6
1930-cu ildən 1959-cu ilədək mövcud olmuş Qonaqkənd
rayonu bu günkü Quba rayonunun dağlıq ərazisidir. Vaxtilə
52 kəndi olan Qonaqkənd ərazisində gözəl, mənzərəli, füsun
kar təbiəti olan kəndlər çoxdur. Dəhnə, Xaltan, Cimi kimi mi
neral istisuyu olan və istirahət mərkəzi ola biləcək kəndlər
var. Amma yolun çətinliyi, şəraitin olmaması bu yerlərin unu
dulmasına səbəb olur. (Bax: şəkil 1; 6; 7; 8)
Relyefi, mənzərəsi, havası, insanlarının mehribanlığı baxı
mından fərqlənən kəndlərdən biri də Yerfi kəndidir. Yerfi
kəndi 41,06 dərəcəli paralellə 48,29 dərəcəli meridianın kəsiş-
məsində yerləşir. Dəniz səviyyəsindən 1300 metr hün dür-
lükdə yerləşən Yerfi kəndi dörd tərəfdən dağlarla əhatə olun
muşdur. Dağların qoynunda yerləşən bu kənddən zirvəsi ilin
10 ayı qarlı olan Babadağ aydın görünür. Baba dağa – Həzrət
Babaya ziyarətə gedilən yollardan biri də bu kənddən keçir.
Yerfini ilk dəfə görənlər onun dağ kəndləri içərisində ən
mənzərəli kənd olduğunu etiraf edirlər. Kəndin arxası daş qa
yaya söykənmiş, qarşı və yan tərəfləri ilin çox vaxtı yaşıl olan
qaya və təpəliklərlə əhatə olunmuşdur. Kəndin qarşısından
mənbəyi Baba dağın (Həzrət Babanın) ətəyindən başlayan
Vəlvələ çayının bir qolu Baba çayı axır. Bir qədər şimalda isə
Yerfi silsiləsinin sıralanmış uca zirvələri görünür.
Kəndi əhatə etmiş qayalar qışda havanın mülayim olması
na kömək edir və kəndi güclü, həm də soyuq küləklərdən qo
ruyur. Təngə dərəsindən aşağıda yerləşən Quba kəndlərinə
nisbətən bu ərazidə yağıntılı günlər az olur. Daha çox quraq,
günəşli havalar keçir. Quba-Xaçmaz kəndlərində olan rütubət,
yağıntı burada olmadığından havası saf, təmiz, qurudur. Yayı
sərin olduğu kimi, qışının da soyuğu çox hiss olunmur.
Xüsusilə, kəndin çay kənarına nisbətən Güney məhəlləsində
yağan qar tez əriyir, ev quşları və heyvanlar üçün əlverişli
olur. Yay olduqda Yerfi silsiləsindən bəri bu yaylaqlarda qo
yun sürülərinin, qaramal naxırlarının sayı-hesabı olmur.
Dağların qoynunda, bulaqlar üstdə həmişə şəhərin isti sin-
dən, səs-küyündən qaçıb gələnləri də görmək olur. Yerfinin
7
gözəlliklərini, füsunkar təbiətini duyaraq onu misralara
çevirən şair oğlu Niftulla Əlixanlı yazmışdir:
Qurban olum torpağına, daşına,
Sazağına, boranına, qışına.
Arxadakı sərt qayanın başına
Çıxan bilər gözəlliyin Yerfinin.
Qalaları qeyrət, hünər guşəsi,
Qut bulağı, Pirbənövşə meşəsi.
Sinəsinə nərgiz, tər bənövşəsin
Taxan bilər gözəlliyin Yerfinin.
Kim dadıbsa camış südü, qaymaqdan,
Su içibsə burda Ayğır bulaqdan,
Kələvadan, Babadağdan, Şahdağdan
Baxan bilər gözəlliyin Yerfinin.
Dədəgünəş cənnət, Sarvan tamaşa
Belə bir diyarda ömür sür, yaşa
Nehrə yağın sacdan düşən lavaşa
Yaxan bilər gözəlliyin Yerfinin...
Yerfinin yaxınlığında meşə ərazisi yoxdur. Daha çox kolluq
və biçənək sahələrdir. Bu kolluqlarda ziriş, itburnu, yemişan,
cır göyəm və ərik ağaclarına tez-tez rast gəlinir. Kəndin
özündə isə meyvə bağları, bostan-tərəvəz sahələri var. Rayon
mərkəzindən uzaq olduğundan bazar üçün məhsul hazırlan
mır. Kənd sakinləri yalnız öz ehtiyaclarını ödəmək üçün əkib
becərməli olurlar.
Kəndə yaxın olan bulaqlar yayda bu yerlərə gələnlərin
sevdikləri yerlərdir. Oydəhin ayağında Şəlalə, Qüləhdə
Mirzəxan bulağı, Ağbulaq, Qaraqız kimi yerlər bir çoxlarının
tanıdıqları yerlərdir. Bu bulaqların bəzilərinin suyundan yerli
əhali müəyyən xəstəliklərin müalicəsi zamanı istifadə edir.
Baba Şəhməd babanın Keş tərəfində Qızdırma bulağı var. Qa
yanın arxasında Ağamməd bulağı böyrək xəstəliklərində,
Lağlağırdakı Vərov suyundan mədə-bağırsaq, yel, bəzi yara
ların sağalmasında istifadə olunur.
8
Yerfi kənd ərazi-inzibati vahidliyinə Nohurdüzü, Qayada
lı, Dərk, Talış kəndləri daxildir. Bu kəndlərin ərazisində:
Nohurdüzüdə Dəllək düzündəki Soyuq bulaq, Qayadalıda
Almas bulağı, Dərkdə Kələnovdakı Xanbulaq istirahət üçün
şəfalı guşələrdir. Əfsus ki, yolun çətinliyi bu yerləri əlçatmaz
etmişdir.
Yerfinin keçmişi haqqında
Yerfi kəndinin yerləşdiyi ərazi dil, etnoqrafiya, tarix baxı
mından maraqlı, az öyrənilmiş, tədqiqat üçün zəngin materi
alı olan bir yerdir. Dil baxımından bu kəndlərin yerləşməsi
çox şeydən xəbər verir. Bu ərazinin ən qədim kəndləri dedikdə
dəniz səviyyəsindən iki min metr yüksəklikdə yerləşən Xına
lıq, Buduq, Cek, Hapıt, Qrız kimi kəndlər yada düşür. Bu
kəndlər ayrıca dilləri olmaqla seçilir. Dəniz səviyyəsinə görə
bu kəndlərdən bir qədər aşağı, min beş yüz metrə yaxın
yüksəklikdə olan Rük, Söhüb, Qarxun, Adur, Dərk, Talış, Yer
fi, Qayadalı, Nohurdüzü, Aydınkənd kimi kəndlər Azərbaycan
türkcəsi ilə danışan, başqa dili olmayan kəndlərdir. Bu
kəndlərdən nisbətən aşağı, yəni dəniz səviyyəsindən təxminən
min metr yüksəklikdə olan kəndlər isə tat kəndləridir. Buraya
Xaltan, Qonaqkənd, Afurca, Güləzi ərazi inzibati vahidliklərini
göstərmək olar. Tat kəndləri, əsasən Şamaxı-Quba yolu
üzərində, münbit torpağı, meşəliyi, bağları olan ərazilərdir.
Yerfi kəndində yaşayanlar Azərbaycan türkcəsi ilə danışır,
ayrı dili yoxdur. Tatlarla qohumluq əlaqəsi var. Lakin nədənsə
tarix elmlər namizədi Məhəmməd Əliyev “Azərbaycan tatla
rı” adlı kitabında Yerfini tat kəndi kimi göstərmişdir. Kitab
haqqında danışmadan təkcə onu demək istəyirəm ki, müəllif
yazdıqlarına diqqətlə yanaşmadığından əslində tat olmayan
Adur, Bilgəh, Qarxun, Dərk, Yerfi, Söhüb, Talış, Növdün kimi
kəndləri də tat kəndləri adlandırmışdır. Görünür ki, müəllif
bu yerləri yaxşı tanımırmış.
Doğrudur, Yerfi kəndində bir çox ərazi adları fars dilindən
gəlmə sözlərlə adlandırılmışdır. Bu tatla bağlı deyil. Bunu Şi
Dostları ilə paylaş: |