85
87. Anri Matiss, "Raqs", 1910.
"Raqs" (fr. La Danse) - frantsuz rassomi Anri Matiss tomonidan 1910-yilda chizilgan
kartina. Ikkita versiya mavjud: birinchisi Nyu-Yorkdagi zamonaviy san'at muzeyida,
ikkinchisi va eng mashhuri - Sankt-Peterburgdagi Ermitajda saqlanmoqda. Birinchi
versiyasi 1909-yilda chizilgan.
Moskvalik kolleksioner Sergey Shukin 1906-yilda rassomning Parijdagi studiyasiga
tashrif buyuradi va uyining zinasi uchun uchta dekorativ panno buyurtma qiladi.
Ushbu seriyadagi ikkita kartina - "Raqs" va "Musiqa" - hozir Ermitajda saqlanadi,
uchinchi - "Cho'milish yoki meditatsiya" pannosi esa tugallanmay qolgan. Kartina
Rossiyaga yuborilishidan oldin, 1910-yil Grand Paleda namoyish etilgan va janjalga
sabab bo'lgan.
Inqilobdan so'ng, Shukinning to'plami milliylashtiriladi va Pushkin nomidagi tasviriy
san'at muzeyi hamda Ermitaj o'rtasida taqsimlanadi. "Raqs"
kartinasi boshqa
impressionistlar asarlari bilan birga Ermitajga topshiriladi.
Rassom asarni yaratishda Kolliurda ko'rgan xalq raqslaridan ilhomlangan. Yana bir
versiyaga ko'ra "Raqs" yunon vaza rasmlari va Sergey Dyagilevning ijodlari
taassurotlari ostida yaratilgan. Kartinada faqat uchta rangdan foydalanilgan.
86
88. Kuzma Sergeyevich Petrov-Vodkin, "Qizil otning cho'milishi", 1912.
"Qizil otning cho'milish" - rassom Kuzma Petrov-Vodkinning
mashhur kartinasi
bo'lib, 1912-yilda yaratilgan. Asar rassom uchun muhim ahamiyatga ega bo'lib, unga
dunyo miqyosida shon-sharaf keltirgan.
1912-yilda Petrov-Vodkin Rossiyaning janubida, Xvalinskda yashardi. Kartina
Gusevka qishlog'ida chizilgan degan fikr bor. Shu paytlarda
kartinaning dastlabki
eskizlari tayyorlangan. Kartinaning birinchi versiya muallif tomonidan yo'q qilingan.
Petrov-Vodkin ot tasvirini chizish uchun Bolakay laqabli haqiqiy tulpordan
foydalangan. Otga minayotgan o'spirin
obrazi uchun rassomga shogirdi, rassom
Sergey Kalmikov tashqi ko'rinishi yordam bergan. Sergey Kalmikov 1910-yildan
boshlab Petrov-Vodkin qo'lida taxsil olgan. 1911-yilda u suvda cho'milayotgan
qizil
otlar rasmini chizadi - ehtimolki Petrov-Vodkinni bu mavzuga aynan shu rasm
ilhomlantirgan.
Kartinada katta ko'lda cho'milayotgan ot va chavandozlar tasvirlangan. Qizil otning
tasviri kartinaning old qismini deyarli to'liq egallaydi.
Unga shunday katta hajm
berilganki, quloqlari va bir oyog'ining tizzadan pastki qismi kartinaga sig'may qolgan.
Jonivorning to'q qizil rangini landshaft rangi va bolakayning yengil tanasi bilan
solishtirganda yanada yorqinroq ko'rinadi. Hammasi bo'lib
kartinada uchta ot va
uchta bola tasvirlangan. Bolalardan biri oq otni boshqarmoqda.
Kartina hamda uning syujeti turlicha talqin qilinadi. Ayrimlar tomonidan kartinadagi
qizil otlar jasur insonlar boshqaruvida Rossiyaning taqdiri sifatida e'tirof etiladi.
Boshqa bir versiyaga ko'ra, Qizil otning o'ziyoq Rossiyani ifodalaydi.