I bob c++ builder dasturining grafik imkoniyatlari 6

Ishning maqsadi: C++ dasturlash tilining grafika va multimedia imkoniyatlarini oʻrganish hamda ularni amaliy dasturlar qurishga tatbiq etish.
Ishda qoʻyilgan vazifalar:
− Tilning grafika va multimedia bilan ishlovchi komponentalarini oʻrganish;
− Bitli tasvirlar va multiplikatsiyalar bilan ishlashni batafsil oʻrganish;
−amaliy dasturlarda grafika, animatsiya, ovozli va video fayllarni boshqarish jarayonlarini tashkil etish;
Tadqiqotning ilmiy yangiliklari :
Mukammal dasturiy vositalar qurishda C++ tilining grafika va multimedia imkoniyatlaridan foydalanish.
Tadqiqotning predmeti va ob’ekti: Uzluksiv ta’lim tizimining barcha boʻgʻinlariga tegishli boʻlgan multimediali elektron oʻquv adabiyotlar, animatsiya, ovoz va video fayllar bilan ishlovchi mukammal dasturlar.
Tadqiqotning ilmiy ahamiyati:
−mavzu boʻyicha ilmiy-uslubiy, nazariy adabiyotlarni oʻrganish;
− ta’lim toʻgʻrisida davlat hujjatlari, DTS talablari, ilgʻor mutaxassis olimlarning fikrlarini oʻrganish;
− mavzuga aloqadоr mavjud internet resurslaridan foydalanish;
− C++ tilining grafika va multimedia imkoniyatlarini amaliy dasturlar qurishga tatbiq etish.
Ishning hajmi va strukturasi: Bitiruv malakaviy ishi, kirish, uchta bob, xulosa, foydalanilgan adabiyotlar hamda internet resurslari roʻyxatidan iborat. Ishning 1-bobida grafik asos va primitivlar, tasvirni tashqi fayldan oʻqish, bitli tasvirlardan foydalanish haqida umumiy tushunchalar keltiriladi. 2-bobda multiplikatsiya, multimediali fayllar bilan ishlashda Animate komponenetasining qoʻllanilishi, multimediali fayllar bilan ishlashda MediaPlayer komponentasining qoʻllanilishi amaliy masalalar yordamida tushuntiriladi. 3-bobida bir nechta funksiyalarning grafiklarini bir vaqtda tekislikda tasvirlash, ovozli fayllar bilan ishlash, video fayllar bilan ishlash dasturining matni va undan foydalanib olingan natijalardan namunalar keltiriladi.

I BOB C++ BUILDER DASTURINING GRAFIK IMKONIYATLARI

C++ Builder muhiti dasturchiga grafik imkoniyatlarni ham taqdim etadi . Ushbu Bitiruv malakaviy ishda C++ tilining multimedia imkoniyatlarini yoritish maqsadida forma sirtida garafik chizish, uning ustida rasm yoki fotosuratni joylashtirish, grafik yoki rasm koʻrinishidagi obyektlar nusxasini skanerlash kabi masalalarni qaraymiz.