dövlətdəki diplomatik nümayəndəliyi və ya konsulluğu təmin
edir.
3.5.
Azərbaycan Respublikasının ştatdankənar (fəxri) konsulu
kommersiya və öz peşə fəaldiyyəti ilə məşğul ola bilər.
3.6. Azərbaycan Respublikasının ştatdankənar (fəxri)
konsulu ildə
bir dəfədən az olmayaraq öz konsulluq dairəsinin ərazisini
gəzməlidir.
3.7. Azərbaycan Respublikasının ştatdankənar (fəxri) konsulunun
hərəkətləri barədə şikayətlərə Azərbaycan Respublikasının
qəbul edən dövlətdəki diplomatik nümayəndəliyi və ya
konsulluğu, yaxud da bilavasitə Azərbaycan Respublikasının
Xarici İşlər Nazirliyi tabeçilik qaydasında baxır.
IV FƏSİL
AZƏRBAYCAN RESPUBLİKASININ ŞTATDANKƏNAR
(FƏXRİ) KONSULUNUN AZƏRBAYCAN
RESPUBLİKASININ HÜQUQİ ŞƏXSLƏRİNƏ VƏ
VƏTƏNDAŞLARINA MÜNASİBƏTİNİN ƏSASLARI
4.1. Azərbaycan Respublikasının ştatdankənar (fəxri) konsulu onun
fəaliyyətinə rəhbərlik edən Azərbaycan Respublikasının qəbul
edən dövlətdəki diplomatik nümayəndəliyinin və ya
konsulluğunun yaxud da Azərbaycan Respublikasının
Xarici
İşlər Nazirliyinin köməyi ilə Azərbaycan Respublikasının onun
konsulluq dairəsində olan hüquqi şəxslərinə və vətəndaşlarına
qəbul edən dövlətin qanunvericiliyi əsasında verilən,
Azərbaycan Respublikası ilə həmin dövlətin iştirak etdiyi
beynəlxalq müqavilələrdə nəzərdə tutulan, eləcə də beynəlxalq
adətlərdən irəli gələn bütün hüquqlardan onların tam həcmdə
istifadə etmələri üçün tədbirlər görür və həmvətənlərinə lazımi
yardım göstərir.
4.2. Azərbaycan Respublikasının ştatdankənar (fəxri) konsulu
konsulluq dairəsində olan Azərbaycan Respublikası hüquqi
şəxslərinin və vətəndaşlarının pozulmuş hüquqlarını bərpa
etmək üçün müvafiq tədbirlər görür.
4.3. Azərbaycan Respublikasının ştatdankənar (fəxri) konsulu öz
konsulluq dairəsinin ərazisində daimi və müvəqqəti yaşayan
Azərbaycan Respublikası vətəndaşlarının qeydiyyatını aparır,
onlara lazımi konsulluq yardımı göstərir.
4.4. Azərbaycan Respublikasının ştatdankənar (fəxri) konsulu
konsulluq dairəsinin ərazisində daimi və müvəqqəti yaşayan
Azərbaycan Respublikası vətəndaşlarına
qəbul edən dövlətin
qanun və qərarları, adət və ənənələri barədə məlumat verir.
4.5. Azərbaycan Respublikasının ştatdankənar (fəxri) konsulu
Azərbaycan Respublikasının vətəndaşları və həmvətənlər üçün
mədəni-maarif tədbirlərinin keçirilməsinə yardım edir.
4.6. Azərbaycan Respublikasının ştatdankənar (fəxri) konsulunun
Azərbaycan Respublikasının diplomatik
nümayəndəliyi və ya
konsulluğu, yaxud da bilavasitə Azərbaycan Respublikasının
Xarici İşlər Nazirliyi ilə razılaşdırmaqla Azərbaycan
Respublikasının vətəndaşları özləri olmadığı və öz işlərinin
aparılmasını digər şəxsə tapşırmadıqda, yaxud başqa səbəblərə
görə öz maraqlarını müdafiə edə bilmədikdə qəbul edən
dövlətin idarələrində onları təmsil etmək hüququ vardır. Bu
təmsilçilik təmsil edilənlər öz vəkillərini təyin edənədək və ya
hüquq və mənafelərinin müdafiəsini öz üzərlərinə götürənədək
davam edir.
V FƏSİL
AZƏRBAYCAN RESPUBLİKASININ ŞTATDANKƏNAR
(FƏXRİ) KONSULUNUN AZƏRBAYCAN RESPUBLİKASI
VƏTƏNDAŞLARININ HİMAYƏÇİLİK, QƏYYUMLUQ VƏ
ƏMLAK MƏSƏLƏLƏRİ İLƏ
ƏLAQƏDAR FUNKSİYALARI
5.1. Azərbaycan Respublikasının ştatdankənar (fəxri) konsulu
Azərbaycan Respublikasının diplomatik nümayəndəliyi və ya
konsulluğu, yaxud da bilavasitə Azərbaycan Respublikasının
Xarici İşlər Nazirliyi ilə razılaşdırmaqla öz konsulluq dairəsində
yaşayan yetkinlik yaşına çatmamış, valideynlərin himayəsindən
məhrum olmuş Azərbaycan Respublikası vətəndaşlarının və
habelə yetkinlik yaşında olan, səhhətinə görə öz hüquqlarını
həyata keçirə bilməyən və öz vəzifələrini yerinə yetirə bilməyən
Azərbaycan Respublikası vətəndaşlarının himayəçiliyə və
qəyyumluğa götürülməsi üçün tədbirlər görür.
440
441
5.2. Azərbaycan Respublikasının ştatdankənar (fəxri) konsulu
Azərbaycan Respublikasının vətəndaşı öldükdə bu barədə təxirə
salınmadan Azərbaycan Respublikasının
qəbul edən dövlətdaxili
diplomatik nümayəndəliyinə və ya konsulluğuna, yaxud da
bilavasitə Azərbaycan Respublikasının Xarici İşlər Nazirliyinə
məlumat verir və onunla razılaşdırılmaqla Azərbaycan
Respublikası vətəndaşının ölümündən sonra qalmış əmlakının
mühafizəsi üçün və ya əgər qalmış əmlak tamamilə, yaxud
qismən xarab olmağa başlamışsa, yaxud da saxlanması çox baha
başa gəlirsə, onun satılması üçün tədbirlər görür. Satışdan əldə
edilmiş pul aidiyyəti üzrə göndərilməlidir.
5.3. Azərbaycan Respublikasının ştatdankənar (fəxri) konsulu
Azərbaycan Respublikasının diplomatik nümayəndəliyi və ya
konsulluğu, yaxud da bilavasitə Azərbaycan Respublikasının
Xarici İşlər Nazirliyi ilə razılaşdırıldıqdan sonra saxlamaq üçün
Azərbaycan Respublikasının vətəndaşlarına məxsus olan pulu,
qiymətli əşyaları, qiymətli kağızları və sənədləri qəbul edə bilər.
5.4. Azərbaycan Respublikasının ştatdankənar (fəxri) konsulu
Azərbaycan Respublikasının
dövlətinə, hüquqi şəxslərinə və
vətəndaşlarına hədiyyə olunan pulun, qiymətli əşyaların və
əmlakın keçirilməsini rəsmiləşdirməkdə xarici ölkələrin
vətəndaşlarına və təşkilatlarına yardım edə bilər.
VI FƏSİL
AZƏRBAYCAN RESPUBLİKASININ İTKİN DÜŞMÜŞ,
TUTULUB SAXLANILAN, HƏBSDƏ OLAN, BAŞQA
ŞƏKİLDƏ AZADLIQDAN MƏHRUM EDİLƏN VƏ YA
CƏZA ÇƏKƏN VƏTƏNDAŞLARI İLƏ ƏLAQƏDAR
AZƏRBAYCAN RESPUBLİKASININ ŞTATDANKƏNAR
(FƏXRİ) KONSULUNUN FUNKSİYALARI
6.1. Azərbaycan Respublikasının ştatdankənar (fəxri) konsulu onun
konsulluq dairəsində daimi və ya müvəqqəti yaşayan itkin
düşmüş Azərbaycan Respublikası vətəndaşının axtarışına yardım
edilməsi üçün qəbul edən dövlətin
səlahiyyətli hakimiyyət
orqanlarına müraciət edə bilər.
6.2. Azərbaycan Respublikasının vətəndaşı tutulub saxlanıldıqda,
həbs olunduqda və ya başqa formada azadlıqdan məhrum
edildikdə Azərbaycan Respublikasının ştatdankənar (fəxri)
konsulu bu barədə Azərbaycan Respublikasının qəbul edən
dövlətdəki diplomatik nümayəndəliyinə və konsulluğuna, yaxud
da bilavasitə Azərbaycan Respublikasının Xarici İşlər Nazirliyinə
dərhal məlumat verir və onların göstərişlərinə uyğun olaraq
hərəkət edir.
6.3. Azərbaycan Respublikasının ştatdankənar (fəxri) konsulu
Azərbaycan Respublikasının diplomatik nümayəndəliyi və ya
konsulluğu, yaxud da bilavasitə Azərbaycan Respublikasının
Xarici İşlər Nazirliyi ilə razılaşdırmaqla həbsdə olan və ya
şübhəli şəxs kimi tutulub saxlanılan,
yaxud Azərbaycan
Respublikası vətəndaşının azadlığını məhdudlaşdıran başqa
tədbirlərə məruz qalan, yaxud da azadlıqdan məhrum edilməklə
cəza çəkən, habelə başqa inzibati və ya məhkəmə tədbirlərinə
məruz qalan Azərbaycan Respublikasının vətəndaşı barəsində
yerləşdiyi dövlətin qanunlarına və Azərbaycan Respublikası ilə
həmin dövlət arasındakı müqavilələrə əməl olunmasına nəzarət
edir.
Qanun pozuntusu müəyyən edildikdə o, bu barədə Azərbaycan
Respublikasının diplomatik nümayəndəliyinə
və ya
konsulluğuna, yaxud da bilavasitə Azərbaycan Respublikasının
Xarici İşlər Nazirliyinə dərhal məlumat verir.
VII FƏSİL
AZƏRBAYACAN RESPUBLİKASININ ŞTATDANKƏNAR
(FƏXRİ) KONSULUNUN PASPORT-VİZA SƏNƏDLƏRİ,
SƏNƏDLƏRİN TƏLƏB EDİLMƏSİ VƏ NOTARİAT
MƏSƏLƏLƏRİ İLƏ ƏLAQƏDAR FUNKSİYALARI
7.1. Azərbaycan Respublikasının ştatdankənar (fəxri) konsulu
Azərbaycan Respublikasının diplomatik nümayəndəliyi və ya
konsulluğu ilə razılaşdırmaqla Azərbaycan Respublikasının
vətəndaşlarınn pasportlarının vaxtını artıra və bu pasportlarda
dəyişikliklər edə bilər.
7.2. Azərbaycan Respublikasının ştatdankənar (fəxri) konsulu
Azərbaycan Respublikasından sənədlərin tələb edilməsi üçün
ərizələri və vəsatətləri qəbul edib onları baxılmaq üçün
Azərbaycan Respublikasının diplomatik nümayəndəliyinə və
442
443