yaratmışdır.
Bundan əlavə personalın tərkibində diplomat hesab edilməyən
mütəxəssislər meydana gəlmişdir. Diplomatik nümayəndəliklər yanında
diplomatik fəaliyyətə birbaşa aidiyyəti olmayan, xüsusilə də daxili
mühafizə xidməti kimi müxtəlif köməkçi orqanlar yaradılır. Diplomatik
nümayəndəliklərin funksiyaları daha rəngarəng olmuş, fəaliyyət
metodları mürəkkəbləşmiş, diplomatların hərəkət marşrutları barədə
qabaqcadan xəbər vermə qaydası geniş yayılmış, diplomatik poçtun
göndərilməsinin Vyana Konvensiyasında nəzərdə tutulmayan vasitələri
(telekslə, kompyuterlə) və s. yaranmışdır. Bütün bu dəyişikliklər
diplomatik nümayəndəliklərin və onların personalının statusuna əsaslı
surətdə təsir etmişdir.
Son vaxtlar diplomatik heyət məskun olduğu dövlətin ərazisində
sərbəst yerdəyişmək hüququna malikdir (bağlı zonalar olduğu təqbirdə
bunlar haqqında qaydaları nəzərə almaqla). Diplomatların bir sıra
ölkələrdə mövcud olan xəbərdarlıq qaydasında yerdəyişməsi yuxarıda
göstərilmiş qaydaya zidd deyildir.
Diplomatik nümayəndəliklərin və onların personalının statutuna
aid olan və diplomatik münasibətlər haqqında 1961-ci il Vyana
Konvensiyasında lazımi razılığı almayan (məsələn, diplomatik kuryerin
statusu) və ya ümumiyyətlə, bu məsələyə toxunulmayan (məsələn,
diplomatın müvəqqəti rezidensiyasının immuniteti) məsələlər vardır.
Dövlətlərin
diplomatik
təcrübəsində
diplomatik
nümayəndəliklərin və onların personalının statusunu tənzimləyən hüquq
normalarının təfsirində dəyişikliklər meydana gəlmişdir. Bu dəyişiklər
1961-ci il Vyana Konvensiyasına yenidən baxmağa, diplomatiya
hüququnun normalarının gələcəkdə yenidən məcəllələş- dirilməsinə
ehtiyac yaratmışdır.
Diplomatik kuryer vasitəsilə göndərilməyən diplomatik poçtun və
diplomatik kuryerin statusu haqqında maddələrin layihəsinin
hazırlanması üzrə BMT-nin Beynəlxalq Hüquq Komissiyası tərəfindən
yerinə yetirilən iş xüsusilə böyük maraq doğurur. Lakin diplomatiya
hüququnun fəaliyyət göstərən normalarının effek
60
tivliyinin zəifləməsi təhlükəsi ilə bağlı Vyana Konvensiyasının yenidən
baxılması prosesinə digər bir baxış da mövcuddur. Bu baxış ABŞ və
Böyük Britaniya kimi dövlətlərin hökümətlərinin mövqeyində öz əsasını
tapmışdır. Bu dövlətlərin hökümətləri Vyana Konvensiyasına yenidən
baxmağa rəsmən öz etirazlarını bildirmişlər.
Beləliklə, diplomatik nümayəndəliklərin və onların personal-
larının statusunun beynəlxalq-hüquqi tənzimlənməsində mövcud
meyllərin analizi öz aktuallığı ilə seçilir.
Diplomatiya hüququnun yaranması və inkişaf tarixi onu göstərir
ki, diplomatik nümayəndəliklərin statusunun beynəlxalq - hüquqi
tənzimlənməsi üçün iki qarşı-qarşıya qoyulmuş meyllərin mövcudluğu
xarakterik idi: biri imtiyaz və immunitetlərin məh- dudlaşdırılmasına
yönəlmiş, degəri isə imtiyaz və immunitetlərin genişləndirilməsinə
yönəlmişdir. Onlar yerləşdiyi ölkədə akkreditə edən dövlət arasında
maraqların toqquşması ilə əsaslanır və onların balanslaşdırılması əsasında
diplomatik nümayəndəliklərin statusu formalaşır. Maliyyə maraqlarını,
dövlətin təhlükəsizliyinin təmin edilməsi maraqlarını rəhbər tutaraq,
yerləşdiyi dövlət öz ərazisində imtiyazlı əcnəbilərin sayının ixtisar
edilməsinə və əcnəbi diplomatik nümayəndəliklər tərəfindən müxtəlif
növ sui-istifadə hallarının qarşısının alınmasına yönəldilmiş hüquqi
qarantiyaların əldə edilməsinə cəhd edir. Akkreditə edən dövlət isə
xaricdə yerləşən nümayəndəliklərin və öz vətəndaşları üçün təhlükəsizliyi
maksimal dərəcədə təmin edilməsində, onların işi üçün əlverişli şərait
yaradılmasında maraqlıdır. İlk baxışda belə fikir ayrılığı olmamalıdır,
belə ki, hər bir dövlət prinsip etibarilə həm akkreditə edən, həm də qəbul
edən, dövlətdir. Lakin dövlətlər arasında onların siyasi sistemində,
əhalinin sayında, coğrafi mövqeyində, maliyyə və digər imkanlarının
xarakterində, beynəlxalq aləmdə bu dövlətin real təsir dairəsi və s. fərqlər
qaçılmazdır. Bu faktlar ona gətirib çıxarır ki, bu və ya digər mərhələdə hər
bir dövlətdə ya akkreditə edən, ya da yerləşdiyi dövlətin maraqları qalib
gəlir.
Bununla bagiı öndə gedən dövlətlərin mövqeyi xüsusi maraq
61
doğurur. Bir tərfdən bu dövlətlər xaricdə inkişaf etmiş diplomatik
nümayəndəliklər şəbəkəsinə malik olaraq, diplomatik imtiyaz və
immunitetlərə, onların həmçinin genişləndirilməsinə ciddi riayət
edilməsində maraqlıdır. 50-ci illərin axırlarında qərb dövlətlərinin çoxu
diplomatik imtiyaz və immunitetlərin dairəsinin genişləndirilməsi
tərəfdarları kimi çıxış etdiyi zaman bu maraqlılıq özünü Vyana
Konvensiyasının layihəsinin hazırlanmasında tapdı.
Diplomatik nümayəndəliklərin normal fəaliyyət göstərməsini
stabil, etibarlı təminatına can atmaq xarici diplomatik nümayəndəliklərin
imtiyaz və immunitetlərinin açıq və kobud şəkildə pozulması ilə
xarakterik olmayan qərb dövlətlərinin müasir diplomatik təcrübəsində də
özünü göstərir.
1983-cü il 6 sentyabr tarixində Avropa Təhlükəsizlik və
Əməkdaşlıq
üzrə
müşavirənin
iştirakçı
olan
dövlətlərin
nümayəndələrinin Madriddə keçirilən görüşünün Yekun sənədi qəbul
edilmişdir. Bu Yekun sənədində deyilir ki, “İştirakçı dövlətlər
konvensiyalarda nəzərdə tutulmuş müddəaları yerinə yetirməyi və bu
missiyaların normal fəaliyyəti üçün mümkün qədər əlverişli şərait
yaradacaqlarını öz öhdəliklərinə götürmüşlər.
Digər tərəfdən, son illərdə Böyük Britaniya, ABŞ, Fransa kimi
qərb dövlətlərində inzibati hüquq normalarının tətbiqi yolu ilə diplomatik
imtiyaz və immunitetlərin məhdudlaşdırılmasına yönəldilmiş daha acıq
siyasət yürüdülür.
Diplomatik imtiyaz və immunitetlərin məhdudlaşdırılmasına
yanaşmanın əsas səbəblərindən biri daxili siyasi yanaşma mövqeyidir.
Digər bir səbəb isə xarici diplomatik nümayəndəliklər tərəfindən
diplomatik imtiyaz və immunitetlərdən çoxsaylı sui- istifadə hallarına
qarşı qərb dövlətlərinin ictimaiyyətinin narazılığına yerləşmə dövlətinin
hökümətinin reaksiya verməsinə can atmasıdır. Son illərdə xarici
diplomatlar tərəfindən yol hərəkəti qaydalarının daimi pozulmasına və bu
yol hərəkəti qaydalarını pozan diplomatların cəzasız qalmasına cavab
olaraq ABŞ, Böyük Britaniya, Kanada hökümətləri diplomatik
münasibətlər haqqında
1 9 6 I - C İ
il Vyana Konvensiyası ilə” bir araya
sığmayan”
62
Dostları ilə paylaş: |