51
53. Franchesko Ayets, "Bo'sa",
1859.
"Bo'sa" (it. Il bacio) - italiyalik rassom Franchesco Ayetsning 1859-yilda
italyan-
romantikasi uslubida yaratgan kartinasidir. Ayets shuningdek, ushbu asarning uchta
nusxasini ham yaratgan. Ularning ikkitasi shaxsiy to'plamlarda saqlansa, uchinchisi
(1861-yilda Myulius oilasi uchun chizilgan hamda ayol oq libosda tasvirlangani)
2008-yil 12-noyabrda Londonning "Sotheby's" auksionida 780 450 funt sterlingga
sotilgan.
Ayets "Bo'sa"ni o'zining eng yaxshi asarlaridan biri deb hisoblagan. Kartinada u
italiyan romantizmining naturalizm va hissiy muhabbatga
yaqinlik xususiyatlarini
Risorjimento ideali - vatanparvarlik bilan uyg'unlashtirib tasvirlashga harakat qilgan.
O'pishib turgan juftlik - Shekspirning Romeo va Juliettasi,
shuningdek Alessandro
Manzonining "Nikohlanganlar" asaridagi Rentzo va Luchiyaning allyuziyasi
hisoblanadi.
Qisqa qilib aytganda, asarda yorga bo'lgan muhabbat vatanga bo'lgan
muhabbat bilan bir syujetda birlashtirilgan.
Qahramonlarning kiyimlari va binoning me'moriy uslubi syujet o'rta asrlarda sodir
bo'lganligidan dalolat beradi. Ammo kartinaning mutlaqo yangi ikonografiyasi va
vatanparvarlik g'oyasi tomoshabinni asar zamonaviy ekaniga ishontiradi.
Rassom
foydalangan ranglar Italiya millati paydo bo'lishiga sabab bo'lgan Italiya va Fransiya
o'rtasidagi Plomber bitimiga ishora qiladi.
Kartina birinchi marta 1859-yil sentyabrda Brera akademiyasida bo'lib o'tgan
ko'rgazmada, Milanga Viktor Emmanuel II va Napoleon III (Solferino jangida
Avstriya qo'shinini mag'lub qilgan franko-sardiniya armiyasi qo'mondonlari)
kelganidan uch oy o'tib namoyish qilingan.