131
adlandırdıqları üçün, biz Hindistana "ari" hücumları barədə danışırıq.
Bir zaman belə bir fikir geniş yayılmışdı ki, arilər yerli sakinlərdən -
dravidlərdən daha yüksək mədəniyyətə malik idilər. Lakin XX əsrin
20-ci illərində "harappa sivilizasiyasının" kəşfindən sonra bu fikrin
doğru olmadığı aşkarlandı. Arilərin gəlişinə qədər də harappa
mədəniyyəti Hind hövzəsi boyu inkişaf etmiş bir şəhər mədəniyyəti
olaraq mövcud idi.
Əsrlər boyu davam edən assimilyasiyanın əksinə olaraq, hind
mədəniyyətini və ictimai həyatını səciyyələndirən əlamətlərdən biri -
arilər və dravidlər arasında konflikt idi. Bu konflikt həm də onun
sayəsində yaranmışdır ki, kasta sistemi, görünür, gəlmə arilər
tərəfindən tətbiq olunmuşdu. Bir sıra məlumatlar mövcuddur ki, ağ
dərili arilərlə qara dərili dravidlər arasında fərq lap başlanğıcdan
mövcud idi. Sonradan Hindistanda dörd kasta yarandı. Üç kasta ari
mənşəli idi: 1) brahmanlar və ya veda kahinləri; 2) hərbçilər və 3)
nəcabətli sənətkarlar və əkinçilər. Aşağı, dördüncü kasta isə azad
olmayan insanlardan ibarət idi. Bir müddət keçdikdən sonra müxtəlif
etnik qrupların əhəmiyyətli dərəcədə bir inteqrasiyası baş verdi. Yeni
kastalar yaradıldı ki, buraya ari olmayanlar da daxil ola bilərdilər.
Hindistanda analoji proseslər bizim günlərə qədər davam edir.
Din ariləri birləşdirən bir qüvvə idi. O, öz yazılı ifadəsini
qədim sanskrit mətnlərində tapmışdır. Bu mətnlər Vedalar (təxminən,
b.e.ə. 1200-800) adlanır. Vedalar qədim ari dünyagörüşünü ifadə
edirdi. Yunan, skandinav və slavyan mifologiyalarında olduğu kimi,
tanrılar burada da çox vaxt təbii qüvvələrlə eyni səsləşirdi. Bu
dünyagörüşü
Kosmosun
və
Xaosun
əbədi
mübarizəsi
səciyyələndirilirdi. Bu döyüşdə tanrıların qələbəsi heç də əbədi
deyildir. Xaosa qarşı mübarizədə tanrılar insani dəstəyə də ehtiyac
duyurdular. Qurbanların və düzgün olaraq yerinə yetirilən ritualların
kosmik nizamın qorunub saxlanılmasına əhəmiyyətli tövhə verdiyi
vurğulanır.
Vedaları fəlsəfə adlandırmaq çətindir. Onlarla tanış olarkən, biz
nəsə bir mifik aləmə daxil oluruq. Əgər biz hind mənəvi həyatının mifdən
loqosa keçidi barədə danışsaydıq, onda onu Upanişadalara aid etməli
olardıq. Upanişadalar mətnlərin yeni və daha anlaşıqlı qrupudur
(təxminən, b.e.ə. 800-300-cü illər). Upanişadalar - veda dünyagörüşünün
tənqidi mənalandırılmasıdır. Mümkündür ki, onlar ari mədəniyyətinin
bəzi cəhətlərinə qarşı protesti ifadə edirlər. Yeni tədqiqatlar burada qeyri-
ari ənənələrinin təsirini üzə çıxarır. Bu, o deməkmidir ki, məzlumlar öz
səslərini ucaltmaq üçün məhz Upanişadalarda bir yol tapmışdılar? Biz
bunu bilmirik və bizə yalnız gümanlarla qənaətlənmək qalır. Amma,
Upanişadalar yeni dini və metafizik bir təlimi bəyan edir. Lakin bu
132
mürəkkəb məsələ əlbəttə ki, din tarixçilərinin də öhdəsinə buraxılmalıdır.
Vedalar əsasən himnlərdən ibarət olduqları halda, Upanişadalarda
arqumentlər üstünlük təşkil edir.
Upanişadalar
"Upanişada" termini müdrikin öz şagirdlərini öyrətmə prosesi
mənasını verir. Bir qədər keçdikdən sonra bu termin həm də bu
prosesdə verilən məzmunu ifadə edən fəlsəfi mətn mənasını kəsb etdi.
Beləliklə, Upanişadalar müəyyən mənada Platon dialoqlarına oxşadıla
bilər.
Upanişadaların mərkəzi mövzularından biri doğuluşun və
ölümün əbədi "xorovodu" ideyasıdır. Bu ideya canlı varlıqların
ölümdən sonra yenidən diriləcəyini güman edən təlimin, ruhunun
köçürülməsi (reinkarnasiya) təliminin əsasına qoyulmuşdur. Doğuluş
və ölüm arasında əbədi olaraq yeniləşən tsikl sansara adlanır. Məhz
belə bir tsikldə insanın ən dərin «mahiyyəti» (atman) yenidən və
yenidən meydana çıxır. Şərqşünaslıq ədəbiyyatında atmanın nə olduğu
barədə geniş müzakirələr aparılır. Upanişadalardan bəzilərində güman
olunur ki, atman dəyişməzdir, substansial xarakter daşıyır (Sokrata
qədərki fəlsəfə ilə müqayisə edin) və dərk edən «Mən»dən və ya
"eqo"dan fərqlənir. Biz sonradan görəcəyik ki, Upanişadaların buddist
tənqidi bu mübahisəli moment üzərində qurulmuşdur.
Upanişadaların daha bir mühüm müddəası - atmanın və
brahmanın
eyniləşdirilməsidir.
"Brahman"
sözünün adekvat
tərcüməsini tapmaq çətindir. Mümkündür ki, onu mütləq, hər şeyi
əhatə edən və ya ilahi kimi tərcümə etmək lazımdır. Bu halda atmanın
brahmanla eyniləşdirilməsi o mənanı verir ki, atman mütləqlə və ya
ilahi ilə eyniləşdirilmişdir. Oxşar fikirlər qərb mistisizmində də
mövcuddur, burada insan (və ya onun ruhu) Tanrı ilə eyni ola bilər
(unio mystica). Belə bir vəhdət həm hind fəlsəfəsində, həm də qərb
mistisizmində aşılanan asketik həyat tərzini nəzərdə tutur. Onun son
orta əsrlərdə görkəmli nümayəndəsi Mayster Ekxart (Meister Eckhart,
təqribən, 1260-1327) idi.
Upanişadaların filosofları, beləliklə, dünyaya arxa çevirdilər.
Onların məqsədi dünyadan asketik bir tərzdə qaçma oldu. Həqiqət,
onların nöqteyi-nəzərincə, "xaricdə" deyildir, nə xarici mətndə, nə də
təbiətdə deyildir. O, sənin öz daxilindədir. Sən "özünü tapmağı"
öyrənməlisən. Mistisizm barədə çox şey öyrənmək olar, amma bu, heç
də mistik görüntüyə malik olmaq demək deyildir. O, yalnız sənin
tərəfindən və sənin şəxsi səylərinin köməyi ilə yaradılır. Belə mistik
müdriklik Hindistanda kahin silkinə, əsl "brahmanlara" aid edilirdi.