lakin səfirliyin yerləşdiyi ölkənin hakimiyyətinə xəbər vermir. Bu cür
aksiya həyata keçirildikdə məskun olunan dövlətin məsuliyyəti xarici
dövlətin səfirliyinin toxunulmazlığını təmin etmək vəzifəsinin yerinə
yetirilmədiyindən irəli gəlir.
Lakin əgər sübuta yetirilsə ki, səfirliyin hazırlanan aksiya
haqqında məlumatı varmış, ancaq bu barədə məskun ölkənin
hakimiyyətinə xəbər verməmişdir, o zaman səfirliyin bu cur davranışı
məskun olunan dövləti məsuliyyətdən azad edən hal kimi qiymətləndirilə
bilər.
Yerləşmə dövlətinin siyasi məsuliyyəti digər subyektin
mənafelərini qoruyan beynəlxalq hüquqi normasının pozulması faktında
(məsələn, diplomatik nümayəndəliyin toxunulmazlığının pozulması)
hasil olur. Bu cür məsuliyyət hüquq pozuntusunun maddi ziyana, yaxud
digər neqativ nəticələrə səbəb olmadıqda da yarana bilər və
satisfaksiyalar (mənəvi məsuliyyət) formasında: zərərçəkmiş tərəfi
hüquqpozmanın təkrarına yol verilməyəcəyinə inandırma, üzr istəmə,
təəssüf bildirmə, hüquqpozmanın cəzalandırılması, zərərçəkən tərəfə
mənəvi təminatının digər formaları şəklində ifadə olunur. Siyasi
məsuliyyət zərər çəkmiş subyekt tərəfindən həyata keçirilən zorakı cavab
hərəkətləri kimi forması da qeyd edilməlidir. Bu cür tədbirlərdən biri də
retorsiya^ adlanır. Rctorsiya hüquqpozma sayılmayan qeyri-dostluq
hərəkətləri ilə əlaqədar cavab aksiyalarıdır (məsələn, səfirin təmsil etdiyi
ölkə barəsində qərəzli bəyanatla əlaqədar səfirin geri çağrılması).
Məsələn, partlayışlar, yanğınlar törədilməsi, vandalizm aktlarının
həyata keçirilməsi və s. nəticəsində diplomatik nümayəndəliyə dəymiş
maddi zərərə görə bu diplomatik nümayəndəlik yerləşmə dövlətindən
maddi kompensasiya tələb etmək hüququna malikdir. Bu halda yerləşmə
dövləti də maddi məsuliyyət daşıyır. Maddi məsuliyyət amillər
məcmusunun mövcudluğu nəticəsində yaranır: Beynəlxalq hüquq
normasının pozulması, hüquqpozma
' Rctor.siya - beynəlxalq hüquqda bir dövlətin digər dövlətin eyni tələblərinə qarşı gördüyü
məhdudlaşdırıcı tədbirlər.
78
nəticəsində maddi ziyan yaranması və hüquqpozma ilə bu ziyan arasında
birbaşa səbəbi i əlaqənin olması.
Maddi məsuliyyət dəymiş maddi ziyam ödəmək vəzifəsi ilə ifadə
olunur. Bu, restitusiya (hüquqpozmaya digər mövcud olan maddi
vəziyyətin bərpası) və ya reparasiya (dəymiş ziyanın pulla ödənilməsi)
formalarında həyata keçirilir.
Siyasi və maddi məsuliyyət eyni bir zamana görə yarana bilər.
Qəbul edən dövlətin hakimiyyət orqanları diplomatik
nümayəndəliyin başçısının icazəsi olmadan nümayəndəliyin ərazisinə və
onun binalarına daxil ola bilmədikləri kimi, bu diplomatik nümayəndəlik
binalarının özü, onların içində olan əmlak, habelə nəqliyyat vasitələri bu
dövlət orqanları tərəfindən axtarışa, rekvizisiyaya, həbsə və icra
hərəkətlərinə məruz qala bilməz. Lakin bu 0 demək deyildir ki, bütün
hallarda onlar mülki və inzibati yurisdiksiyadan immunitetə malikdir.
Vyana Konvensiyasında nəzərdə tutulmuşdur ki, nümayəndəlik
məqsədləri üçün akkreditə edən dövlətin adından diplomatların malik
olduqları daşınmaz əmlak haqqında işlər üzrə bu diplomatlar mülki və
inzibati yurisdiksiyadan azaddırlar.
Lakin nümayəndəliyin yerləşdiyi binanın və torpaq sahəsinin
mülki-hüquqi statusu nümayəndəliyin imtiyaz və immunitetlərinə təsir
göstərmir.
Qeyd etdiyimiz kimi, nümayəndəliyin nəqliyyatı həbsə,
müsadirəyə, axtarışa və s. qarşı immunitetə malikdir. Lakin orada
cinayətkar olarsa, o, tutulub saxlanıla bilər. Bu halda məcburiyyət
tədbirləri nəqliyyat vasitələrinə qarşı deyil, müvafiq şəxsə yönəldilmiş
olacaqdır.
Diplomatik nümayəndəliyin binalarının toxunulmazlığını təmin
edərək, yerləşmə dövləti diplomatik nümayəndəliyin rahatlığını pozan və
ya onun ləyaqətini təhqir edən və ona zərər yetirən yerli hakimiyyət
orqanlarının belə hərəkətləri barədə diplomatik nümayəndəliyi
qabaqcadan xəbərdarlıq etməyə borcludur. Burada söhbət ondan gedir ki,
onların fəaliyyəti bu və ya digər dərəcədə diplomatik nümayəndəliyin
maraqlarına toxunur, lakin bu fəaliyyət
79
diplomatik nümayəndəliyin maraqlarına qəsdən yönəlməmişdir və sadə
funksional fəaliyyətin nəticəsi olaraq meydana gəlmişdir. Bunlar
diplomatik nümayəndəliyin binalarının yaxınlığında ictimai işlər həyata
keçirilməsi, texniki səbəblərdən elektrik enerjisinin kəsilməsi, diplomatik
nümayəndəliyin yerləşdiyi rayonda telefon- rabitə əlaqəsinin kəsilməsi
ilə əlaqədar yarana bilər.
Onların bu fəaliyyətini diplomatik nümayəndəliyin binalarının
toxunulmazlığını pozması kimi qiymətləndirmək olmaz.
Diplomatik nümayəndəliyin binalarının mühafizəsi xüsusi polis
qüvvələri və hərbi birləşmələrdən istifadə edilməsi yolu ilə yerləşmə
dövləti tərəfindən həyata keçirilir.
Diplomatik
nümayəndəliklərin binalarının
(mənzillərinin)
toxunulmazlığını təmin etmək üçün onların yerləşdiyi dövlət bu binaların
(otaqların və torpaq sahəsinin) lazımi (səmərəli) xarici mühafizəsini
təmin etməyə və nümayəndəlik başçısının icazəsi olmadan yerli
hakimiyyətin bu mənzillərə daxil olmasına yol verməməyə borcludur.
Hakimiyyət dedikdə məskun olunan dövlətin qanunvericiliyi ilə
məcburiyyət hərəkətlərini icra etmək icazəsi verilmiş şəxslər
(müstəntiqlər, nəzarətçilər, yanğından mühafizə, məhkəmə icraçıları və
s.) başa düşülür.
Diplomatik nümayəndəliyin mühafizəsi qaydası və bu məqsədlər
üçün lazımolan vasitələrin həcmi, qüvvələrin sayı beynəlxalq hüquq
normaları ilə tənzimlənmir. Vyana Konvensiyası yalnız elan edir ki,
diplomatik nümayəndəliyin binalarının mühafizəsini təmin etmək
yerləşmə dövlətinin “xüsusi vəzifəsidir”. Bu yolla mühafizəsinin təşkil
edilməsinin konkret qaydasını və həcmini müəyyən etmək yerləşmə
dövlətinin birbaşa səlahiyyətinə aiddir. Bu halda, əlbəttə kİ, diplomatik
nümayəndəlik mühafizəsinin gücləndirilməsi haqqında xahiş edə bilər.
Diplomatik nümayəndəlin təhlükəsizliyinə qarşı hədə olub-olmadığını
yerləşmə dövləti özü müəyyən edə bilər. Yerləşmə dövləti eyni zamanda
bununla bağlı bu, ya digər vasitələrin (stasionar postlarının,
patrullaşdırma, mühafizə siqnalizasiyasının və s.) və qüvvələrin istifadə
olunmasının məqsədə uyğunluğu haqqında məsələni həll edə bilər.
80
Dostları ilə paylaş: |