yetrilmədi. Buna baxmayaraq, fəhlələr mənəvi cəhətdən qələbə çalmış oldular. Bu 1903-cü il iyul
tətilinin əhəmiyyəti elə bu idi
1903-1905
M.Şahtaxtinskinin redaktorluğu ilə Tiflisdə “Şərqi –rus” qəzetinin nəşr olunması
1904 13 dekabr
Balaxanı neft mədənlərində fəhlələrin dekabr tətilinə başlaması. Az müddətdə Balaxanı, Sabunçu rayonlarının
bütün fəhlələri, Bibiheybət neftçiləri, Qara şəhər və Ağ şəhər müəssisələrinin fəhlələri də tətilə başladı və
siyasi-iqtisadi tələblərlə çıxış etdilər. Dekabr tətilçilərinin tələblərinə gündə 8 saatlıq iş günü, 1 May günü
işin dayandırılması, söz, mətbuat, yığıncaq azadlığı, ittifaqlar təşkil etmək, məktəblər və klublar açmaq,
həftədə bir gün istirahət vermək, əmək haqqını saxlamaqla ildə bir dəfə məzuniyyət vermək, gecə
növbəsini ləğv etmək, sahibkarların hesabına fəhlələrin həyatını sığorta etmək , mübahisəli məsələləri
həll etmək üçün sənayeçilərin və fəhlələrin nümayəndələrindən ibarət mədən məhkəmələri təşkil etmək
və s. tələblət daxil edilmişdi. Bakı fəhlələrinin dekabr tətili 1905-1907-ci illər Birinci rus inqilabının
müjdəçisi oldu
1904 30 dekabr
Sahibkarlarla neft sənayesində çalışan fəhlələr arasında Müştərək müqavilə (Mazut konstitusiyası)
imzalanması
1904
Rəşid bəy İsmayılovun “Müxtəsər Qafqaz tarixi” adlı əsərini yazması
1904
“Hümmət təşkilatı”nın yaradılması. Təşkilatın yaradıcıları M.H.Mövsümov, M.H.Hacınski və
M.Ə.Rəsulzadə idi. “Hümmət” təşkilatı RSDFP-nin Bakı Komitəsinin nəzdində fəaliyyət göstərirdi.
Təşkilatın yaradılmasında məqsəd bolşevik ideyalarını təbliğ etmək idi. Təşkilatın orqanı “Təkamül” və
“Yoldaş” qəzetləri idi. “Hümmət” təşkilatı əhalinin milli şüurunun inkişafında, özünüdərkində və soykökünə
qayıtmasında mühüm rol oynadı. Lakin tədricən bolşeviklərin və Bolşevik partiyasının Bakı komitəsinin
nəzarəti altına “Hümmət” təşkilatı əvvəlki milli qayəsində uzaqlaşdı
1904-1905
“Hümmət” təşkilatının orqanı olan “Təkamül” və “Yoldaş” qəzetlərinin işıq üzü görməsi
1905 9 yanvar
Peterburqda “Qanlı bazar” günü hadisənin baş verməsi. “Qanlı bazar” günü hadisəsi ilə Rusiyada 1905-
1907-ci illər burjua-demokratik inqilabı başlandı. “Qanlı bazar” günü hadisəsi haqqında xəbər Bakıya
çatdıqda, Şimali Azərbaycanın bir çox sənaye müəssisələrində həmrəylik əlaməti olaraq tətillər keçirildi
1905 yanvar
Bakının qeyri-neft sahəsində çalışan fəhlələrin 17 maddədən ibarət tələblərini sahibkarlara təqdim etməsi
1905-1906
Rusiyanın azərbaycanlılara qarşı milli qırğın siyasəti həyata keçirməsi. Milli qırğın siyasətinin həyata
keçirilməsində Daşnaksütyun partiyası və erməni quldurları həlledici rol oynamışdılar
1905 2 fevral
Bakıda Ağarza adlı azərbaycanlının erməni komitəsi tərəfindən öldürülməsi və Azərbaycanda ermənilərlə
müsəlmanlar arasında milli qırğının başlaması
1905 fevral
Dəllər və Alabaşlı kəndlərinin kəndlilərinin qolçomaqlara qarşı çıxışı baş verməsi
1905 iyun
Bakıda Azərbaycan dilində “Həyat” qəzetinin işıq üzü görməsi
1905 15 avqust
Nijni-Novqorodda Ümumrusiya müsəlmanlarının I qurultayının keçirilməsi. Qurultayın əsas təşəbbüskarı
Azərbaycan və tatar burjua nümayəndələri olmuşdu. Qurultayda türkçülük və müsəlmançılıq əsasında
birləşmənin vacibliyi qeyd edildi, “İttifaqi müsəlman” adlı Ümumrusiya müsəlman ittifaqının yaradılması
qərara alındı. Ə.M.Topçubaşov, Ə.Ağayev və Əbdürrəşid İbrahimov birlikdə “Müsəlman ittifaqı”nın
nizamnaməsini və proqramını hazırladılar. Sənədi Ə.M.Topçubaşov rus dilinə tərcümə etdi
Ə.M.Topçubaşov “Rusiya imperiyası daxilində türklərin vəziyyəti və problemləri” mövzusunda məruzə
ilə çıxış etdi
1905 16-21 avqust
Şuşada etmənilərin milli qırğın törətməsi
1905 20-26 avqust
Bakıda ermənilərin yenidən milli qırğın törətməsi
1905
Çar hökuməti tərəfindən Qafqaz canişinliyinin bərpa edilməsi və Vorontsov-Daşkovun Qafqaz canişini təyin
edilməsi
1905 16 oktyabr
Ağstafa stansiyasında və bütün Cənubi Qafqaz dəmir yollarında fəhlələrin işi dayandırması. Ağstafadan
Bakıya və Xaçmaza qədər iri stansiyalarında tətil komitələri yaradılması. Dəmiryolçulardan başqa Bakı,
Gəncə, Nuxa və Şuşanın sənaye müəssisələri, Kür çayı boyundakı balıq vətəgələri fəhlələri də tətilə qoşuldular
1905 17 oktyabr
Çar II Nikolayın 17 Oktyabr manifestini imzalaması
1905 oktyabr
Mədən, fabrik və zavodlarda fəhlə komissiyaları təşkil olunması. Fəhlə komissiyaları Fəhlə Deputatları
Sovetinin yaranması üçün ilk addımlar idi
1905 noyabr
Qafqaz canişini Vorontsov-Daşkovun “Qafqazdakı kəndli işinin nizama salınması haqqında Qeydlər”ini
hazırlaması. “Qeydlər”ə əsasən kəndli torpaq bankının şöbələri açılmalı və sahibkar kəndliləri torpaq pulu
verməkdən azad edilməli, torpaq pulu ödəməkdən azad edilmiş kəndlilər 1907-ci ilin yanvarından xüsusi
mülkiyyətçilər qrupuna daxil edilməli idilər. Layihədə nəzərdə tutulurdu ki, kəndli nizamnamə əsasında
istifadəsində olan pay torpağını icbari şəkildə satın ala bilər
1905 25 noyabr
Bakı Fəhlə Deputatları Sovetinin (BFDS) yaradılması
1905 26 noyabr
Naxçıvanın Çəhri kəndində kazak və ermənilərin qırğınlar törətməsi
1905
Ə.Topçubaşovun Nazirlər Komitəsinə təqdim etmək üçün ərz-hallar hazırlaması. Ərz-hallar Azərbaycanın çar
hökümətinə təqdim etdiyi ilk proqram sənədi idi
1905
“Müəslman cəmiyyəti xeyriyyəsi” və “Müdafiə və müsəlman kübarları ziyalılarının ittifaqı cəmiyyəti”nin
təsis edilməsi. Birinci cəmiyyət maarifin yayılmasında böyük xidməti olmuşdur. İkinci cəmiyyət milli –
azadlıq hərəkatını müdafiə edirdi
1905
Tiflisdə C.Məmmədquluzadə və Ö.F.Nemanzadə tərəfindən “Qeyrət” mətbəəsinin yaradılması