Haci səbuhi İbrahimov heydəR ƏLİyev
Yüklə 192 Kb. Pdf görüntüsü
|
bütün gecəni gizli və açıq sürətdə Təmleyxanı izlədim və bütün gecəni o, bizim əsl Allaha xidmətdə və ibadətdə keçirdi”. Dağ Yunus zənn etdi ki, “əsl Allah” dedikdə onu nəzərdə tutur. 0, Təmleysanın sözlərinə çox sevindi və Təmleyxanın sadiqliyinə ümidi artdı. “Mən əmin idim ki, - Dağ Yunus dilləndi - o heç zaman layiqsiz hərəkət etməz. İndi get mənim vəzir, vəkillərimə de ki, onların hamısı səhv etmişlər”. Buradaca, öz vəzir vəkillərini xatırlayaraq Dağ Yunus hirsləndi və onları söydü. Bu hadisədən sonra daha bir qədər zaman keçdi. Təmleyxa və Təmleysa səhərdən axşama kimi Dağ Yunusa xidmət edir, gecələri isə ibadətə sərf edir, Böyük Yaradana dua edir və zahidliklə məşğul olurdular. Çox zaman onlar bütün gecəni höccətləşir, Allahı dərk etməyin əsas dəlillərini və etibarlı yollarını axtarırdılar, bu haqda ucadan zikr edirdilər və çox zaman Böyük Tanrı onlara ruh verirdi, çünki Həqq-təala haqqında düşüncələr ali dərəcədə möminlik işidir. Peyğəmbərimiz həzrəti Məhəmməd əleyhis-səlamm - Allahdan ona salamlar olsun-dediyi kimi “Allah haqqında bir saatlıq düşünmə, bir illik ibadətə bərabərdi”. Uzun- uzadı düşüncələrdən, zahidlik etməkdən və ibadətdə göstərilən səylərdən hər iki gəncin rəngi ağarmış, onlar arıqlamış və gənclik təravəti onları tərk etmişdi: Sifətin rəngi mənim məxfi sirrilərimi aşikar etdi. Vəzirlər, vəkillər və Dağ Yunusun digər yaxınları yenidən dediqoduya başladılar, hər kəs öz bildiyi kimi Təmleyxa və Təmleysaya qara yaxmağa çalışırdı. Bunu eşidərək Təmleyxa Təmleysanı yanına çağırdı və dedi: Mənim qardaşım, artıq məndə güc və səbr qalmamışdır. Dağ Yunusun bu intriqabaz qulluqçuları yenə də haqqımızda dediqoduya başlamışlar. Biz artıq onların arasında qala bilmərik. Biz elə bir yer axtarmalıyıq ki, buradan həmin yerə gedib öz Allahımızı tapaq və ona xidmət edək. Təmleysa cavab verdi: “ Hər şeydən əvvəl biz öz vəziyyətimiz haqqında qalan dörd nəfərə xəbər verməliyik ki, onlar bizə birləşsinlər, yalnız bundan sonra biz bu allahsızlardan necə yaxa qutarmağı fikirləşə bilərik”. Sən haqlısan - Təmleyxa razılaşdı, dediyin kimi də edərik. Bundan sonra Təmleysa Təmleyxa ilə 116 birlikdə Dağ Yunusun yanına getdilər, ondan onun şərəfinə ziyafət düzəltməyə icazə verməsini və bu zaman qalan yeniyetmələri də dəvət etməyi xahiş etdilər. Dağ Yunus icazə verdi, Təmleyxa ilə Təmleysa qonaqlığı hazırlamq üçün evə gəldilər. Hər şeyi hazırlayıb, süfrə açaraq Təmleyxa və Təmleysa qalan dörd nəfəri də dəvət etdilər və bildikdə qonaqlığa başladılar. Hamı yeyib içdikdən sonra Təmleyxa və Təmleysa öz dostlarına müraciət edib dedilər: “Ey qardaşlar, bilin və agah olun ki, Dağ Yunus allahlığa layiq deyil və ola da bilməz,- baxmayaraq ki, o bunda israr edir. O da bizim hamımız kimi bütün insani zəiflikdən zərər çəkir, gücsüzdür və milçəyini qovmağa və mığmığın dişləməsinə qarşı müqavimət göstərməyə qadir deyil. O, deyir ki, güya yeri, göyü, ulduzları və günəşi o yaratmışdır. Bütün bunlar yalandır. Biz sizdən soruşuruq, deyin görək Dağ Yunusun neçə yaşı vardır? Otuz, qırx - gənclər cavab verdilər. “Bəs yerin və göyün neçə yaşı vardır?” Təmleyxa soruşdu. “Bizə qədər yüz minlərlə insan yaşamışdır - gənclər cavab verdilər - onlar yaşamış və ölmüşlər, günəş və ay isə həmişə mövcud olmuşdur”. Əgər bu belədirsə - Təmleyxa dilləndi - əgər onun cəmisi otuz yaxud qırx yaşı vardırsa, onda o yüz min illər bundan qabaq mövcud olan yerləri və göyləri necə yarada bilər? Bəli sizin dedikləriniz doğrudur - gənclər dilləndilər - Biz də bu haqda çox düşünmüşük, Dağ Yunusun allahlığına qarşı şübhələr bizim də ürəyimizdə yaranmışdır. Biz onun iddialarını etiraf etmirik, onun həyat tərzini mühakimə edirik, lakin qorxudan heç kimə heç nə deyə bilmədik. indi bizə deyin görək bəs bizim Yaradanımız kimdir? Təmleyxa və Təmleysa cavab verdilər: Bizim Yaradanımız, göyü və onun üzərindəki göy qübbəsini, ayağımızın altındakı sərhədsiz yerləri Yaradandır. Bizim Allahımız yüz minlərlə ulduzu yaradan və onu məşəl tək yandırandır. Dağ Yunus isə ağlasığmaz yalanlar danışır. O, artıq çoxdan bizi bezdirmişdir və biz qəlbimizdə ondan üz döndərmişik. Əgər o allah olsaydı bilməliydi ki, biz ona nifrət edirik. Bütün bu dörd gənc öz böyük yoldaşlarının dəlilləri ilə razılaşdılar və dedilər: Biz də Dağ Yunusa nifrət edirik və sizin • • itaət etdiyiniz Allaha itaət edirik. Oz dostlarından bu sözləri 117 eşidərək Təmleyxa və Təmleysa çox sevindilər və onları qucaqlayaraq bağrılarma basdılar. “Biz bu adamlardan qaçıb qutarmaq üçün üsul tapmalıyıq - onlar öz dostlarına dedilər. Öz uca Yaradanımızı axtarmalıyıq”. “Siz ayağınızı qoyduğunuz yerə biz başımızı qoyarıq, siz hara getsəniz, biz də sizin arxanızcayıq” - gənclər cavab verdilər. Bu qərara gələrək onlar qalxdılar və buradaca Böyük Yaradan onların ürəyinə və ağızlarına bu sözləri gətirdi. “Hamımız şahidik ki, bizim Yaradanımız, yeri və göyləri, günəşi və ayı, ulduzları və planetləri, dağları və dənizləri yaradandır. Biz Dağ Yunusa nifrət edir və onun allah mənsəbinə saxta iddialarmı tanımırıq”. Bunları deyərək gənclər qonaqlıq süfrələrindən götürüb Dağ Yunusun yanına yollandılar. Yenə bir qədər vaxt belə keçdi. Gündən günə Dağ Yunusun inamı artırdı, onlar isə xəlvətdə qaçmaq üçün münasib fürsət axtararaq, xidmətdə özlərini daha səyli və çalışqan göstərirdilər. Dağ Yunusun adamları gənclər ətrafında, daha çox dediqodu yaradır, onları hər şeydə günahlandırır, şərləyir və satırdılar. Vəzir vəkillərin dediqoduları nəhayət, Dağ Yunusa çatdı, və onları qəzəblə yanına çağırdı. “Siz bu gənclərdən nə istəyirsiniz, - o soruşdu- ümumiyyətlə siz onlar haqqında nə fikirləşirsiniz?” - “allahımız - vəzir vəkillər cavab verdi - biz görürük ki, onlar əvvəlki dindar yollarından sapmışlar. Bizdə elə dəqiq məlumat var ki, onlar ayrı Allaha itaət edir və sizi etiraf etmirlər”. Bu sözləri eşidərək Dağ Yunus daha da qəzəbləndi və gəncləri onun yanına gətirməyi əmr etdi. “Nə üçün insanlar sizi belə mühakimə edib günahlandırırlar? - Dağ Yunus yeniyetmələrdən soruşdu - nə üçün onlar sizin ətrafınızda belə hay-küy qaldırmışlar? Onların sizin haqqınızda dediklərinin zərrə qədəri belə doğru çıxarsa, onda sizə ən əzablı cəza verməyi əmr edəcəyəm ki, başqalarına da dərs olsun”. Təmleyxa və qalan gənclər ağızlarını açmadılar, Allah onların ürəyinə cəsarət verdi. Onlar cəsarətlə dedilər: “Bizim günahımız nədir?” - “Sizin allahınız kimdir - Dağ Yunus soruşdu - siz kimə itaət edirsiniz?” Bütün altı nəfərin hamısı cavab verdi. “ Biz əsil Allaha itaət edirik, Allah yeri, göyləri yaradandır və bizim ondan başqa 118 Yüklə 192 Kb. Dostları ilə paylaş:
|