281
Ü
Üləşik - İrəvan quberniyasının Yeni Bayazid qəzasında, indi Axta (Razdan) rayonunda kənd.
Rayon mərkəzindən 18
km şimal-qərbdə, Misxana çayının sol axarında, Maymaq dağının ətəyində,
Təkəli kəndinin yaxınlığında yerləşirdi. Qafqazın 5 verstlik xəritəsində (348, s.252) qeyd edilmişdir.
Erməni mənbələrində kəndin adı Ulaşik formasında qeyd edilməklə onun qədim və ya başqa adının
Ulyaşeyx olduğu da göstərilir (415, s.18). Kənddə 1831-ci ildə 66 nəfər, 1873 - cü ildə 225 nəfər,
1886-cı ildə 313 nəfər, 1897-ci ildə 337 nəfər, 1908-ci ildə 425 nəfər, 1914 - cü ildə 733 nəfər, 1916-cı
ildə 385 nəfər azərbaycanlı yaşamışdır (415, s.18-19, 102-103). 1918-ci ildə azərbaycanlılar ermənilər
tərəfindən qırğınlarla qovulmuşdur. İndiki Ermənistanda sovet hakimiyyəti qurulandan sonra sağ qalan
azərbaycanlılar doğma kəndlərinə qayıda bilmişlər. 1922-ci ildə 121 nəfər, 1926-cı ildə 209 nəfər,
1931-ci ildə 302 nəfər azərbaycanlı yaşamışdır (415, s. 18-19, 102-103). 1950-ci ildə SSRİ
hökumətinin xüsusi qərarı ilə azərbaycanlılar öz doğma kəndlərindən
zorla Azərbaycana köçürülmüş
və kənd ləğv edilmişdir. İndi xaraba kənddir.
Toponim ulaş tayfa adına (238, s.304) cəmlik bildirən -ik şəkilçisinin qoşulması yolu ilə
düzəlmişdir. Etnotoponimdir. Quruluşca düzəltmə toponimdir.
Üç ağac - Yelizavetpol (Gəncə) quberniyasının Zəngəzur qəzasında, indiki Qafan rayonunda
oronim. Oronim üç sayı ilə qədimdə uzunluq ölçü vahidi kimi ışlənmiş ağac sözünün (ağac 67 km)
birləşməsindən əmələ gəlmişdir. Mürəkkəb quruluşlu oronimdir.
Üçdüz - Yelizavetpol (Gəncə) quberniyasının Zəngəzur qəzasında, indiki Meğri rayonunda
qışlaq. Toponim say bildirən üç sözü ilə relyef bildirən düz sözü əsasında formalaşmışdır.
Mürəkkəb
quruluşlu toponimdir.
Üçkilsə - İndi Ermənistan adlanan respublikada inzibati rayon. 1930 - cu ilin sentyabrın 9-da
yaranmışdır. Rayon 1945-ci il martın 3-nə kimi Vağarşabad adlanmışdır. 3 mart 1945-ci ildən
Eçmiədzin adlanır. XI əsrə qədər rayonun ərazisi ərəblərin işğalı altında olmuş, XI-XIII əsrlərdə
səlcuqların, XIV-XV əsrlərdə monqollarm hakimiyyətinə tabe olmuşdur. XV-XVI əsrlərdə Ağqoyunlu
və Qaraqoyunlu dövlətlərinin
hakimiyyətinin tabeliyində, daha sonra 1502-1827-cı illərdə İrəvan
xanlığının inzibati ərazi bölgüsünə daxil olmuşdur.
1827-cı ildə Rusiya tərəfindən işğal edildikdən sonra yeni yaranan inzibati ərazi bölgüsünə
əsasən rayonun ərazisinin bir hissəsi İrəvan quberniyasının İrəvan qəzasına, bir hissəsi isə Eçmiədzin
qəzasının tərkibində olmuşdur. İndiki Eçmiədzin rayonunun köklü sakinləri azərbaycanlılar olmuşdur.
1828-ci ildə bağlanan Türkmənçay müqaviləsinə əsasən 1828-30 - cu illərdə buraya İranın
Xoy və
Salmas vilayətlərindən, Türkiyənin Van, Sasun, İqdır, Sürməli
vilayətlərindən ermənilər
köçürülmüşdür. Ermənilərin sayı 1918-ci il qırğınlarmdan sonra daha da artmışdır (415, s.150153,
167). 1918-19cu (309, s.218221), 1948-53 - cü illərdə rayondakı azərbaycanlılar tarixi-etnik
torpaqlarından deportasiya olunmuşdur. İndi rayonda yalnız ermənilər yaşayır. Halbuki rayonda 1831-
ci ildə 5317 nəfər, 1873 - cü ildə 13795 nəfər, 1886-cı ildə 14929, 1897-ci ildə 18006 nəfər, 1922-ci
ildə 4171 nəfər, 1926-cı ildə 5489 nəfər, 1931-ci ildə 5358 nəfər azərbaycanlı yaşamışdır (415, s.149-
151).
Rayonun adı IV əsrdə (303 - cü il ) tikilən məbədin adı (ASE, IV c., B., 1980, s.123) əsasında
yaranmışdır. Adı əvvəlcə dəyişdirilib Vağarşabad qoyulmuşdur. Erm.SSR AS RH-nin 12.lll.1945-ci il
fərmanı ilə adı yenidən dəyişdirilib Eçmiədzin adlandırılmışdır.
Üçtəpələr - İrəvan quberniyasının Yeni Bayazid qəzasında, indiki Axta (Razdan) rayonu
ərazisində yaşayış məntəqəsi. Üçtəpələr dağının ətəyində, Yeni Bayazid yolunun ağzında yerləşir.
Qafqazın 5 verstlik xəritəsində (348, s.255) qeyd edilmişdir.
Kənd Üçtəpələr dağının ətəyində yerləşdiyi üçün Üçtəpələr adı almışdır. Bu toponim say
bildirən üç və relyef bildirən təpə sözünün birləşməsindən əmələ gəlmişdir. Orotoponimdir.
Quruluşca
mürəkkəb toponimdir.
Üçtəpələr - İrəvan quberniyasının Eçmiədzin qəzasında, indiki Üçkilsə (Eçmiədzin) rayonu
ərazisində gözətçi məntəqəsi. 1897-ci ildə burada 4 nəfər azərbaycanlı yaşamışdır (415, s.82-83). XX
əsrin əvəllərində ləğv edilmişdir.
Üçüncü Qarakilsə - İrəvan quberniyasının Aleksandropol qəzasında, indi Qızılqoç (Qukasyan)
rayonunda kənd. Rayon mərkəzindən 30 km məsafədə yerləşir. 1937-ci
ilə kimi Ağbaba rayonunun
283
F
Fərrux - İrəvan quberniyasının Yeni Bayazid qəzasında, indiki Axta (Razdan) rayonunda
kənd. Yaycı kəndinin yaxınlığında, Zəngi çayının sağ axarında yerləşir. Qafqazın 5 verstlik xəritəsində
(348, s.256) qeyd edilmişdir.
Kənddə əvvəllər azərbaycanlılar yaşamışdır. Sonra bura
ermənilər köçürülmüş və
azərbaycanlılar sıxışdırılmışdır. 1897-ci ildə kənddə 10 nəfər azərbaycanlı yaşamışdır (415, s.18-19).
XX əsrin əvəllərində, 1905-1906-cı ildə baş verən erməni azərbaycanlı müharibəsi nəticəsində 1906-cı
ildə azərbaycanlılar tarixi torpaqlarından qovulmuş və kənddə yalnız ermənilər yaşamağa başlamışdır.
Toponim şəxs adı əsasında düzəlmiş antropotoponimdir. Quruluşca sadə toponimdir.