56
Buddizmin mahiyyəti bəşəriyyəti əzablardan xilas etmə
haqqında təlimdədir. Əzab bütövlükdə insanın praktik mövcudluğu ilə
bağlıdır. Doğuluşdan ölümə kimi bütün insan həyatı əzablara düçardır.
Dünyanın insanlara gətirdiyi əziyyətlərdən, aclığın, soyuğun,
xəstəliyin, qocalığın və ölümün müsibətlərindən nicat tapmaq istəyi
buddizm təliminin başlıca qayəsini təşkil edir. Bütün insan əzabları
arzulardan doğduğundan buddizm nicat yolunu hər cür arzu həvəs və
ehtirasları nizama salmaqda görür, əzablardan qurtulmaq üçün dünya
nemətlərinə düzgün münasibət axtarır.
Buddizm, artıq qeyd olunduğu kimi, qeyri-ortodoksal təlimlərə
aiddir. Yeri gəlmişkən, o da qeyd olunmalıdır ki, buddizmin bəzi
ideyaları isə, xüsusən də, onun karma təlimi buddizmi veda kanonuna
yaxınlaşdırır. Deməli, hind fəlsəfəsinin hətta qeyri-ortodoksal
təlimləri belə vedaların təsirindən mütləq mənada azad deyillər.
Amma bu sözləri qeyri-ortodoksal təlimlərdən digəri, əsasının
Brihaspati tərəfindən qoyulduğu lokayata təlimi barədə demək
çətindir. Lokayata təkcə brahmanizmə münasibətdə deyil, bütövlükdə
ənənəvi hind təfəkkürünə münasibətində müxalifət yaradır. Bu təlimə
görə, ancaq hisslərlə qavranılan dünyanı reallıq hesab etmək olar.
Lokayata maddi dünyadan başqa hər cür varlığı - allahları və ruhları,
brahmanı və atmanı, cənnəti və cəhənnəmi - inkar edir. Lokayata
təliminə görə, dünya dörd elementdən - oddan, sudan, havadan və
torpaqdan - yaranmışdır. Dünyada baş verən dəyişikliklər torpağın,
suyun, havanın və odun bir-biri ilə birləşməsindən yaranan
kombinasiyaların bir-birini əvəzləməsi kimi təsvir edilir.
Öz mahiyyəti etibarı ilə aristokratik dünyagörüşü ifadə edən
brahmanizmdən və buddizmdən fərqli olaraq, lokayata öz mahiyyəti
etibarı ilə şəhərli dünyagörüşünün ifadəçisi idi.
Eramızdan əvvəl Hindistanda böyük su hövzələrində tikilmiş
hökmdar iqamətgahları sonradan salınmış şəhərlərin əsasına
çevrilmişdir. Bu prosesdə hökmdarların yanında xidmətdə olan
sənətkarların, tacirlərin və qasidlərin rolu xüsusən həlledici olmuşdur.
Onlar kənd təsərrüfatı ilə məşğul olmaq zərurətindən azad olunsalar
da, öz mövcudluqlarını başqa qəbildən olan amillərdən asılı
vəziyyətdə qoymuşdular. Özlərini özgə ehtiyaclarının ödənilmə
vasitəsinə çevirməklə bunun əvəzində verilmiş mükafatla yaşayırdılar.
Sənətkar, tacir və qasid tarixi tipləri məiyyət kütləsinin formalaşması
üçün əsas olur və sonradan məmur tarixi tipinin meydana çıxmasını
şərtləndirir. Məiyyət kütləsi özünün tarix meydanına atılması ilə, icma,
cəngavər və zadəgan mədəniyyətləri ilə yanaşı duran dördüncü bir
mədəniyyət tipini - şəhər mədəniyyətini formalaşdırdı.
57
Şəhərlərin və şəhər mədəniyyətinin xüsusi çəkisinin artımı ilə
bağlı b
izim eradan əvvəl IY-II əsrlərdə Şimali Hindistanda
zadəgan və
şəhər mədəniyyətlərinin siyasi sintez forması olaraq
ilk imperiya
formalaşır.
Mərkəzləşmiş dövlətin doğuluşu Baş nazir institutunu ön plana
çıxarır. Baş nazirin siyasi instinktləri, idealları və həyat tərzi bir sıra
siyasi traktatlarda özünün parlaq ifadəsini tapmışdır. Qədim Hindistanda
belə bir siyasi traktat Arthaşastra oldu. Bu siyasi traktat Qədim Çində
Şan vilayətinin idarə olunma kitabı, Səlcuqilər imperiyasında
Siyasətnamə, İtaliyada Hökmdar və Fransada Siyasi vəsiyyətlə eyni
ruhludur. Burada sadalanan traktatların demək olar ki, hamısı vaxtilə
baş nazir kimi fəaliyyət göstərən insanlar tərəfindən yaradılmışlar.
Səlcuqilər imperiyasında baş nazir və ya o vaxtın dili ilə deyilsə, baş
vəzir olan Nizamülmülkün Siyasətnaməsi və Fransanı baş nazir
institutunun bütün incəlikləri ilə üz-üzə qoyan Rişelyenin Siyasi
vəsiyyəti də Şan Yanın
Şan vilayətinin idarə olunma kitabı öz mahiyyəti
etibarı ilə Arthaşastra ilə eyni qəbildəndir. Şan Yanın Qədim Çində
oynadığı rol Səlcuqilər imperiyasında Nizamülmülkün və Fransada isə
Rişelyenin oynadığı rola son dərəcə bənzəyir. Onların hər üçü
mərkəzləşdirilmiş dövlətin bir siyasi doktrina kimi və müəyyən qədər
həm də siyasi gerçəklik kimi yaradıcılarıdırlar. Bu insanlar həmin
traktatlarda baş nazir fenomeninin rasionallaşdırılmasına, bu və ya digər
şəkildə əsaslandırılmasına və bəraət qazandırılmasına səy göstərmişlər.
Tarix Arthaşastranın müəllifinin adını saxlamasa da, onun hansı əsrdə
yaşadığını və hansı imperatorun naziri olduğu haqqında məlumatı
saxlamışdır. Bu kitab Qədim Hindistanda baş nazir institutunun və bu
institutla birgə doğulan və bəlkə də ondan daha mühüm olan bir
hadisənin - mərkəzləşdirilmiş dövlətin inkişafına güclü təkan vermişdir.
Bizim eradan əvvəl III əsrdə imperator Aşoka Maurya
buddizmi dövlət dini elan edir. Aşoka dövründə buddizmin ilk
monumental abidələri qoyulur. Bizim eradan əvvəl I əsrdən
başlayaraq Budda ilahiləşdirilir. Bizim eranın IY-Y əsrlərindən Budda
hinduist dinin tanrısı olan Vişnunun mücəssəməsi kimi tanınmağa
başlayır. Hinduizm bir din olaraq brahmanizmin və buddizmin sintezi
nəticəsində təşəkkül tapır. Burada dünya ruhunun - brahmanın - yerini
mütləq şəxsiyyət - allah tutur. Bu şəxsiyyət yaratmaq, - Brahma -
qoruyub saxlamaq - Vişnu - və dağılmaq -
Şiva - imkanlarına qabil
olan üçlüyü özündə birləşdirir. Vedanta hinduizmin fəlsəfi əsasını
təşkil edir.
Eramızın 12-ci əsrində hinduizmin bütün Hindistanda hökmran
rol oynaması ilə əlaqədar olaraq həm brahmanizm, həm də buddizm
sıxışdırılıb aradan çıxarılmışdır. Lakin buddizm şərqi və mərkəzi