116
ümumiyyətlə mövcud olub-olmaması haqqında məsələ qaldırdılar.
Onun nümayəndələri birinci nəsil tərəfindən müqəddəm şərt kimi
qəbul edilənləri tənqidi düşüncənin predmetinə çevirdilər. Lakin
dəyişikliyin ümumiyyətlə mövcud olub-olmaması haqqında suala
Parmenid və Heraklit aşkar olaraq diametral əks cavabları təklif
etdilər. Heraklit təsdiq etdi ki, hər bir şey daimi dəyişiklik və hərəkət
vəziyyətindədir. Parmenid isə eyni zamanda hesab edirdi ki, heç nə
dəyişiklik vəziyyətində deyildir! Hər iki cavab hərfi olaraq mənasız
görünür. Amma, hərfi anlam Falesin cavabı ilə bağlı məqamda olduğu
kimi, filosofların əslində dediklərinə uyuşmur.
Heraklit:
Həyatı. Heraklit öz mənşəyi etibarı ilə Miletlə qonşu
olan Efes liman şəhərindən idi. O, təxminən b.e.ə. 500-cü illərdə, yəni
Falesdən təqribən 80 il sonra yaşamışdır. Heraklit haqqında bir neçə
tarixçə məlumdur, amma onların real əsasa malik olması az
ehtimallıdır. Bütün bunlarla yanaşı onun obrazını saxlanılmış
fraqmentlər əsasında bərpa etmək imkanı mövcuddur. Heraklit bizim
qarşımızda qapalı, kəskin, sarkast bir filosof kimi dayanır. Heraklit
müasirləri tərəfindən heç də həmişə başa düşülmürdü və buna görə
də, onların aşağı zehni qabiliyyətlərə malik olduğunu düşünürdü. Elə
bu səbəbdən də o, təsdiq edirdi ki, insanların təsəvvürləri və nöqteyi-
nəzərləri "uşaqlar üçün oyuncağa" bənzəyir (D: 70)
30
. Başqa bir
fraqmentdə (D: 34) deyilir ki, başa düşməyənlər kar olanlara
oxşayırlar, "olduqları yerdə də yoxdurlar". Bundan da daha çox
deyilsə, əksəriyyətin mühakimələrini nəzərdə tutaraq, Heraklit onların
nümayəndələrini "samanı qızıldan daha üstün tutan eşşəklərlə" (D: 9)
müqayisə etmişdir.
Heraklit təliminin müasirləri tərəfindən başa düşülməməsi,
yəqin ki, yalnız onun müasiri olan əksəriyyətin kütlüyü ilə izah oluna
bilməz. Heraklitə bir filosof olaraq "Qəliz" ləqəbi verilmişdi. O, çox
vaxt öz fikirlərini aydın olmayan və çoxmənalı metaforaların köməyi
ilə ifadə edirdi. Özlərini mifdən kənar tutmağa çalışan və bunu xüsusi
30
Sokrataqədərki filosofların fraqmentlərinin alman dilinə tərcüməsinin əsas
mənbəyi kimi aşağıdakı əsərdən istifadə olunur: Die Fragmente der
Vorsokratiker. Griechisch und Deutsch von Hermann Diels. Bd. 1. Sechste,
veibesserte Auflage. Hb. von W. Krantz. Berlin, 1951. İngilis dilinə tərcümədə
əsasən bu əsərdən istifadə olunur Ch. H. Kahn. The Art and Thought of
Heraclitus: An Edition of the Fragments with Translation and Commentary.
Cambridge, 1989. Rus dilinə tərcüməsinin əsas mənbəyi kimi isə Dils-Krans
tərəfindən nömrələnmə saxlanılmaqla aşağıdakı əsərdən istifadə olunur:
Фрагменты ранних греческих философов. Часть I. От эпических
теокосмогоний до возникновения атомистики. Издание подготовил А.
Лебедев. Под редакцией И. Д. Рожанского. М. : Наука, 1989.
117
olaraq vurğulayan Milet naturfilosoflarının əksinə olaraq, Heraklit
ifadənin mifoloji üslubuna meylli idi. O, miletlilərdə tapıla bilən
elmilik dərəcəsinə malik deyildi. O, həmçinin Parmenidin və eleatların
istifadə etdikləri məntiqi, müəyyən anlayışlardan da istifadə etmirdi.
Heraklit intuisiyaya və vizionerliyə istinad edirdi - onun nitqi
orakulun sözlərinə oxşayırdı. Mümkündür ki, o, «Delfada gələcəkdən
xəbər verən tanrı nə bəyən edir, nə də gizlədir, yalnız işarələr verir"
(D: 93) sözlərini söyləyərkən özünü nəzərdə tuturdu.
Əsərləri. Heraklit öz əsərlərini, bizim bildiyimiz ölçüdə, Efesli
Artemida məbədində saxlamışdır. Onun nisbətən daha çox fraqmenti
qalmışdır. Belə hesab olunur ki, onun adı altında bizə gəlib çatan
fraqmentlərdən 126-sı həqiqətən də ona məxsusdur, 13 fraqmentin
müəllifliyi isə şübhə doğurur.
Heraklitin fraqmentlərində həmçinin digər filosoflar da
xatırlanır. Bu isə, ondan xəbər verir ki, filosoflar artıq yalnız
müstəsna dərəcədə xarici hadisələrlə deyil, həm də digər filosofların
fəlsəfi problemlər barədə nə dedikləri ilə maraqlanmağa başlayırlar.
Nəticədə, filosoflar arasında diskussiyalar və bir filosofun əsərlərinin
digər filosofların əsərlərində şərh olunması sayəsində fəlsəfi ənənə
yaranır.
"Hər şey, mütləq mənada hər şey, fasiləsiz dəyişiklik
vəziyyətindədir", müddəası aşağıda göstərilən belə bir səbəb
ucbatından məntiqi olaraq ziddiyyətli hesab edilməlidir. Biz "hər şey
fasiləsiz dəyişiklik vəziyyətindədir" müddəasını dilin köməyi olmadan
ifadə edə bilmərik. O, bu halda müəyyən zaman intervalında mövcud
olmalı olan obyektlərin göstərilməsi və tanınması vasitəsi kimi çıxış
edir. Beləliklə, bu müddəanın qurulması və mənalandırılması şərti
olaraq obyektlərin dəyişməzliyi haqqında çıxış etdiyindən o, burada
danışılanlara ziddir. Amma Heraklit, əslində, hər şeyin fasiləsiz
dəyişiklik vəziyyətində olduğunu demir. O, deyir ki:
1) hər şey fasiləsiz dəyişiklik vəziyyətindədir
31
, amma
2) dəyişiklik dəyişməz qanuna (loqosa) uyğun olaraq baş
verir
32
və
31
D: 91 fraqmenti ilə müqayisə edin: "eyni çaya iki dəfə daxil olmaq olmaz və
cansız təbiəti iki dəfə eyni vəziyyətdə yaxalamaq olmaz... . O, qurulur və
dağılır, yaxınlaşır və uzaqlaşır".
32
Baxın. fraqment D: 30: "kosmos mövcud olan hər şey üçün eynidir, nə
Tanrı tərəfindən, nə də insan tərəfindən yaradılmamışdır, amma həmişə canlı
bir od olmuşdur, oddur və əbədi olaraq da od olaraq qalacaqdır, meyarına
uyğun olaraq bəzən alışaraq və bəzən də sönərək".