79
81. Pol Gogen, "Qayerdan keldik? Kimmiz? Qayerga ketyapmiz?", 1898.
Mashhur rassom Pol Gogenning eng mashhur asarlaridan biri bo'lgan ushbu kartina
1897-1898-yillarda Taitida yaratilgan. Hozirda AQShning Massachusets shtati
Boston
shahridagi Tasviriy san'at muzeyida saqlanadi.
Gogen 1891-yilda Fransiyadan ko'ra soddaroq jamiyatni topish uchun Taitiga safar
qiladi. O'zining individualistik mifologiyasini ifoda
etadigan boshqa bir qator
kartinalari bilan bir qatorda ushbu asar 1898-yilda chizib tugatiladi. Rassomning o'zi
asarni ijodining eng yuqori cho'qqisi deb hisoblagan.
1898-yilda Gogen kartinani Parijga Jorj Daniel de Manfredga yuboradi. Keyin esa asar
to 1936-yilda Nyu-Yorkdagi Mariya Xarriman galereyasi tomonidan sotib
olinmaguncha Parij va Yevropaning qator kolleksionerlari qo'lida bo'lgan. Boston
Tasviriy san'at muzeyi asarni 1936-yil 16-aprelda Mariya Xarriman galereyasidan
sotib oladi.
Gogen ushbu kartinani tugatgandan so'ng o'z joniga qasd qilishni rejalashtirgandi. U
asarning o'ngdan chapga qarab o'qish kerakligini ta'kidladi
- undagi uchta yirik
guruhlar sarlavhada berilgan savollarni o'zida aks ettiradi. Bolali uchta ayol hayotning
boshlanishini anglatadi; o'rta guruh yetuklikni anglatadi; oxirgi guruh esa rassomning
rejasiga ko'ra keksalikni anglatadi. Orqa fonda moviy rangli but aks ettirilgan.
80
82. Viktor Vaznetsov, "Bahodirlar", 1898.
Viktor Vasnetsov qalamiga mansub ushbu kartina yigirma
yil davomida yaratilgan
hamda 1898-yil 23-aprelda to'liq yakunlanadi. Ko'p o'tmasdan P.M. Tretyakov
tomonidan galereyasi uchun sotib olingan.
Asarda uch rus bahodirlari - Dobrinya Nikitich, Ilya Muromets va Alyosha Popovich
tasvirlangan. O'rtadagi qora otda Ilya Muromets kafti
tutib uzoqlarga termulib
turibdi, ikkinchi qo'lida nayza va qalqon. Chap tomondagi oq otda Dobrinya Nikitich
qilichini qinidan chiqarib, har qanday vaqtda jangga tayyor ekanini ifoda etmoqda.
O'ng tomondagi jigarrang ot ustida Alyosha Popovich kamon va o'q tutib turibdi.
Sheriklari bilan taqqoslaganda u ancha yosh va nimjonroq. Uch bahodir past
tekislikda maysalar orasidagi keng tekislikda turibdi. Osmon bulutli, bu bahodirlarga
tahdid soladigan xavfni anglatadi.
Vasnetsov o'z qahramonlariga rus xalqining o'ziga xos xarakterlarini taqdim etgan.
Ilya Muromets tirishqoqlik, donolik, xalq urf-odatlari va tajribasiga suyanishni ifoda
etadi. Dobrinya Nikitichda mag'rur jangovar ruh va o'z yerlarini himoya qilish istagi
ko'rinadi. Alyosha Popovich obrazi esa rus xalqi qalbining
poetik mulohazaliligi va
go'zallikka befarq emasligini aks ettiradi.
Dostları ilə paylaş: