124
Demokrit
Barışdırıcı filosoflar - Empedokl və Anaksaqor - başlıca olaraq
naturfəlsəfənin Demokritə və onun atomizm təliminə doğru
istiqamətdə inkişafında oynadıqları rol sayəsində maraq kəsb edirlər.
Həyatı. Belə qəbul olunmuşdur və belə hesab etmək olar ki,
Demokrit (Democritus) b.e.ə. 460-cı ildən 370-ci ilə qədər yaşamışdır.
Deməli, o, Platonun (427-347) bir qədər yaşlı müasiri idi. Demokrit
Frakiyada, Abder koloniyasında anadan olmuşdur. Onun Afinada
olduğu, Şərqə və Misirə bir sıra uzun səyahətlər həyata keçirdiyi
məlumdur. Çox ehtimal ki, o, məhz idraki və tədqiqi məqsədlərlə
səyahət etmişdir.
Əsərləri. Demokritin geniş bilikləri vardı. O, özünə müasir
olan elmlərin əksər sahələrində məhsuldar olaraq işləmişdir. Onun
maraq dairəsinin genişliyini göstərmək üçün onun bir sıra əsərlərinin
adlarını sadalamaq kifayətdir - Böyük Diakosmos, Təbabət elmi,
Ölümdən sonra olacaqlar barədə, Təbiətin quruluşu barədə, Dünya
Nizamı və təfəkkürün qaydaları haqqında, Ritm və harmoniya
haqqında, Poeziya haqqında, Əkinçilik haqqında, Riyaziyyat
haqqında, Düzgün nitq və anlaşılmayan sözlər barədə, Ahəngdar olan
və ahəngdar olmayan hərflər haqqında və i.a. Demokritin
əsərlərindən 200-dən 300-ə qədər fraqment saxlanılmışdır. Müəyyən
mənada bu çoxdur, amma Demokritin böyük yaradıcı fəaliyyəti
müqabilində biz onun əsərlərinin nisbətən kiçik hissəsinə malikik. Biz
öz şərhlərimizdə Demokrit haqqında həm də ikinci dərəcəli
əhəmiyyətə malik informasiyalardan da çıxış etməli olacağıq. Bizim
şərhlər, elə buna görə də, onun baxışlarının bir rekonstruksiyası
olaraqdır.
Demokritin atomizmi məhz onun sadəliyi ucbatından
dahiyanədir. İlk başlanğıcların yalnız bir şəkli mövcuddur – kiçik
bölünməz hissəciklər. Onlar boşluqda hərəkət edir və onların
hərəkətini müstəsna dərəcədə mexaniki səbəblər müəyyənləşir.
Demokritə
görə,
təbiət
özünün
bütün
zənginliyində
və
mürəkkəbliyində, nəhəng "bilyard oyununa" bənzəyir. Burada
boşluqda dolaşan maddi hissəciklərin sonsuz miqdarı iştirak edir. Bu
hissəciklərin bütün yerdəyişmələri onların qarşılıqlı toqquşmaları ilə
şərtlənir. Boşluq Demokritdə yoxluqla eyniləşdirilir və yoxluq varlığın
müqəddəm şərti kimi vurğulanır. (Bu hipotez Parmenidə və onun
eleyli ardıcıllarına aşkar olaraq ziddir).
125
Atomizmin məğzi bir sxem vasitəsi ilə təsvir oluna bilər. Bu
sxem özündə iki sualı - nə və necə mövcuddur suallarını - və onlara
verilmiş cavabları birləşdirir.
Sual
Cavab
(Nə?)
1
Kiçik bölünməz hissəciklər
2
Boşluq
(Necə?) 3
Mexaniki determinizm
Kiçik maddi hissəciklər fiziki olaraq bölünməz (yunanca,
atomos) hesab edilir. Onların xassələri müstəsna dərəcədə kəmiyyət
xarakteri daşıyır, yəni bu xassələri sadə riyazi anlayışların köməyi ilə
təsvir etmək olar. Bunlar - ölçüyə yatımlılıq, forma, ağırlıq və
ilaxırdır, rəng, dad, qoxu, ağrı və i.a. deyildir
Atomlar son dərəcə kiçikdirlər, hissi olaraq qavranıla bilmirlər.
Beləliklə, hisslərlə qavranıla bilən obyektlərin (ev, daşlar, balıq və
i.a.) izahı yalnız düşünülə bilən, prinsipial olaraq hislərlə qavranıla
bilməyən mahiyyətlərin köməyi ilə baş verir.
Bütün atomlar eyni materialdan ibarətdir. Amma onlar forma
və ölçülərinə görə fərqlənirlər, forma və ölçülər ayrıca götürülmüş hər
bir atom üçün isə daimidir. Müxtəlif atomlar müxtəlif formaya malik
olduqları üçün, onlardan bəziləri bir-birləri ilə asanlıqla, digərləri isə
çətinliklə birləşirlər. (Bu halda kimyanın valentlik problematikası ilə
bir analogiyanı da görmək olar!). Şeylər o zaman yaranırlar ki,
atomlar "birlikdə ilişirlər". Bu, o səbəbdən baş verir ki, mexaniki
toqquşmalar bəzən toplumların yaranmasına aparıb çıxarır və atomlar
bu toplumlarda bir-biri ilə birləşə bilirlər. Şeylər o zaman yox olurlar
ki, onları təşkil edən atomlar bir-birindən uzaqlaşırlar. Atomların
hərəkəti, Demokritin fikrincə, ilahi və ya insani zəkadan asılı deyildir.
Hər bir şey bilyard oyunundakı kürələr kimi mexaniki olaraq baş
verir. (Demokrit, əlbəttə ki, bilyard daşları ilə bağlı analogiyadan
istifadə etməmişdi).
Beləliklə,
təbiətin
yunan
fəlsəfəsinin
daxili
inkişafı
substansiyanın və dəyişikliyin ən uğurlu izah modelinin qurulmasına
gətirib çıxardı. O, müasir kimyəvi nəzəriyyəni son dərəcə xatırladır.
Amma yunanlar öz nəzəriyyələrini təsdiq etmək üçün eksperiment
keçirmirdilər (eksperiment hipotezi antik yunanların zamanında aşkar
bir anaxronizm olardı). Elə buna görə də, atomizm onlar tərəfindən
təbiət haqqında digər təlimlərlə yanaşı nəzərdən keçirilmişdir.
Beləliklə, çoxları Aristotelin təbiət fəlsəfəsini Demokritin təbiət