İdris Hacızadı
Yüklə 3,03 Mb. Pdf görüntüsü
|
www.kitabxana.net – Milli Virtual-Elektron Kitabxana 2017
İdris Hacızadə ―Dünyamızın bəzəyidir insanlar‖
bələdçi olmadan gəzib dolaşar, İsa bulağından, Turş sudan doyunca içər, havasını çiyərlərimə çəkər, çəkərdim... Yuxarıda xatırlatdığım kimi, mən Şuşada ardıcıl 3 il olmuşdum və məhz orada olduğum həmin illər ərzində udduğum Şuşanın təmiz və saf havası, iqlim şəraiti bütün ürək ağrılarıma son qoydu, məni infarktdan xilas etdi, əvvəlki sağlamlığım bərpa olundu, şağlam əmək fəaliyyətimi davam etdirməyə başladım. Şuşada hər dəfə dincələn müddətdə xeyli dost tapdım özümə. Həm azərbaycanlılardan,
həm də postsovet məkanından Şuşaya- dincəlməyə gələn başqa millətlərdən. Həmyerlilərimiz öz yerində, başqa yerlərdən gəlmiş iki nəfərlə tanışlığım və onların sağlamlığının bərpa olunmasında Şuşanın təbiətinın misilsiz rolundan söhbət açmaq istəyirəm. Zöhrə adlı qız uzaq Tacikistanın paytaxtı Düşənbədən təşrif buyurmuşdu. Ucaboy, qənirsiz gözəl idi Zöhrə – bu tacik qızı. Orada olduğum hər 3 ildə sanki bir-birimizə söz veribmiş kimi, eyni vaxtda dincəlirdik. Üzdən baxanda heç deməzdin ki, o qız xəstə ola bilər. Amma əslində, o, anadan ürək qüsuru ilə doğuImuşdu. Varlı-karlı ailədən idi. Lakin dərdinə əlac olunmurdu. Yaşı 30-u ötsə də, ailə qurmamışdı. Dediyinə görə, həkimlər icazə verməyiblər. Zöhrə də bir həkimin tövsiyəsilə Şuşaya ürəyinə müalicə etdirmək üçün gəlmişdi. Elə ilk günlərdən Zöhrə Şuşanın www.kitabxana.net – Milli Virtual-Elektron Kitabxana 2017
İdris Hacızadə ―Dünyamızın bəzəyidir insanlar‖
iqliminə, təmiz havasına heyran qaldı, daxilində yüngüllük hiss etdi, ürək ağrıları azalmağa başladı. Hər gün şad xəbər barədə ailəsinə telefon vasitəsilə məlumat çatdırırdı. Çox şən və gülərüz qız olan Zöhrənin gözəl səsi də var idi. Rusdilli olan bu dilavər qız rus və tacik mahnıları ilə dincələnləri feyziyab edirdi. Axşamlar onun zil səsi Topxana meşəsini titrədir, uzaqlara yayılırdı. Ovqatı xoş olan Zöhrəni dincələnənlərin demək olar ki, hamısı tanıyır və hörmət edirdi. Növbəti il mən Zöhrəni "Şuşa" kurortunda anası ilə qoşa gördüm. Xanım-xatın, kübar anasını hamımızla tanış etdi. Bizim öz qrupumuz var idi. Qrupa 3 azərbaycanlı, Zöhrə ilə anası, bir də Uzaq Sibirdən gəlmiş Yevdokiya adli bir rus qadını daxil idi. Biz müalicə qəbul edəndən sonra Şuşanı qarış-qarış gəzir, gecələrsə demək olar ki, yatmır, meşədə təmiz havada gəzib dolaşır, Zöhrənin gur və şaqraq səslə oxuduğu mahnıları dinləyirdik. Zöhrənin anası Məmləkət xanım bir dəfə bizim "qrup üzvlərini" yaşadıqları otağa qonaq çağırdı. Qonaqlıq adi çay dəstgahından ibarət idi. Bu tacik qadının məqsədi bizimlə yaxından tanış olmaq, bizim mehribançılığımız və qonaqpərvərliyimizdən söhbət açmaq idi. Söhbət zamanı Məmləkət xanım söylədi ki, həyat yoldaşı nazir müavinidir, Zöhrə xanım evin yeganə qızıdir, ürək qüsuru ilə dünyaya gəlib, çox təbibə müraciət ediblər, külli www.kitabxana.net – Milli Virtual-Elektron Kitabxana 2017
İdris Hacızadə ―Dünyamızın bəzəyidir insanlar‖
miqdarda pul xərcləsələr də, qıza əlac olmayab. Keçən il ümidlə yola saldıqları Azərbaycanın dilbər guşəsi və sağlamlıq mənbəyi olan Şuşanın havası Zöhrənin sağlamlığında möcüzə yaradıb, ona görə də bu il ikinci dəfə qızı ilə birlikdə bu diyara gəlməyə qərar verib. Allah eləsin gələn il öz həyat yoldaşı ilə Şuşanın tamaşasına gəlsin. Xanım əlavə etdi ki, SSRİ-nin, eləcə də dünyanın müxtəlıf sağlamlıq ocaqlarında olsalar da, Zöhrənin sağlamlığına müsbət təsiri olmamışdı. Üçüncü il (mənim üçün də) Məmləkət xanımın dediyi kimi oldu - Zöhrə xanımı bu dəfə bir cütlük kimi gördüm Şuşada. Bəxtəvər cütlük necə də bir-birinə yaraşırdı?! Hər ikisi ucaboy idi. İlk baxışda bacı-qardaş təsiri bağışlayırdı. Zöhrə həyat yoldaşına bizi köhnə tanışlar kimi təqdim etdi. Tahir (adı) uzun illərin tanışı kimi hər birimizlə mehribancasına görüşdü. Hər ikisinin çöhrəsinə xoşbəxtlik qonmuşdu. Şuşanın ab-havası, Şuşanın iqlimi uzaq ölkənin - Tacikistanın iki gəncinə sağlam ruh, xoşbəxtlik bəxş etmişdi! Haqqında söhbət açmaq istədiyim rus qadın Permdən gəlmişdi. İxtisasca müəllimə olan Yevdokiya Trofimovanın dediyinə görə Azərbaycanın müxtəiif sağlamlıq ocaqlarında olub, dincəlib, müalicə qəbul edib. Bir neçə xarici ölkədə də dincəlib. Amma Şuşaya bənzər heç bir sağlamlıq ocağına rast gəlmədiyini etiraf edən www.kitabxana.net – Milli Virtual-Elektron Kitabxana 2017
İdris Hacızadə ―Dünyamızın bəzəyidir insanlar‖
Yevdokiya Timofeyevna Şuşanı misli-bərabəri olmayan gözəllik mücəssəməsi, təbiətin möcüzəli şəhəri adlandırırdı. Musiqi həvəskarı olan permli qadın Şuşanın Azərbaycanın musiqi beşiyi olduğunu da yaxşı bilirdi. Rəşid Behbudov və Müslüm Maqomayevin pərəstişkarı idi. Eşidəndə ki, Rəşidin atası Məcid Behbudov da Şuşanın musiqi korifeylərindən biridir, gülə-gülə, özündən razı halda söylədi ki, məhz Şuşanın havası ilə böyüyən bir kişidən Rəşid Behbudov kimi dünyaşöhrətli müğənni olacağını zənn etmişdim. Bayatılarımıza böyük maraq göstərən bu rus qadınına bir neçə bayatımızı sətri tərcümə ilə yazıb verdim. O cümlədən də Əzizinəm Qarabağ, Şəki, Şirvan, Qarabağ, Aləm cənnətə dönsə -Yaddan çıxmaz Qarabağ kimi məşhur bayatını... Onu da bildirim ki, Azərbaycanın klassik qadın şairlərinin, o cümlədən incə ruhlu şair, musiqiçi, rəssam olan Xurşud Banu Natəvan haqqında, onun Şuşaya uca dağlardan su çəkdirməsi, fransız yazıçısı A.Dümanın Qafqaza səfəri zamanı Natəvanın ailəsinin qonağı olması, onun Natəvan haqqında xoş sözlər söyləməsi, şairəyə nəfis fiqurlu şahmat, Natəvanın isə qonağa öz əl işlərindən ibarət hədiyyə verməsi, hədiyyənin fransız yazıçısının çox xoşuna gəlməsi barədə müfəssəl məlumatı olduğunu söylədi permli qadın.
Yüklə 3,03 Mb. Dostları ilə paylaş:
|