdan fərqləndirmək gücündə deyilik. Qısaca olaraq deyilsə, öz
duyğularımıza malik olaraq, biz, görünür ki, yalnız bir şeyi - hansı
hissi duyğulara malik olduğumuzu - bilmək qabiliyyətindəyik. Əgər
bizim şeylər haqqındakı biliklərimiz müstəsna dərəcədə duyğulara
istinad etmiş olsaydı, məsələ məhz belə olmuş olardı. Lakin atomlar
özlüyündə hissi olaraq qavranılmaqdan ötəri həddindən artıq
kiçikdirlər. Biz onları öz zəkamızın köməyi ilə dərk edirik. Görünür
ki, xarici predmetlərin hissi qavrayışı barədə bu epistemoloji
nəzəriyyə ondan çıxış edir ki, onun özü bizim hislərin deyil, bizim
zəkanın köməyi ilə başa düşülür.
Beləliklə, biz yunan fəlsəfənin inkişafının üç-dörd nəsil
boyunca, b.e.ə. təqribən 600-cü ildən 450-ci ilə qədər (Demokrit,
lakin, b.e.ə. 370-ci ilə qədər yaşamışdır) davam edən ilk mərhələsinin
bəzi əsas cərəyanlarını nəzərdən keçirdik.
Bu dövrü bir daha ardıcıllıqla xatırlayaq.
Birinci nəsil: Fales
(Anaksimandr və Anaksimen)
İkinci nəsil: Heraklit, Parmenid
Üçüncü nəsil: Empedokl
Anaksaqor
Demokrit
Pifaqorçular