2
Har bir bilimdon bilishi kerak bo'lgan 100 ta kartina
Qadimgi dunyo vakillari asarlari
1. Altamir g'orlaridagi tasvirlar.
(Tahminan 15 ming yil avval chizilgan)
Altamir (La cueva de Altamira) - Ispaniyadagi yuqori paleolit davriga oid (Solutrey
madaniyati) polixrom g'or. Uzunligi 270 metr bo'lgan g'or
bir qator koridor va
zallardan iborat. Asosiy zal uzunligi 18 metr va balandligi 2 metrdan 6 metrgacha. Bir
muddat g'orda faqat hayvonlar yashagan. G'ordagi rasmlarda bizon, otlar,
yovvoyi
cho'chqalar, palma izlari va boshqalar tasvirlangan. Ularni tasvirlashda ko'mir,
gematit va boshqa tabiiy ranglardan foydalanilgan.
Altamir g'ori 1868-yilda ovchi Modest Kubillas Peras tomonidan topilgan. U o'ljani
ta'qib qilish paytida tosh parchalariga oyog'i kirib qolgan itini ozod qilmoqchi
bo'lganida kirish eshigini to'satdan ochib yuboradi. 1879-yilda
xavaskor arxeolog
Marselino Sans de Sautuola 9 yoshli qizi Mariya bilan g'orga keladi. (O'sha kuni qizini
enagaga tashlab kelolmagandi) Shunda qizaloq dadasiga g'or devorlaridagi chizmalar
ko'rsatadi. Shundan keyin g'or mashxur bo'lib ketadi.
1880-yilda g'orda olib borilgan qazishma ishlari natijalari nashr etiladi va rasmlar
tarixiyligi poleolit davriga borib taqalishi ma'lum qilinadi. Ammo boshqa olimlar bu
gaplarni
rad etib, arxeologlarni chizmalarni qalbakilashtirishda ayblashadi. G'orda
qazish ishlari 1902-1904, 1924-1925 va 1981-yillarda olib borilgan.
G'ordagi bizon tasviri
2. Shovye g'oridagi tasvirlar.
(Tahminan 30 ming yil avval chizilgan)
3
Fransiyaning janubidagi Ardeche daryosi vodiysidagi kichik Vallon-Pont-d'Ark shahri
yaqinidagi Shovye g'ori ham o'zining qoyatosh suratlari bilan mashhur. U 1995-yil 13-
oktyabrda Fransiya tarixiy yodgorliklari ro'yxatiga kiritilgan. 2014-yilda esa Jahon
madaniy merosi ro'yxatiga qo'shilgan. Hajm jihatidan Lasko g'oridan kattaroq.
Shovye g'ori umumiy uzunligi 800 metr va balandligi 18 metr bo'lgan zallar va
galereyalarni o'z ichiga oladi. Ushbu g'orda bundan 37,000 - 33,500 yil oldin odamlar
yashaganlar. G'ordan 435 dan ortiq hayvon tasvirlari topilgan.
Ushbu qoyatosh
rasmlari dunyodagi g'or san'atining eng qadimiy na'munalaridan biridir. Shovye g'ori
muzlik bilan qoplangani tufayli tashqi dunyodan uzilib qolgani sababli mukammal
holatda saqlangan. U 1994-yil 18-dekabrda uchta speolog
- Jan-Mari Shovye, Eliet
Bryunel va Kristian Iller tomonidan ochilgan.
Shovye g'ori devorlarida tasvirlangan Tarpanlar (yo'qolib ketgan ot turi)
surati
