Müxtəlif təyinatlı hərəkətlərin məcmusu icra hakimiyyəti mexanizmində daim
hərəkət
vəziyyəti yaradır, bu da ona praktiki surətdə özünün konstitusion təyinatını
həyata keçirməyə imkan verir.
Bu hərəkətlərin xarici ifadəsi müxtəlif formada həyata keçirilir. Əgər icra
hakimiyyətinin subyekti bilavasitə idarəetmənin təsiretmə funksiyalarını yerinə
yetirirsə, onun bu növ hərəkətləri öz xarici ifadəsini daim öz aparatından
kənarda
tapır, yəni onun idarəetmə obyektləri ilə qarşılıqlı əlaqəsində (məs.: aşağı orqanlarla,
vətəndaşlarla və s.).
Əgər onun hərəkətləri belə növ təsiretməni həyata keçirmirsə, onlarda
müvafiq
xarici ifadə forması olmalıdır, yəni, bir qayda olaraq,
təşkilatdaxili
və yaxud
aparatdaxili
münasibətlərə xarici ifadə formasını almalıdırlar. Lakin onlar da öz
təyinatına görə müxtəlif cür olurlar. Belə ki, onların sırasına təşkilatın marağı
naminə gündəlik olaraq həyata keçirilən və həmin orqanın iş qaydasını, yəni həmin
orqanın heyətinin və bütün struktur bölmələrinin normal qarşılıqlı əlaqələrini təmin
edən idarəetmə hərəkətləri aiddirlər. Faktiki olaraq bu hərəkətlər icra orqanının
rəhbəri tərəfindən həyata keçirilən hərəkətlərdir (məs.: təlimatlandırma, iclasların
keçirilməsi və s.).
İdarəetmə hərəkətlərinin zahirən ifadə olunan nəticələri
də böyük əhəmiyyət
kəsb edir. Bir halda onlar birbaşa hüquq xarakterli nəticələr yaradır, digər hallarda
isə belə nəticələr yaranmır.
Aydındır ki, birinci halda bilavasitə idarəetmə təsirini həyata keçirən hərəkətlər
nəzərdə tutulur (aparatdaxili və aparatdankənar).
Beləliklə, idarəetmə formalarından danışarkən nəzərə almaq lazımdır ki, onlar
aşağıdakı formalarda çıxış edə bilər:
−
icra hakimiyyətinin realizəsi formasında;
−
dövlət idarəetmə fəaliyyəti formasında.
İcra hakimiyyətinin fəaliyyəti mexanizmində əsas başlıca əhəmiyyət birincilər
kəsb edir, çünki onlar xarici-hüquqi təsiri ifadə edirlər. Onlarda faktiki olaraq icra
hakimiyyətinin özü öz atributları ilə birlikdə zahirən ifadə olunur. Bu, həqiqi mənada
idarəetmə formasıdır.
Dövlət idarəetmə fəaliyyəti formalarını isə geniş mənada başa düşmək lazımdır,
yəni icra hakimiyyəti orqanlarının fəaliyyəti prosesində həyata keçirilən bütün
hərəkətlərin məcmusunu (birbaşa hüquqi təsiretmə xarakteri daşıyan və belə təsiri
daşımayan hərəkətləri) daxil etmək lazımdır. Onlar da ümumi kateqoriya kimi öz
tərkibinə icra hakimiyyətinin həyata keçirilməsi formalarını daxil edirlər. Lakin
onlar qısa
mənada da, yəni icra hakimiyyəti orqanları tərəfindən idarəetmə təsiri
çərçivəsindən kənarda qalan hərəkətlərin məcmusu kimi də başa düşülə bilərlər.
Burada növbəti metodoloji və faktiki fikir üzə çıxır: belə ki, dövlət idarəetmə
fəaliyyətində həyata keçirilən hərəkətlərin heç də hamısı icra hakimiyyətinin vəzifə
və funksiyalarını
əks etdirmir, idarəetmə xarakterli bir çox hərəkətlər
özünü
təşkiletmə
maraqlarına xidmət edir.
Şərh edilənləri ümumiləşdirərək, belə nəticəyə gəlmək olar ki, idarəetmə forması
dedikdə – icra orqanın (vəzifəli şəxsin) səlahiyyətləri çərçivəsində həyata keçirilən
və müəyyən nəticələr yaradan zahirən ifadə olunan hərəkətlər başa düşülür.
Əgər belə növ idarəetmə hərəkətləri hüquq xarakterli nəticələr yaradırlarsa və
yaxud da müəyyən hüquqi əhəmiyyət kəsb edirlərsə, onları
bütövlükdə icra
hakimiyyətinin realizəsinin inzibati-hüquqi formaları kimi qeyd etmək olar.
Beləliklə,
icra hakimiyyətinin realizəsinin inzibati-hüquqi forması dedikdə
icra hakimiyyəti orqanının (vəzifəli şəxsin) öz səlahiyyətləri çərçivəsində həyata
keçirdiyi və müəyyən hüquqi nəticələr yaradan və yaxud da müəyyən hüquqi
əhəmiyyət kəsb edən zahirən ifadə olunan hərəkətlər başa düşülür
.
İcra hakimiyyətinin realizəsinin inzibati-hüquqi formalarının mahiyyəti
ondan ibarətdir ki, onların vasitəsilə icra hakimiyyəti orqanları:
−
idarəetmənin vəzifə və funksiyalarının həyata keçirilməsini;
−
qanunlar əsasında və onların icra edilməsi məqsədi ilə təsərrüfat, sosial-
mədəni və inzibati-siyasi sahəyə bilavasitə rəhbərliyi təşkil edirlər.
Dostları ilə paylaş: