İdris Hacızadı
Yüklə 3,03 Mb. Pdf görüntüsü
|
www.kitabxana.net – Milli Virtual-Elektron Kitabxana 2017
İdris Hacızadə ―Dünyamızın bəzəyidir insanlar‖
Gül-çiçəyə, yaşıllıqlara qərq olmuş Şuşa şəhəri permli müəllimi məftun etmişdi. Xüsusilə dünyanın nadir möcüzəsi olan Xarı bülbül gülü onu heyran qoymuşdu. Gül-çiçək vurğunu olan müəllimə Şuşadan gedərkən özü ilə həmin gülü aparıb Sibirdə becərmək istəyində oldu. Eşidəndə ki, Xarı bülbülün yeganə vətəni Şuşadır və başqa heç bir yerdə qərar tutub bitmir, həm pərt olmuş, həm də təəccübünü gizlədə bilməmişdi. Mən Yevdokiya Timofeyevna ilə uzun illər yazışır, telefon əlaqəsi saxlayırdım. Şuşa işğal olunan gün mənə telefon açdı, kədərləndiyini bildirdi. Telefonda qırıq-qırıq danışırdı, qüssə-kədər boğazını tıxamışdı. Bu yaxınlarda bu xeyirxah qadının vəfat etdiyi xəbərini eşitdim. Arzusu ürəyində qaldı. Şuşa azad olandan sonra yenidən bu möcüzəli şəhərə təşrif gətirmək arzusu... 3 il dalbadal Şuşada olduğum günlər barədə xatirələr yada düşərkən, oradakı görüşlər, tanış olduğum ziyaiılar, yazıçı və şairlər gəlib kinolent kimi göz önündən keçir. Nəğməkar şair, incəsənət xadimi Nüsrət Kəsəmənli ilə eyni vaxtda dincəlirdik. Eyni otaqda qalırdıq. Bir dəfə Şuşada dincələnlərlə istedadlı gənc şairin görüşünü keçirdik. Görüşün aparıcısı kimi şairin həyat və www.kitabxana.net – Milli Virtual-Elektron Kitabxana 2017
İdris Hacızadə ―Dünyamızın bəzəyidir insanlar‖
yaradıcılığı barədə məlumat verdim, işıq üzü görmüş kitablarından söz açdım, bəzi şeirlərindən nümunələr göstərdim. Sonra da şairə söz verdim. Azərbaycanın və SSRİ-nin müxtəlif guşələrindən gəlmiş qonaqlar qarşısında çıxış edən N.Kəsəmənlinin hər şeiri hərarətlə qarşılanırdı. Şair Həmid Abbasla görüş də belə maraqlı keçdi. Tanınmış musiqişünas, Qarabağın, o cümlədən Şuşanın musiqi dünyasının canlı ensiklopediyası Firudin Şuşinski tez-tez doğulub boya-başa çatdığı doğma Şuşaya gələr, buradakı ahıl adamlarla görüşər, Şuşanın tanınmış xalq sənətkarlarından söhbət açar, şirmayı kəhrəbalı təsbehini qoluna keçirərək xəyalları yaxın-uzaq illərə qanadlanardı. Onun Şuşada dincələnlərlə hər bir görüşü maraqla qarşılanardı. Qarabağın, eləcə də Şuşanın müxtəlif illərdə fəaliyyət göstərmiş sazəndələri və xanəndələri barədə yerli-yataqlı məlumat verir, onların ifa etdikləri muğamlardan bəhs etdikcə, yerli musiqiçilər də (üçlük) həmin musiqi nömrələrini ifa edirdi. O illərdə respublika rəhbərliyi, əlaqədar təşkilatların nümayəndələri xüsusən yay mövsümü ərzində tez-tez Şuşaya gəlir, Şuşa kurortunda dincələnlərə göstərilən qayğı və onlar üçün yaradılmış şəraitlə maraqlanır, bura gəlmiş qonaqların xoş təəssüratla geri qayıtmaları üçün əllərindən gələni əsirgəmirdilər. Onların arasında o vaxtkı Azərbaycan Həmkarlar İttifaqının sədri Lidiya Rəsulova www.kitabxana.net – Milli Virtual-Elektron Kitabxana 2017
İdris Hacızadə ―Dünyamızın bəzəyidir insanlar‖
Şuşaya daha tez-tez gedərdi. Yaxşı yadımdadır, Şuşada dincələnlərə göstərilən iaşə xidmətinə daha çox diqqət yetirən L.Rəsulova yeməkxanaya gəlir, dincələnlərə göstərilən xidmətin səviyyəsi barədə onları sorğu-suala tuturdu. Lakin ermənilər uzun illərdən bəri hazırladıqları məkrli planları 1988-ci ildən etibarən tədricən həyata keçirməyə başladılar. Əsgəranda iki azərbaycanlı uşağın qətlə yetiriməsilə barıt çəlləyinə benzin tökülmüş oldu. İnsanlıq simasını itirən harınlaşmış ermənilər Qarabağı Ermənistana birləşdirmək iddiası ilə yaşayaraq, bu ərazini ələ keçirmək üçün rusların köməyindən istifadə etməklə torpaqlarımızı bir-bir işğal etməyə başladılar. Buna səbəb bir tərəfdən, milli ordunun formalaşmaması, ayrı-ayrı könüllü batalyonların pərakəndə hərəkəti, o biri yandan da və başlıcası, ölkənin başında duran səriştəsiz rəhbərlər idi. Bundan bacarıqla istifadə edən ermənilər Qarabağı və onun ətrafında olan rayonları bir-bir işğal etdi. Kəlbəcər kimi strateji cəhətdən misilsiz əhəmiyyət kəsb edən rayonu düşmən ələ keçirməklə onun min bir dərdin dərmanı olan məşhur isti suyuna, Zond qızıl mədənlərinə, mesələrinə sahib çıxdılar. Laçın dəhlizini ələ keçirməklə Ermənistandan maneəsiz gediş-gəlişə nail oldular. www.kitabxana.net – Milli Virtual-Elektron Kitabxana 2017
İdris Hacızadə ―Dünyamızın bəzəyidir insanlar‖
Sonra da quşqonmaz Şuşamız əldən getdi. Təbii müalicə ocağı (başqa səbəblər bir yana qalsın) olan Şuşa zaman-zaman yuxularına haram qatmış yağılara qismət oldu. Görkəmli musiqiçilər ordusu yetirmiş Şuşada murdar xislətli ermənilər indi at oynadır. Bu bədnam millətin insanlığa sığmayan son dərəcə vəhşi bir hərəkəti - Xan qızı Natəvanın, Milli musiqimizin banisi dahi Üzeyir bəyin, vokal sənətimizin 1 nömrəli ifaçısı Bülbülün heykəllərinin güllələnməsi hər bir bəşər övladını şok vəziyyətinə salır. Deməli, bu şəxsiyyətlərin heykəlləri belə erməni vandallarını rahat buraxmayıb və onlar heykəllərdən "intiqam almaqla" öz xəbis xislətlərini dünya ictimaiyyəti qarşısında nümayiş etdirmişlər. Bəli, artıq işğalçı ermənilərin iç üzü mütərəqqi bəşəriyyətə aşkarlanıb. Beynəlxalq ictimai təşkilatlar Azərbaycanın haqq səsini eşidir. Ölkə başçısı cənab İlam Əliyev torpaqlarımızın yalnız sülh yolu ilə geri qaytarılmasının tərəfdarıdır. Söhbət gedir
ki, Azərbaycanın işğal altında olan 5 rayonu dərhal, 5 ildən sonra isə daha 2 rayonu geri qaytarılmalıdır. Amma təəssüf ki, Şuşa haqqında heç bir söhbət getmir. Şübhəsiz ki, sonrakı mərhələdə Şuşanın taleyi barədə danışıqlar gündəmə gələcək. Başqa cür də ola bilməz. Çünki Şuşa Qarabağımızın tacı, Azərbaycanımızın qeyrət qalasıdır, dünyanın gözəllik mücəssəməsidir, təbii sağlamlıq Yüklə 3,03 Mb. Dostları ilə paylaş:
|