186
XIX əsrin əvvəllərinə kimi burada yalnız azərbaycanlılar yaşamışdır. 1800-1810 - cu illərdə
azərbaycanlılar kənddən sıxışdırılıb çıxarılmışdır. 1810 - cu ildə Türkiyənin Alaşgert bölgəsindən
köçürülən ermənilər burada yerləşdirilmişdir (Ermənistan Sovet Ensiklopediyası, XII c., İrəvan, 1986,
s.306).
Toponimi kaftarlı nəsil adı əsasında əmələ gəlmişdir. Patronim toponimdir. Quruluşca sadə
toponimdir.
İndiki Ermənistanın Torpaq Komitəsinin 1924 - cü il qərarı ilə kəndin adı dəyişişdirilib Panik
qoyulmuşdur.
Kepəşen - Yelizavetpol (Gəncə) quberniyasının Zəngəzur qəzasında, indiki Qafan rayonu
ərazisində kənd. Rayon mərkəzindən 38 km şimal-şərqdə, Kığı çayının yuxarı axarında, Gərd çayı ilə
Kığı çayının qovuşduğu yerdə yerləşir (85, s.146).
1930 - cu ildə kolxoz quruluşu yaradılanda Pəhyan təsərrüfatma daxil edilmişdir. 1950-ci
illərdə kolxozlar ləğv ediləndən sonra Kığı heyvandarlıq sovxozuna tabe edilmişdir.
Kənddə 1897-ci ildə 68 nəfər, 1922-ci ildə 85 nəfər, 1926-cı ildə 45 nəfər, 1931-ci ildə 136
nəfər (415, s.62-63, 136-137), 1959 - cu ildə 1372 nəfər (85, s.146) azərbaycanlı yaşamışdır.
1988-ci ildə noyabrın axırlarında Ermənistan dövləti tərəfindən kəndin sakinləri -
azərbaycanlılar tarixi-etnik torpaqlarından deportasiya olunmuşdur. İndi ermənilər yaşayır.
Toponim Azərbaycan dəlində «pilləli qaya» mənasında işlənən kəp sözü ilə (253, s.19, 125)
türk dilində «yaşayış məntəqəsi» mənası bildirən şenlik sözünün fonetik forması olan şen topoformantı
əsasında əmələ gəlmişdir. Orotoponimdir. Quruluşca mürəkkəb toponimdir.
Kefli - İrəvan quberniyasının Aleksandropol qəzasında, indi Qızılqoç (Qukasyan) rayonunda
kənd. 1937-ci ilə qədər Ağbaba rayonunun tabeliyində olmuşdur. Rayon mərkəzindən 24 km məsafədə
yerləşir. Qafqazın 5 verstlik xəritəsində qeyd edilmişdir(348,s.!30).
Erm. SSR AS RH-nin 25. I. 1978-ci il fərmanı ilə adı dəyişdirilərək Kakavasar qoyulmuşdur.
Keçəl təpə - Yelizavetpol (Gəncə) quberniyasının Zəngəzur qəzasında, indi Qafan rayonunda
kənd. Zeyvə kəndinin yaxınlığında yerləşirdi. .
Kənddə 1926-cı ildə 185 nəfər azərbaycanlı və erməni yaşamışdır (415, s.62-63). 1930 - cu
illərdə kənd ləğv edilmişdir. Toponim Azərbaycan dilində «çılpaq, otsuz, ot bitməyən yer» mənasında
işlənən keçəl sözü ilə (278, s.88; 11, s.32) «alçaq dağ» mənasında işlənən təpə sözünün birləşməsindən
əmələ gəlmişdir. Orotoponimdir. Quruluşca mürəkkəb toponimdir.
Keçəl təpə - Yelizavetpol (Gəncə) quberniyasının Qazax qəzasında, indiki Barana
(Noemberyan) rayonunda qışlaq. Yuxarı Körpülü kəndinin tabeliyində olmuşdur. Burada 1926-cı ildə
14 nəfər azərbaycanlı yaşamışdır (415, s.16-17). 1930 - cu ildə yaşayış məntəqəsi kimi ləğv edilmişdir.
Toponim «ot bitməyən», «çılpaq» mənasını bildirən keçəl sözü ilə (11, s.32) «kiçik dağ»
mənasında işlənən təpə sözünün birləşməsindən əmələ gəlib, «çılpaq, otsuz, ot bitməyən təpə yanında
olan qışlaq» mənasını bildirir. Orotoponimdir. Quruluşca mürəkkəb toponimdir.
Keçəl tala - Yelizavetpol Gəncə quberniyasının Qazax qəzasında, indiki Barana (Noemberyan)
rayonunda təpə. «Otsuz, ot bitməyən yer, çılpaq dağ» mənasında işlənən keçəl və tala sözlərindən
əmələ gəlmişdir. Relyeflə bağlı yaranan mürəkkəb quruluşlu oronimdir.
Keçili - İrəvan quberniyasının Eçmiədzin qəzasında, indi Sərdarabad (Oktemberyan)
rayonunda kənd. Rayon mərkəzindən 5 km məsafədə, Araz çayının yaxınlığında yerləşir. Qafqazın 5
verstlik xəritəsində (348, s.61) qeyd edilmişdir.
Toponim oğuz türk tayfasından olan kayı (qayı) etnoniminin bir qolunu təşkil edən keçili
etnonimi (ASE, V c., B., 1981, s.331) əsasında əmələ gəlmişdir. Q. Qeybullayev kəngərlərin bir
qolunun keçili adlarıdığını yazır (286, s.69). Araz çayının sağ sahilində yaşamış keçililər səfəvilər
dövründə Naxçıvana keçərək kəngərlilərə qarışmışlar (ASE, V c., B., 1981, s.331). Eyni zamanda
oğuzların kayı (qayı) tayfasının bir qolu qara keçili adlanmışdır (238, s.227). Etnotoponimdir.
Quruluşca sadə toponimdir. Erm.SSR AS RH-nin 4. IV. 1946-il fərmanı ilə adı dəyişdirilib Mraqaşat
qoyulmuşdur. ^
v<
Keçkeçi - Tiflis quberniyasının Borçalı qəzasında, indiki Şəmşəddin rayonu ərazisində qışlaq.
1930 - cu ildə ləğv edilmişdir.
Keşişverən - İrəvan quberniyasının İrəvan qəzasında, indiki Vedi (Ararat) rayonunda kənd.
Rayon mərkəzindən 34 km məsafədə, dərədə, Çanaxçı çayının sağ axarında yerləşir. Qafqazın 5
verstlik xəritəsində (348, s.131) qeyd edilmişdir.
187
Toponim türk dilində «yaşayış məntəqəsi, qəsəbə» mənasında işlənən keş sözü ilə (339, s.273)
qədim türk dilində «xarablıq, uçulmuş divar» mənasında işlənən örən sözünün (359, l(2), s.1219)
sinonimi olan viran sözünün birləşməsindən əmələ gəlmişdir. «Veran», «viran» sözünün dialekt
variantıdır.
Relyef əsasında yaranan mürəkkəb quruluşlu toponimdir.
Erm.SSR AS RH-nin 3. l. 1935-ci il fərmanı ilə kəndin adı dəyişdirilib Zovaşen, 21. X. 1967-cı
il fərmanı ilə yenidən dəyişdirilərək Urtsalanc qoyulmuşdur.
Keşişkənd - İrəvan quberniyasının Şərur-Dərələyəz qəzasında kənd. 15 oktyabr 1931-ci ildə
indi Ermənistan adlanan ərazidə yaradılan rayonun adı və rayon mərkəzi. Başkənd çayının
yaxınlığında, Şordərə dərəsinin 2,5 km-də yerləşir. 1728-ci ildə tərtib edilmiş «İrəvan əyalətinin icmal
dəftəri»ndə (143, s.59), Qafqazın 5 verstlik xəritəsində (348, s.131) qeyd edilmişdir. Kəndin adı ilk
dəfə V əsrdə xatırlanır (422, s.45).
Burada ermənilərlə yanaşı 1897-ci ildə 3 nəfər, 1922-ci ildə 11 nəfər, 1926-cı ildə 21 nəfər,
1931-ci ildə 5 nəfər azərbaycanlı yaşamışdır (415,s.92-93, 162-163). 1940-cı illərdə rayon
mərkəzindən azərbaycanlılar qovulmuşdur. İndi burada yalnız ermənilər yaşayır.
«Dərəlyəz mahalında heç kim bu qəsəbə adına Keşişkənd demir. Hamı buna Keşkənd və ya
Keşkəndi deyir» (211, s.220). Toponim qədim türk dilində «keçid, bərə, körpü» mənasında işlənən
keçiş (sözün birinci hecasındakı «ç» səsi, «ş» səsi ilə əvəzlənərək söz keşiş formasını alıb. Azərbaycan
dilində ç~ş səs əvəzlənınəsi qanunauyğun haldır) sözü ilə (299, s.291), türk dilində «şəhər», «yaşayış
məntəqəsi» mənasında işlənən kənd sözünün (299, s.290; 339, s.270) birləşməsindən əmələ gəlmişdir.
Relyef əsasında yaranan mürəkkəb quruluşlu toponimdir.
Erm. SSR AS RH-nin 3.l. 1935-ci il fərmanı ilə adı dəyişdirilib Mikoyan, 6. XII. 1957-cı il
fərmanı ilə yenidən dəyişdirilərək Yeğeqnadzor (Qamışlı dərə) qoyulmuşdur.
Keşişkənd - İrəvan quberniyasının Aleksandropol qəzasında, indiki Alagöz (Araqadz)
rayonunda kənd. Rayon mərkəzindən 15 km cənubda yerləşir. 1972-ci ilə kimi Abaran rayonunun
tərkibində olmuşdur. 15 mart 1972-ci ildə Alagöz (Araqadz) rayonunun yaradılması ilə əlaqədar
Abaran rayonunun tərkibindən çıxarılıb Alagöz (Araqadz) rayonunun tərkibinə daxil edilmişdir.
Toponim qədim türk dilində «keçid, bərə, körpü» mənasında işlənən keçiş (>keşiş. Azərbaycan
dilində ç~ş əvəzlənınəsi qanunauyğun haldır) sözünə (299, s.291) kənd sözünün qoşulması əsasında
əmələ gəlib «keçid, bərə, yanında olan kənd» mənasını ifadə edir. Relyef əsasında yaranan mürəkkəb
quruluşlu toponimdir.
Erm. SSR AS RH-nin 3.l. 1935-ci il fərmanı ilə adı dəyişdirilib Qexarot qoyulmuşdur.
Kəvər - İrəvan xanlığının Göyçə mahalında, İrəvan quberniyasının Yeni Bayazid qəzasında,
indi Kəvər (Kamo) rayonunda yaşayış məntəqəsi, rayon mərkəzi. İndiki Ermənistanın şimalında,
Göyçə gölünün sahilində yerləşir.
1828-ci il Türkmənçay müqaviləsindən sonra - 1830 - cu ildə Türkiyənin Bayazid əyalətindən
köçürülən ermənilər burada yerləşdirilmişdir (386, s.596-598) və yaşayış məntəqəsinin adı dəyişdirilib
Yeni Bayazid qoyulmuşdur. Erməni mənbələrində Nor Bayazid formasında işlənir. «Nor» yeni
deməkdir.
1930 - cu ildən rayon mərkəzidir. Burada ermənilərlə yanaşı 1922-ci ildə 12 nəfər, 1926-cı ildə
15 nəfər, 1931-ci ildə 69 nəfər azərbaycandı yaşamışdır (415, s.70-71, 150-154). 1948-ci ildə
azərbaycanlılar deportasiya olunmuşdur.
Toponim xəzər türk tayfasının bir qolu kimi tanınan kəbər etnonimi (286, s.44) əsasında
formalaşmışdır. Etnotoponimdir. Quruluşca sadə toponimdir.
Erm. SSR AS RH-nin 13. IV. 1959-cu il fərmanı ilə adı dəyişdirilib Kamo qoyulmuşdur.
Kələkarx - İrəvan quberniyasının Eçmiədzin qəzasında, indiki Sərdarabad (Oktemberyan)
rayonunda kənd. Rayon mərkəzindən təxminən 15 km məsafədə, Araz çayından axan arxın yanında
yerləşir.
Toponim Azərbaycan dilinin cənub dialektində «yan tərəfləri daşla hörülmüş ağıl, heyvan
salınan yer» mənasında işlənən kələk sözü ilə (8, s.256) arx sözünün birləşməsindən əmələ gəlmişdir.
Hidrotoponimdir. Quruluşca mürəkkəb toponimdir.
Erm. SSR AS RH-nın I. IV. 1946-cı il fərmanı ilə dəyişdirilib Şenevan (Şenli qəsəbə)
qoyulmuşdur.
Dostları ilə paylaş: |