Hər birimizə məlum
olan “Güc birlikdədir”,
“Tək əldən səs
çıxmaz”, “El gücü, sel
gücü”, “El bir olsa,
dağ oynadar yerindən” kimi atalar sözləri
əslində komanda işinin effektiv təşkil
olunmasından xəbər verən ifadələrdir.
Qarşıya qoyulmuş məqsədə çatmaq üçün
həmrəy olaraq yaranan problemləri vahid
komanda şəklində həll etməyə çalışmaq ən
düzgün strategiyalardan biri hesab olunur.
SOCAR-AQŞ, 10 ilə yaxın bir müddətdə
peşəkar komanda formalaşdıraraq
milli qazma sənayesində böyük nüfuz
qazanmışdır. Əməkdaşlarımız bilik və
bacarıqlarının təkmilləşdirilməsi üçün yerli
və beynəlxalq səviyyədə təşkil olunan
təlimlərdə iştirak edərək əldə olunan biliyi
təcrübədə uğurla tətbiq edirlər.
Müəssisənin Mühəndislik və Təmir
Tikinti bölməsinin əməkdaşları da
peşəkar fəaliyyətləri ilə daima diqqət
mərkəzindədirlər.
Baş direktorun Mühəndislik və Təmir Tikinti
üzrə müavini Azər Ağayevin rəhbərlik etdiyi
bölmə əməkdaşlarının müəssisə rəhbərliyi
tərəfindən verilən bütün tapşırıqları ən qısa
vaxt çərçivəsində, iqtisadi səmərəli və ən
əsası da STTƏMM tələblərinə riayət etməklə
icra etmələri Baş direktor tərəfindən daim
dəyərləndirilir. İşçi heyətinin daha da
effektiv çalışması üçün müəssisə rəhbərliyi
tərəfindən onlara hər cür şərait yaradılır.
Müəssisəmizin əldə etdiyi uğurlardan
Mühəndislik və Təmir Tikinti bölməsinə də
xüsusi pay düşür. Qazma işlərindən əvvəl
qazma meydançasında müvafiq hazırlıq
işlərinin aparılması, qazma qurğusu dəstinin
vaxtında və keyfiyyətlə quraşdırılması
qazmaya start verilməsini şərtləndirən vacib
amillərdəndir. Məhz Mühəndislik və Tikinti
bölməsinin peşəkar işçilərinin verdikləri
mühüm töhfələr sayəsində özüllərdə
qazma işlərinə vaxtında başlanılmışdır.
Bölmənin daxili kadr potensialı hesabına
Günəşli-7 və Bulla-6 özüllərində yeni nəsil
qazma qurğularının yüksək peşəkarlıqla
quraşdırılması bölmə əməkdaşlarının
adlarının həmişə qabaqcıllar sırasında
çəkilməsinə əsas verir.
Bölmə işçiləri mühəndislik, energetika
və təmir-quraşdırma işlərinə dair verilən
tapşırıqları vaxtından əvvəl və artıqlaması
ilə yerinə yetirir. ötən ili uğurla yola salan
əməkdaşlarımız həmin nailiyyətləri cari
ildə də təkrarlamaq niyyətindədirlər. Elə
müəssisənin 2016-cı ildə əldə etdiyi yüksək
iqtisadi göstəricilər də bunu deməyə əsas
verir. Belə ki, 2016-cı ildə Mühəndislik
və Tikinti bölüməsi tərəfindən üç qazma
qurğusunda quraşdırma işləri başa çatdırılıb
və onların hamısında qazma işlərinə
başlanılmışdır. Həmçinin, quraşdırma işlərinin
əvvəlcədən hazırlanmış “İşlərin İcrası
Layihəsi”-nin müvafiq plana uyğun ardıcıllıqla
həyata keçirilməsinə də nail olunmuşdur.
Quraşdırma işləri zamanı daima risklərin
qiymətləndirilməsi və minimuma endirilməsi
üçün müvafiq tədbirlərin görülməsi öz
bəhrəsini vermişdir. Belə ki, quraşdırma
işlərinin aparılması zamanı xətalara yol
verilməmiş və xəsarət alan olmamışdır.
Təcrübəli işçilərdən ibarət olan bu
mükəmməl komandanın yerinə yetirdiyi
işlərlə daha yaxından tanış olmaq üçün şöbə
əməkdaşları ilə görüş keçirərək onlardan
aldığımız fikirləri sizə təqdim edirik.
Həmsöhbətimiz Baş direktorun Mühəndislik
və Tikinti məsələləri üzrə müdir müavini
Azər Ağayevdir.
S.N:
Azər müəllim, 2016-cı ilin
yekunlarına əsasən bölmənin işini necə
qiymətləndirirsiniz?
A.A:
2016-cı il müəssisəmiz üçün çox önəmli
il kimi tarixə düşdü. Belə ki, 2 yeni inşa edilmiş
özüllərdə, Günəşli-7 və Bulla-6-da qazma
işlərini həyata keçirmək bizim müəssisəyə
həvalə olunmuşdur. Yeni layihələrdə iştirak
etmək müəssisə üçün böyük əhəmiyyət
kəsb etməklə yanaşı çiyinlərimizə ağır
məsuliyyət yükü də qoyur. Əlbəttə, qazma
müəssisəsi olduğumuz üçün hər kəs qazma
işlərinin gedişatı və yekun nəticələrə dair
məlumatları əldə etmək istəyir. Quyu
tikintisinin başlanmasına qədər səhnəarxası
işlərin gedişatına nəzər salsaq bizim
fəaliyyətimizin nə dərəcədə vacib olduğunu
birlikdə təsdiqləyə bilərik. Yeni nəsil qazma
qurğusunun tikintisinin başa çatdırılması,
onun platformaya inteqrə edilməsi,
quraşdırma işləri zamanı platformanın
konstruksiyalarında mümkün qədər az
dəyişikliklərin aparılması, quraşdırma
işlərinin təhlükəsiz və avadanlığa zərər
vermədən həyata keçirilməsinə şəraitin
yaradılması heç də asan iş deyil. Hətta bəzi
ekspertlər, xüsusi ilə istehsalçı şirkətlərin
nümayəndələri “HONG HUA HZJ70-
4500D” və “Bentec 3000HP” kimi qazma
qurğularının quraşdırılması işini tanınmış
Wagenborg və Foxdrill kimi şirkətlərə həvalə
olunması üçün israr edirdilər. Lakin bizim
səriştəli komandamız bütün məsuliyyəti
öz üzərinə götürərək bu tapşırıqların
öhdəsindən layiqincə gəlməyi bacardı. Bu
onu deməyə əsas verir ki, komandamız heç
də adı sadalanan həmin xarici şirkətlərin
texniki personalından geri qalmır. öz daxili
potensialımızla bu işləri həyata keçirmək
doğrudan da təqdirəlayiqdir.
S.N:
Yeni nəsil qazma qurğusu
dəstlərindən söz düşmüşkən quraşdırdığınız
yeni texnikalar barəsində ətraflı məlumat
verməyiniz yerinə düşərdi.
A.A.
Qeyd edim ki, “HONG HUA HZJ70-
4500D” qazma qurğusu teleskopik qaldırılan
qüllədən, qülləaltı postamentin üst hərəkət
edən hissəsindən, qülləaltı postamentin alt
hərəkət edən hissəsindən, güc dəstindən,
qazma nasoslarından və qazma məhlulu
çənlərindən ibarətdir. Qurğunun şərti qazma
dərinliyi 7000 m, qarmağın yükgötürmə
qabiliyyəti 450 tondur.
Qülləaltı postamentin quraşdırılmış şəkildə
bir dəfəyə qaldırılmasını təmin etmək
məqsədi ilə postamentdə dörd nöqtədə
qaldırma düyünləri layihələndirilmiş,
düyünlərin tikintisi həyata keçirilmiş,
dağılmayan üsulla test edilmiş və
sertifikatlaşdırılmışdır. Bundan sonra
qurğunun bütün böyük ölçülü hissələri kran
gəmisi vasitəsi ilə platformaya daşınıb layihə
yerinə quraşdırılmışdır. Qüllənin teleskopvari
qaldırılan hissələri platformada postamentin
üstündə ucaldılmış və buruqdaxili
avadanlıqlar montaj olunmuşdur. Həmçinin,
bu işlərlə paralel olaraq avadanlıqların güc
kabelləri üçün kabel yolları layihələndirilib
tikilmiş və güc kabelləri bütün avadanlıqlara
çəkilmişdir. Quraşdırma işləri başa
çatdırıldıqdan sonra qısa bir vaxt ərzində
avadanlıqların sazlama işləri yerinə yetirilmiş
və qazma işlərinə başlanılmışdır. Bu günə
kimi həmin avadanlıqlarla iki quyu qazılıb
istismara verilmişdir.
Hal hazırda üçüncü
quyunun qazılması
davam etdirilir.
“Bentec 3000HP”
qazma qurğusuna gəlincə isə bu qurğu
yığılmış şəkildə özüqalxan qüllədən, qülləaltı
postamentdən, sürüşmə bazasından, güc
dəstindən, qazma nasoslarından və qazma
məhlulu çənlərindən ibarətdir. Qurğunun
şərti qazma dərinliyi 9000 m, qarmağın
yükgötürmə qabiliyyəti isə 680 ton
qüvvədir.
Bu günlərdə Günəşli-7 saylı özüldən “Bentec
3000HP” qazma qurğusu ilə 29 nömrəli
ilk quyunun qazılmasına başlanmışdır.
Keyfiyyətlə aparılmış quraşdırma və sazlama
işləri bu qurğu ilə qazılacaq quyuların
vaxtında və uğurla qazılıb sifarişçiyə təhvil
veriləcəyinə zəmin yaradır.
S.N:
2017-ci il üçün hansı işgüzar
planlarınız var?
A.A.
Bu il əsas işimiz Günəşli yatağının
dayazsulu hissəsində 11 saylı özülün
rekonstruksiya işlərini həyata keçirməkdir.
Köhnə avadanlıqlar demantaj edilərək yeni
xəttlərin çəkilməsi, çənlərin, nasosların
yerinin dəyişdirilməsi və yeni qazma
qurğusu dəstinin quraşdırılması həyata
keçiriləcək. Bununla yanaşı, Qərbi Abşeron
yatağındaki 20 saylı özüldən qazma
qurqusunun yeni inşa edilən 10 saylı özülə
keçirilməsi və Günəşli yatağındakı 7 saylı
özüldən “HONG HUA HZJ70-4500D” qazma
qurğusunun 2017-ci ilin sonunadək tikilib
təhvil verilməsi nəzərdə tutulan Günəşli-7A
saylı özülünə keçirilməsi planlaşdırılır.
ümidvaram ki, Mühəndislik və Təmir Bölməsi
bu il də qarşıya qoyulan vəzifələri vaxtında,
uğurla və keyfiyyətlə tamamlayaraq başa
çatdıracaqdır.
S.N:
Sonda Enerji qəzeti ilə bağlı
fikirlərinizi bölüşmək yerinə düşərdi.
A.A.
Müəssisədaxili qəzetin nəşri təşəbbüsü
təqdirəlayiq haldır və inanıram ki, bu qəzet
vasitəsi ilə işçilərimiz arasında ünsiyyəti
daha da təkmilləşdirə biləcəyik. Təklif
edərdim ki, növbəti nömrələrinizdə özüllərdə
çalışan işçi heyətinin gərgin əməyini daha
çox işıqlandırasınız. Müəssisəmizin uğurlu
fəaliyyəti üçün istənilən şəraitdə, özüllərdə
gecə-gündüz yorulmadan çalışan fədakar
və vətənpərvər əməkdaşlarımız var.
Onların zəhmətini gündəmə gətirmək və
təqdir etmək yerinə düşərdi. Düşünürəm
ki, uğrurlarımızın əldə edilməsində onların
əməyi xüsusi olaraq vurğulanmalıdır.
Ayaz Həsənquluyev
İnsan Resursları şöbəsinin
müdiri
Müəssisəmizdə yeni işə götürülmüş
əməkdaşlarımızdan biri də Ayaz
Həsənquluyevdir. O, bakalavr və
magistr təhsilini Azərbaycan Dövlət
İqtisad Universitetində Xüsusi
İstedadlar Qrupunda əldə etmişdir.
SOCAR-AQŞ ailəsinə qoşulmazdan öncə
iki il marketinq və reklam, bir il anbar
və satışın idarə olunması, üç il neft
sənayesində mühasibatlıq və nəhayət
iki ilə yaxın İnsan Resursları sahəsində
təcrübə qazanmışdır.
SOCAR-AQŞ-ni seçməkdəəsas hədəfi
şirkətin ən dəyərli resursu olan
İnsan Resurslarının düzgün idarə
edilməsi ilə Strateji Hədəfləri aşmaq
və Şirkətin nüfuzunun beynəlxalq
səviyyəyə qalxmasında öz töhfəsini
verməkdir. Əsas maraq dairəsi isə
İnsan Resurslarının və layihələrin İdarə
olunması həmçinin, Biznes Proseslərin
optimallaşdırılmasıdır.
Ayaz Həsənquluyev ünsiyyətcil,
müzakirələrə və yeni biliklərin əldə
olunmasına açıq, komanda işini
dəstəkləyən bir əməkdaşdır. O, bütün
idman növlərini xoşlayır, xüsusi ilə
futbol, üzgüçülük və güləş növlərinə
üstünlük verir.
‘’Arzu edirəm müəssisəmiz tezliklə beynəlxalq
qazma layihələrinin qalibi olsun. Bunun üçün
hamımız əl-ələ verərək işlərimizi beynəlxlaq
standartlar
səviyyəsinə
çatdırmalı
və
müəssisənin ümumi işinə töhfə verməliyik!’’
Müəssisəmizdə yeni işə götürülmüş Əyyub Poladov
ali təhsilini Azərbaycan Texniki Universitetində
alaraq 2000-ci ildə bakalavr dərəcəsinə layiq
görülmüşdür. 1997-ci ildən etibarən neft-qaz
sənayesində peşə fəaliyyətinə başlayan Ə.Poladov
“Qum Adası” və “Günəşli” yataqlarında qazma
köməkçisi vəzifəsində çalışaraq bu sahədə bilik
və bacarıqlarını təkmilləşdirmişdir. Azərbaycanda
fəaliyyət göstərən xarici şirkətlərdə bir müddət
işlədikdən sonra Əyyub Poladov beynəlxalq qazma
layihələrində də öz bilik və bacarığını sınamışdır. Belə
ki, o, 7-ci nəsil üzən qazma gəmilərində Tanzania,
Cənubi Afrika Respublikası, Anqola və Namibiyanın
okean sularında qazma ustası vəzifəsində fəaliyyət
göstərmişdir. Fəaliyyəti ərzində beynəlxalq
şirkətlərin Quyulara nəzarət üzrə təlimlərində iştirak
edərək Əyyub Poladov IV-cü dərəcəli supervayzer
şəhadətnamələrinə layiq görülmüşdür.
Hal-hazırda “Günəşli” yatağındakı 7 saylı dərin
dəniz özülündə qazmaçı vəzifəsində işləyən Əyyub
Poladov, platformada yenicə quraşdırılmış Bentec
3000 HP qazma qurğusunun iş mexanizmi ilə
yaxından tanış olur. Komandaya yenicə qoşulmasına
baxmayaraq O, quyuların qazılmasında öz bilik və
bacarığını həmkarları ilə mütəmadi olaraq bölüşür.
Poladov Əyyub, Qazmaçı,
Günəşli – 7 saylı dərin dəniz stasionar özülü
Peşəkar koManda-mükəmməl nətİcə
3
№ 0 0 5 • 3 1 M a r t 2 0 1 7 - c i i l
İşÇİlərİmİZ