80
rasiyası üçün təhsilin rolu əvəzsizdir. Məhz buna görə Heydər Əliyev Fondu
yarandığı ilk gündən təhsilə yardımı öz fəaliyyətinin prioritet istiqaməti
elan etmişdir”.
Fondun rəhbəri 2005ci ilin əvvəlində Bakıda və əksər rayonlardakı uşaq
evləri və internat məktəblərində olduqdan sonra “Uşaq evləri və internat mək-
təblərinin inkişafı proqramı”nın hazırlanıb həyata keçirilməsini məqsədəuyğun
hesab etmişdir. Ölkədəki uşaq evləri və internat məktəblərində mövcud prob-
lemlərin həllinə yönələn bu proqram ötən illər Heydər Əliyev Fondunun fəa-
liyyətinin başlıca istiqamətlərindən birinə çevrilmişdir. 29 uşaq müəssisəsində
yenidənqurma və tikintitəmir işləri aparılmışdır. Bu zaman onların zəruri ava-
danlıqla təmin edilməsi, yeni ədəbiyyatla zəngin kitabxanaların yaradılması,
informasiya texnologiyalarının tətbiqi, sinif otaqlarının interaktiv təhsil üçün
uyğunlaşdırılması da diqqət mərkəzində olmuşdur. Əlavə yardımçı binalar,
sanitargigiyenik normalara cavab verən müasir tipli yeməkxanalar, yataq otaq-
ları, həkim və psixoloq otaqları, idman meydançaları və salonları yaradılmış,
yay istirahət düşərgələri inşa edilmişdir.
Fondun “Yeniləşən Azərbaycana yeni məktəb” proqramı təhsilin səviyyə-
sinə birbaşa təsir edən problemlərin həllinə – tədris prosesinin günün tələbləri
səviyyəsində qurulmasına imkan verən müasir məktəb binalarının inşasına is
tiqamətlənmiş, respublikada məktəb binalarının vəziyyəti yoxlanılmışdır. Nə
ticədə Azərbaycanın ən müxtəlif bölgələrində tam yararsız hesab olunan 132
məktəb müəyyənləşdirilmiş, mütəxəssislərin rəyinə görə, onların yenidən inşası
problemin ən optimal həlli kimi qiymətləndirilmişdir.
Fond tərəfindən son 3 ildə müxtəlif beynəlxalq qurumlarla əməkdaşlıq çər-
çivəsində respublikamızın ali məktəblərinə müxtəlif adda 10 min nüsxə kitab,
dərslik alınıb paylanılmışdır.
“Heydər Əliyev Fondunun səhiyyə sahəsindəki fəaliyyəti” bölməsində bu
sahədə görülən işlərdən bəhs olunur. Fondun səhiyyə ilə bağlı ilk tədbirlərindən
biri “Diabetli uşaqlara ən yüksək qayğı” layihəsi olmuşdur.
2004cü il dekabrın 4də layihənin təqdimatından sonra Heydər Əliyev
Fondu Azərbaycan Diabet Cəmiyyəti və Danimarkanın yüksək keyfiyyətli in
sulin istehsalı sahəsində dünyada lider olan “Novo Nordisk” şirkəti ilə birgə
onun icrasına başlamışdır. Layihənin əsas məqsədi ictimaiyyətin, yerli və xarici
şirkətlərin diqqətini ölkəmizdəki diabetli uşaqların problemlərinə yönəltmək,
bunların həllinə kömək etmək və Beynəlxalq Diabet Federasiyasının bu sahədə
iştirakını fəallaşdırmaqdır.
Azərbaycanda bu xəstəliyə tutulmuş 14 yaşınadək uşaqların insulinlə təmi-
natında əvvəllər böyük çətinlik mövcud idi. Layihə çərçivəsində həmin uşaq-
lara yarımillik insulin preparatları və şprisqələmlər verilmişdir. 2005ci ilin
may ayından başlayaraq, Heydər Əliyev Fondu tərəfindən hər növbəti yarım il
81
üçün insulin preparatları və şprisqələmlər paylanılır və bu iş indi də müntəzəm
davam edir.
Fondun təşəbbüsü ilə ölkəmizdə talassemiyalı xəstələrin sayı, vəziyyəti,
müalicə imkanları ilə bağlı müvafiq informasiya toplandıqdan sonra, 2005ci
ilin fevralında “Talassemiyasız həyat naminə” mövzusunda keçirilən “dəyirmi
masa”da ictimaiyyət nümayəndələri, beynəlxalq təşkilatlar, o cümlədən Bey-
nəlxalq Talassemiya Federasiyası ilə birgə əməkdaşlıq imkanları müzakirə
olunmuşdur. Dünya Səhiyyə Təşkilatının proqnozlarına görə, lazımi tədbirlər
görülməsə, 45 il ərzində ölkəmizdə bu xəstələrin sayı 16 minə çata bilər. Ona
görə də müasir avadanlıqla təchiz olunmuş Talassemiya Diaqnostika Mərkəzi-
nin və Qan bankının yaradılması qərara alınmışdır. Mərkəz ilin sonunadək isti-
fadəyə veriləcəkdir.
Fondun təşəbbüsü ilə İsmayıllıda və Bakının Xəzər rayonunda poliklinika,
təcili yardım stansiyası, apteklər tikilmişdir.
Almaniyanın tanınmış “Fresenius Medical Care” və “Karl Storz” şirkətlə-
rinin Fondla əməkdaşlığı çərçivəsində humanitar yardım kimi 130 min avro
dəyərində 2 ədəd autoqemotransfuziya və 4 ədəd dərman preparatlarının dəqiq
doza ilə ötürülməsini təmin edən aparat alınmışdır. Bunlar, habelə ötən il Fonda
verilmiş 200 min avro dəyərində 10 ədəd hemodializ aparatı Səhiyyə Nazirli-
yinə bağışlanmışdır.
Oxucular “Heydər Əliyev Fondunun mədəniyyət sahəsindəki fəaliyyəti” böl-
məsində Fondun mədəniyyət sahəsindəki fəaliyyəti ilə də tanış ola biləcəklər.
Azərbaycan muğam sənətinin inkişafı və onun ənənələrinin qorunub saxlan-
masını nəzərdə tutan “Azərbaycan muğamları” layihəsi çərçivəsində 2005ci
ildə Parisdə – UNESCOnun qərargahında 24 muğam ustasının ifasında səs-
lənmiş muğamların toplandığı “Qarabağ xanəndələri” musiqi albomunun təq-
dimatı keçirilmişdir.
Fondun prezidentinin təşəbbüsü ilə UNESCO Azərbaycan muğamını bəşə-
riyyətin şifahi və qeyrimaddi irsinin şah əsərləri siyahısına daxil etmişdir.
Azərbaycan və dünya musiqisinin incisi olan muğamların qorunub saxlanması
və inkişafı, dünyada yayılması və beynəlxalq muğam tədbirlərinin keçirilməsi
məqsədi ilə Bakıda Beynəlxalq Muğam Mərkəzi inşa edilir.
Dahi bəstəkar Üzeyir Hacıbəylinin anadan olmasının 120 illiyi münasi-
bətilə bir il davam edən muğam telemüsabiqəsi keçirilmiş, Heydər Əliyev
adına Sarayda müsabiqə iştirakçılarının və muğam ustadlarının konserti təş-
kil edilmişdir.
Kitabın “Beynəlxalq əməkdaşlıq” adlı bölməsində qeyd olunur ki, Fondun
beynəlxalq əməkdaşlığı ilbəil genişlənir. 2005ci ildən başlayaraq BMTnin
İnkişaf Proqramı ilə əməkdaşlıq çərçivəsində “Kor və görmə qabiliyyəti zəif
olan insanların informasiyakommunikasiya texnologiyalarına çıxışının təmin
edilməsi” Proqramına start verilmişdir. Respublikamızda kor və ya görmə qabi-