İcra hakimiyyətinin realizəsinin inzibati-hüquqi formaları p L a n
Yüklə 357,64 Kb. Pdf görüntüsü
|
|
Sual 1. İcra hakimiyyətinin realizəsinin inzibati-hüquqi formalarının anlayışı Hakimiyyətlərin bölgüsü vahid dövlət hakimiyyətinin hər budağının yalnız funksional səlahiyyətlərinin müəyyənləşdirilməsini nəzərdə tutmur, o, həm də onların təcrübi fəaliyyətlərinə təsir göstərən müəyyən mexanizmlərlə təchizatını müəyyənləşdirir. Dövlət hakimiyyəti müxtəlif ictimai münasibətlərdə fəaliyyət göstərməli, özünü müvafiq surətdə biruzə verməlidir. Bu da onun hakimiyyət budaqlarına dinamik xarakter verən realizə (həyata keçirən) mexanizminin lazım olduğunu göstərir. Dövlət hakimiyyəti öz-özünə həyata keçirilmir. O, daim onun məzmun və istiqamətlərini özündə əks etdirən, onun subyektləri tərəfindən (müvafiq dövlət orqanları tərəfindən) həyata keçirilən müxtəlif növ konkret hərəkətlərdə ifadə olunur . Bu şərti bütövlükdə icra hakimiyyətinə, daha dəqiq desək, onu gündəlik və müxtəlif formalarda həyata keçirən icra hakimiyyəti orqanlarının fəaliyyətinə tətbiq etmək olar. Göstərilənlər spesifik elmi-praktiki kateqoriya olan – dövlət idarəetmə fəaliyyətinin formalarını (idarəetmə formaları) müəyyən etməyə imkan yaradır. Qüvvədə olan qanunvericiliyə əsasən, göstərilən kateqoriya icra hakimiyyətinin realizəsinin formaları kimi qiymətləndirilə bilər. Bəs, icra hakimiyyətinin realizəsinin formaları dedikdə, nə başa düşülür? Ümumi elmi şərhə görə, forma belə planlı digər kateqoriya ilə, daha dəqiq desək isə, məzmun la üzvi surətdə bağlıdır. Belə aspektdə forma dedikdə, məzmun un ifadəsinin müxtəlif variantları başa düşülür. İcra hakimiyyətinə aid edildikdə isə, forma – onun dövləti-hüquqi məzmununun, yəni onun vahid dövlət hakimiyyətinin spesifik budağını xarakterizə edən bütün keyfiyyətlərinin, ilk növbədə, hüquqi keyfiyyətlərinin ifadə olunma vasitəsidir. Bu, metodoloji planda düzgün, lakin müəyyən dərəcədə ümumi bir mühakimədir. İş ondadır ki, icra hakimiyyətinin məzmunu onun qarşısına qoyulmuş vəzifələrdə, onun subyektlərinin funksiyalarında və səlahiyyətlərində, onun subyektləri tərəfindən fəaliyyətlərində istifadə etdikləri metodlarda açıqlanır. Bütün bunlar icra hakimiyyəti sisteminin nə üçün təşkil edilməsi, bu sistemin və onun ayrı-ayrı təbəqələrinin idarəçilik funksiyalarının yerinə yetirilməsi və idarəçilik vəzifələrinin həlli, yəni dövlət- idarəçilik fəaliyyətinin həyata keçirilməsi üçün praktiki olaraq nə etmələri barədə təsəvvür yaradır. Bu zaman bu və ya digər icra hakimiyyəti orqanının təşkilati-hüquqi statusundan asılı olmayaraq, icra hakimiyyəti subyektlərinin əsas fəaliyyət istiqamətlərinə xas olan hərəkətlər nəzərdə tutulur. Bununla da, dövlət idarəetmə fəaliyyətinin məzmununun daha dəqiq mənimsənilməsi mümkün olur. Lakin yalnız bunun təsdiqi ilə kifayətlənmək olmaz. Ona görə ki, aşağıdakı əhəmiyyətli bir hal da diqqəti cəlb etməyə bilməz. Hər bir icra hakimiyyəti orqanı və ya onun vəzifəli şəxsi ona verilmiş səlahiyyətlər çərçivəsində bu və ya digər konkret hallarda müxtəlif formada fəaliyyət göstərmək hüququna malikdir. Belə imkanın reallığa çevrilməsi mütləq qaydada onlar tərəfindən müəyyən aktiv hərəkətlərin həyata keçirilməsini nəzərdə tutur (məsələn, qərarın qəbul edilməsi, vətəndaşın şikayətinə baxılması və həll edilməsi Yüklə 357,64 Kb. Dostları ilə paylaş:
|