İ N F O R M A T İ K A
____________________________________________________________
348
ya da işığı əks edir.
İşıq
–elekrtomaqnit şüalanmasıdır.
Rəng–şüalanmanın gözə təsirinin xarakteristikasıdır. Beləliklə, işıq şüası
gözün torlu qişasına düşəndə rəng hissi yaradır. Şüalanan işıq mənbədən
(məsələn, günəşdən, lampadan, monitorun ekranından və s.) çıxan isığa deyilir.
Mənbədən bilavasitə gözə düşən şüalanan işıq, özündə, onu yaradan bütün
rəngləri saxlayır. Obyektdən əks olunan işıq dəyişə bilir. İşıq mənbəyi olmayan
ixtiyari predmet işığı ya müəyyən qədər udur, ya da əks etdirir.
Günəş və digər işıq mənbələri kimi monitor da işıq şüalandırır. Təsvir çap
edilən kağız isə işıgı əks etdirir. İşıq həm şüalanma, həm də əks olunma
proseslərində alina bildiyinə görə işığin şərh edilməsi üçün bir-birinin əksi olan iki
üsul: additiv və subtraktiv rəng modelləri mövcuddur.
Şüalanan işıq additiv rəng modeli ilə şərh edilir. İşləyən monitorun və ya
televizorun ekranına yaxın məsafədən və ya lupa ilə baxanda çoxlu sayda xırda
qırmızı, yaşıl və göy rəngnlərdən ibarət olan nöqtələr görmək olur, çünki, rəngli
ekranda hər bir piksel müxtəlif (qırmızı, yaşil və göy) rənglərdən ibarət olan üç
nöqtənin məcmusundan ibarətdir. Müxtəlif rəngli bu nöqtələr çox xırda olduğuna
görə gözdə onların qarışığı bir rəng kimi görünür. Beləliklə, qonşü nöqtələrin
rəngləri qarışaraq başqa rəng əmələ gətirir.
Rəngli nöqtələrin işıqlanma intensivliyini dəyişməklə çoxsaylı rəng çalarları
yaratmaq mümkündür.
Additiv rəng üç əsas rəngin (qırmızı, yaşıl, göy) toplanması ilə alınır. Bu üç
rəngin hamısının intensivliyi 100%-ə çatanda ağ rəng alınır. Rənglərin hamısı
olmayanda qara rəng alınır.
Kompüter monitorlarında istifadə edilən additiv modeli RGB (Red-qırmızı,
Green-yaşıl, Blue-göy) abbreviaturası ilə işarə etmək qəbul edilmişdir.
Əks olunan rənglər subtraktiv rəng modeli ilə sərh edilir. Kağız işıq
şüalandırmır, isığı udur və əks etdirir. Gözə kağızdan əks olunan işıq düşür. Ona
görə də qrafik təsvirlərin çap edilməsi üçün subtraktiv modeldən istifadə edilir.
Ağ rəng göy qurşağına daxil olan bütün rəngləri özündə birləşdirir. Ağ rəng
prizmadan keçəndə tərkib hissələrinə ayrılır. Qırmızı, narıncı, sarı, yaşıl, mavi, göy
və bənövşəyi rənglər işığın görünən spektrini əmələ gətirir. Ağ kagız ağ isıqla
işıqlandırılanda bütün rəngləri əks etdirir. Rənglənmiş kağız isə bəzi rəngləri udur,
yerdə qalan rəngləri isə əks etdirir. Ağ isıqla işıqlandırılan qırmızı rənglə
rənglənmiş kağız ona görə qırmızı görünür ki, o, qırmızı rəngdən başqa bütün
rəngləri udur. Həmin qırmızı kagızı göy işıqla işıqlandıranda o, göy rəngi
udduğuna görə qara görunəcək. Subtraktiv rəng modelində mavi, al-qırmızı və
sarı rənglər əsas rənglərdir. Onların hər biri çap səhifəsinə düşən ag rəngin
müəyyən rənglərini udur və ya ağ rəngdən müəyyən rəngləri çıxarır. Subtraktiv
modelin adı da bundan götürülmüşdür. İngiliscə “
subtrakt
” – cıxma deməkdir.
Əsas subtraktiv rəngləri də müxtəlif nisbətlərdə qarışdırmaqla çoxsaylı çalarlar
almaq mümkündür. Subtraktiv modeldə ağ rəng əsas subtraktiv rənglərin heç biri
olmayanda alınır.
İ N F O R M A T İ K A
____________________________________________________________ 349
Mavi, al-qırmızı və sarı rənglər yüksək faizlə qarışdırılanda qara rəng əmələ
gətirir. Daha dəqiq desək, bu rənglər qarışdırılanda nəzəri olaraq qara rəng
alınmalıdır.
Boyaların bəzi xüsusiyyətlərinə görə bu rənglər qarışdırılanda qonur-ləkə
çaları alınır. Ona görə də bu rəngə çap prosesində qara boya da əlavə edilir.
Subtraktiv rəng modeli CMYK (Cyan –mavi, Magenta – al-qırmızı, Yellow –
sarı, blacK – qara) abbreviaturası ilə işarə edilir.
RGB və CMYK modellərində rənglərin alınma üsulu fərqli olduğuna görə
monitorda görünən rəngləri olduğu kimi çap etmək olduqca çətindir.
QRAFİK FAYLLARIN FORMATLARI
Qrafik təsvirlərlə iş prosesində onların sonrakı mərhələlərdə işlənməsi üçün
kompüterin yaddaşında saxlanması ən vacib problemlərdən biridir. Bu problemlə
ixtiyari qrafik sistem istifadəçiləri daim qarşılaşmalı olur. Təsvir son formasını
alana qədər o, bir neçə qrafik proqram vasitəsi ilə emal prosesini keçməlidir.
Məsələn, fotoşəkil əvvəlcə skanerə edilir və kompüterə köçürülür, sonra
Adobe Photoshop proqramından istifadə edilməklə görünüş qüsurları aradan
qaldırılır və rənglərin korreksiyası aparılır. Bundan sonra alınan təsvir iş
prosesində qurulacaq təsvirlərə əlavə edilmək üçün CorelDRAW və Adobe
Illustrator kimi təsvirlərin yaradılması üçün nəzərdə tutulan proqramlara eksport
edilir.
Jurnal məqaləsi və ya kitab üçün hazırlanan təsvir adətən QuarkXPress və ya
Adobe PageMaker kimi mətbəə sistemlərinə import edilməli olur.
Multimedik təqdimat üçün hazırlanan təsvir isə çox güman ki, Microsoft
PowerPoint və Macromedia Director kimi proqramlardan istifadə edilməklə
hazırlanır və yaxud da Veb-səhifəsində yerləşdirilir.
Qrafik faylın formatı
- qrafik məlumatların xarici daşıyıcıda təsvir edilməsi
üsuludur.
Standartlar hələ mövcud olmayan vaxtlarda qrafika proqramlarını
hazırlayanların hər biri öz əlavələri üçün təzə format yaradırdılar. Ona görə də
müxtəlif proqramlar (mətn prosessorları, mətbəə sistemləri, illüstrativ qrafika
paketləri, CAPR-avtomatlaşdırılmış layihələndirmə sistemləri) arasında məlumat
mübadiləsi zamanı ciddi problemlər yaranırdı. Keçən əsrin 80-ci illərin
əvvəllərindən başlayaraq inkişaf etmiş ölkələrin rəsmi qurumları əvvəlcə müxtəlif
əlavələr üçün ümumi formatlar yaratmaq haqqında qərar qəbul etdilər və müvafiq
qurumlara bu barədə tapşırıqlar verdilər. Qərara uyğun olaraq sahə
mütəxəssisləri işə başladılar.
Qeyd etmək lazımdır ki, təsvirə ediləcək bütün əlavələr üçün yararlı olan
vahid format yoxdur və ola da bilməz. Lakin bəzi formatlar bir sira predmet
sahələri üçün standart formatlara çevrilmişdir.