www.kitabxana.net
– Milli Virtual-Elektron Kitabxana
2017
İdris Hacızadə
―Dünyamızın bəzəyidir insanlar‖
Axır ki ağanın veteran dostlarının ehtimalı düz çıxıb:
Professor bir aylıq dİncəlməyə gedibmiş. Qayıdıb gələndə
ağa əmanəti - qəzeti ona qaytarıb və qəlb rahatlığı tapıb.
Professor ağaya minnətdarlıq edərək şöyləyib: "Çox sağ
ol, müqəddəs ağa. Kaş hamı sənin kimi belə etibarlı
olaydı. Onda həyat daha da gözəlləşərdi. . ."
Bəli, Seyid İsmayıl ağa əsl paklıq, halallıq rəmzidir.
MOLLA QEYBULLA – MÜASĠR MOLLA
NƏSRƏDDĠNDĠR
Atababa İsmayıloğlu bu gün oxuculara daha çox satira
və yumor sahəsində məhsuldar yaradıcılıgı ilə tanışdır.
Onun uzun illər bu janrda yazdığı duzlu-məzəli, güldürən
yumor və ləfifələri, öldürücü və düşündürücü satiraları
Azərbaycan mətbuatına, radio və televiziya ekranlarına
yol tapmış, satira və yumor həvəskarlarının marağına
səbəb olmuşdur.
A.İsmayıloğlunun
vaxtilə
AzTV-nin
"Səhər"
proqramında göstərilmiş yumoristik səhnəcikləri bu gün
də yəqin ki, diqqətli tamaşaçıların yadındadır. Satirik
yazıları bir vaxtlar "Kirpi" jurnalında da dərc olunmuşdür.
www.kitabxana.net
– Milli Virtual-Elektron Kitabxana
2017
İdris Hacızadə
―Dünyamızın bəzəyidir insanlar‖
Bu janrda məhsuldar işləyən Atababa müəllim son
zamanlar da müxtəlif mətbu orqanlarında, o cümlədən
"Azərbaycan", "Literaturnı Azerbaydjan", "Ulduz" və
"Qobustan" jurnallarında, "Ədəbiyyat qəzeti"ndə (özü də
bu qəzetin məsul katibi vəzifəsində çalışır), "Tək səbir" və
sair qəzetlərdə çıxış edir.
Orası da sevindiricidir ki, həmyerlimizin satirik
hekayələri, lətifə və monoloqları Türkiyə və İranda, eləcə
də MDB məkanında tanınır və sevilir.
A.İsmayıloğlu bu gün satira, yumor və lətifə janrında
yaradıcılığının ən məhsuldar dövrünü yaşayır. Müəllifin
bu il "Şirvannəşr"də nəfis şəkildə çapdan çıxmış "Molla
Qeybullanın sərgüzəştləri" adlı kitabı da dediklərimizi
təsdiqləyir. Kitaba Atababa müəllimin, necə deyərlər,
xoruz səsi eşitməyən, bir-birindən maraqlı, duzlu-məzəli
lətifələri daxil edilmişdir. Kitabın, daha doğrusu,
lətifələrin baş qəhrəmanı Molla Qeybulladır. Bütün
lətifələr bilavasitə onunla bağlıdır, yəni məzəli əhvalatlar
bir növ onun ətrafında cərəyan edir, daha konkret desək,
əhvalat və hadisələr Molla Qeybullanın başına gəlir.
Orası da məlumdur ki, Azərbaycan folklor
ədəbiyyatımızda Bəhlul Danəndə, Molla Nəsrəddin kimi
xalq içindən çıxmış müdrik, hazırcavab, zəngin
www.kitabxana.net
– Milli Virtual-Elektron Kitabxana
2017
İdris Hacızadə
―Dünyamızın bəzəyidir insanlar‖
dünyagörüşə malik el ağsaqqalları olmuş, onlarla əlaqədar
lətifələr yazılmış və həmin lətifələr uzaq əsrlərdən bizim
zəmanəmizə gəlib çatmış, dillər əzbərinə çevrilmişdir.
Elə Molla Qeybulla da bizim müasir, ağıllı Molla
Nəsrəddinimizdir. Müəllifin ustalığı ondadır ki, o, Molla
Qeybulla obrazını düşünüb tapmış, onu lətifələrinin
aparıcı qəhrəmanına çevirmişdir. Molla Qeybulla bu gün
də bizim aramızdadır, bu gün də həyatımızın demək olar
ki, bütün sahələrində iştirak etməyə vaxt tapır, müxtəlif
əqidə və xarakterli adamlarla üzləşir, onlarla həmsöhbət
olur, ünsiyyət tapır. Onu sancmaq, adamlar arasında pərt
etməyə çalışan kütbeyin, hərdəmxəyal, qarınqulü, çüğul,
mənsəbpərəst, rüşvətxor, əliəyri və s. antipodları öz ağıllı,
ölçülüb-biçilmiş, düşünülmüş cavabları ilə yerində
oturdur, hazırcavablılığı ilə rəğbət qazanır, yadda qalır.
Müəllifin qeyd etdiyi kimi, Molla Qeybulla ilə bağlı
lətifələrin əksəriyyəti həyatdan götürülmüş, yəni hər
addımda qarşılaşdığımız, başımıza gələn, ətrafımızda
cərəyan edən əhvalatlardır. Həmin əhvalatları, mətləbləri
müəllif Molla Qeybulla obrazında formalaşdırıb və
oxucuların mühakiməsinə verib. Onu da qeyd etmək
yerinə düşər ki, kitaba daxil edilən lətifələri kitab hələ çap
olunmamışdan əvvəl qocaman ədib Qılman ilkin və
mərhum şair-tərcüməçi Vladimir Qafarov da bəyənmişdir.
www.kitabxana.net
– Milli Virtual-Elektron Kitabxana
2017
İdris Hacızadə
―Dünyamızın bəzəyidir insanlar‖
Bir neçə lətifə şairin tərcüməsində "Bakinski raboçi"
qəzetində çap olunmuşdu.
Kitabın redaktoru filologiya elmləri namizədi
Xeyrulla Əliyev, rəssamı Ədalətdir.
Oxucuda əyani təsəvvür yaratmaq üçün "Molla
Qeybullanın sərgüzəştləri" kitabından qısa bir lətifəni dərc
edirik. Lətifə "Gönün qalınlığı" adlanır.
Məclislərin
birində
Molla
Qeybulla.
Allah
kəlamından, şəriətlə təriqət arasındakı fərqdən, ləyaqətli
insanın nəfsinə hakim olmasından söhbət açır.
Oturanlardan biri başa düşür ki, Mollanın dediklərinin
çoxu ona aiddir. Dədəsini də pula satan bu şəxs araya söz
qatmaq üçün önünə qoyulmuş isti çaydan bir qurtum içib,
yanında əyləşən kişiyə işarə edərək Mollaya üz tutur:
- Bu kişi çayı üfürüb içir, amma yenə ağzı yanır. Mən
isə, bax, eləcə, qaynar içirəm, heç təsir etmir. Belə
bilənsənsə, de görək, səbəb nədir?
Molla Qeybulla təmkinini pozmadan:
- Adamın gönünün qalınlığı - deyib əvvəlki söhbətinə
qayıdır.
www.kitabxana.net
– Milli Virtual-Elektron Kitabxana
2017
İdris Hacızadə
―Dünyamızın bəzəyidir insanlar‖
"Molla Qeybullanın sərgüzəştləri" kitabı Atababa
İsmayıloğlunun lətifə ustası oldugundan xəbər verir.
Oxuculara bugünkü çətin, sıxıntılı, gün-güzəran şəraitində
bir aləm gülüş bəxş edəcək bu kitab müəllifinə yeni
yaradıcılıq uğurları arzulayıb deyirik:
- Yeni lətifələrinizi gözləyirik, Atababa müəllim!
KAMĠL MOLLA MƏRASĠMLƏRĠN
YARAġIĞIDIR
Uzun illər qatı kommunist rejimi, hökmran Rus
imperiyası ən humanist din olan İslam dininə yasaq
qoymuşdu. Bu qısqanclığın nəticəsi olaraq, dəhşətli
repressiya illərində xalqımızın bütün dərin zəkaları,
görkəmli üləmaları, din xadimləri, ruhani və mollaları
kütləvi şəkildə gedər-gəlməzə göndərildi. Allahsızlığın
hökm sürdüyü o illərdə elə olurdu ki, həyatdan köçənləri
haqq dünyasına tapşırmaq üçün ya imperiya xofundan, ya
qıtlıq üzündən molla tapmaq müşkülə çevrilərdi.
Azərbaycanda elə bölgələr vardı ki, molla olmadığından,
dünyaya «əlvida» deyib, həyatdan köç edənləri necə gəldi
dəfn edərdilər. Dağ rayonlarında, eləcə də Qarabağın bəzi
www.kitabxana.net
– Milli Virtual-Elektron Kitabxana
2017
İdris Hacızadə
―Dünyamızın bəzəyidir insanlar‖
bölgələrində demək olar ki, molla yox idi. Məclisi yola
vermək üçün gedib cənub zonasından molla gətirərdilər.
Lakin Ulu Tanrı sanki müsəlman bacı və
qardaşlarımızın dua və yalvarışlarını eşitdi. Əvvəlki
əqidəmiz özümüzə qayıtdı, müqəddəs İslam dininə
qovuşduq. Sovetlər dövründə dağıdılmış, yaxud taxıl
anbarına çevrilmiş (Ona görə də Allah-Təala həmin
rejimin kökünü kəsdi) Allah evləri - məscidlər bərpa
olundu, yeniləri tikildi. İndi elə bir rayon yoxdur ki, orda
müasir üslubda minarəli məscid inşa edilməsin. Bu gün
kənd və qəsəbələrimizdə tikilmiş məscidlərə gələn
müsəlman bacı və qardaşlarımız dini ocaqlarda ibadət
edir, Allahın dərgahında dayanıb, onun varlığına dualar
oxuyurlar.
Fərəhlidir ki, bu gün İslama böyük axın var. Dini
mədrəsələr və dini tədris ocaqlarında təhsil alan oğlan və
qızlar ruhani kimi yetişir. İslam dininin təbliğatçilarına
çevrilirlər. Hazırda yas mərasimini layiqincə idarə edən
mollalar çoxdur. Respublikamızın hər yerində belə savadlı
şəxslərə rast gəlmək olar. Düzdür, hələ də "qara molla"
təxəllüsü daşıyan piyada, yəni savadsız mollalar da az
deyil. İslam dinindən bixəbər elə mollalar var ki, yas
mərasimində ordan-burdan eşitdiklərinin də qol-qanadını
sındıra-sındıra danışır, inandırıcı olmayan fantaziya ilə
www.kitabxana.net
– Milli Virtual-Elektron Kitabxana
2017
İdris Hacızadə
―Dünyamızın bəzəyidir insanlar‖
dolu vaqiələr söyləməklə, məclis əhlini çaşdırır, çox vaxt
da belələrinin savadsızlığı ucbatında yas mərasimlərində
dini mövzuda mübahisə yaranır. İfşa olunduğunu görüb,
məclisi tərk edən "bozbaş molla"larına çox rast gəlmişik.
Nə yaxşı ki indi belə mollalar seyrəlir və aradan çıxır.
Onların yerini isə "molla" sözünün mənasını, öz
vəzifəsinin məsuliyyətini layiqincə dərk edən savadlı
adamlar tutur. Belələrinin idarə etdikləri mərasimlərdə
oturmaqdan, sözün əsl mənasında zövq alır, dini biliklərin
çoxalır, mənən zənginləşirsən.
Sabirabad
rayonunun
Məmişlər
kəndində
yas
mərasimini aparan alicənab bir şəxsi mollalara əsl nümunə
hesab edirəm. Biz hüzr yerinə Bakıdan getmişdik.
Mərhumə, dostumun ömür-gün yoldaşı idi. Mərasimin
üçüncü gününü başa vurub, Bakıya qayıtmalı idim.
Doğrusu,
mollanın
məclisi
aparmaq
səriştəsi,
hazırcavablığı, dünyagörüşü, istiqanlılığı şəxsən məni
yeddi gün o mərasimdə qalmağa şövqləndirdi. Nə
gizlədim, cənub bölgəsində də savadlı, mədəni, sanballı
mollalar çoxdur. Amma Məmişlər kəndində təsadüf
etdiyim mollanın qabiliyyəti, məclisi yola vermək
səriştəsi, ümumi mədəniyyəti məni valeh etdi.
Bəs haqqında ağızdolusu bəhs etdiyim molla kimdir?
Harada təhsil alıb?
www.kitabxana.net
– Milli Virtual-Elektron Kitabxana
2017
İdris Hacızadə
―Dünyamızın bəzəyidir insanlar‖
Məşədi Fəqan Məmmədov Saatlının Mollavaizli
kəndində doğulub, ömrünün 38-ci baharını yaşayır. Tanrı
ona həm zahiri, həm də daxili, mənəvi gözəllik bəxş edib.
Cavan olsa da üz-gözünə Tanrıdan nur ələnib. Aydın,
mənalı baxışları qəlbinin paklığından, İslam dininə sonsuz
məhəbbətindən,
xeyirxah
və
gözütoxluğundan,
insanpərvərliyindən xəbər verir. Uşaqlıqdan Əli aşiqidir.
Ömrünün erkən çağlarından damarlarında İslam qanı axır.
İlk müəllimi Masallının Musaküçə kəndinin sakini molla
Nəzir olub. 13 yaşından Qurani-Kərimə qail olub. İki ildə
ilk ruhani atasından çox şey öyrənib. Lakin bildikləri onu
qane etməyib. Sonra Cəlilabad və Biləsuvar rayonlarında
dini biliyini dərinləşdirib. Az qala 15 il dini təlim keçib.
İslam dininə, Qurani-Kərimə baş vurduqca anlayıb ki,
daha dərinliklərə baş vurmaq, qəvvas olub dənizin
dibindən daha çox dürr götünmək - tükənməz bilik
mənbəyi olan İslamı öyrəndikcə-öyrənmək və öyrətmək
lazımdır. Həzrət Mühəmməd (s) Peyğəmbərin "Beşikdən
qəbir evinəcən elm öyrənmək" kəlamını özünün həyat
devizi seçmiş Məşədi Molla Fəqan 38 illik ömrünün
böyük bir hissəsini ruhuna qida, zehninə ziya əta edən
İslamdan bəhrələnir. Bəhrələndikcə doymur, bildiklərini,
öyrəndiklərini isə əhli-müsəlmana öyrədir, "yoruldum"
demir.
www.kitabxana.net
– Milli Virtual-Elektron Kitabxana
2017
İdris Hacızadə
―Dünyamızın bəzəyidir insanlar‖
7 gün ərzində Məşədi Fəqanı çox ağır və ağayana,
təmkinli və sanballı, söhbətlərində ölçülü-biçimli gördüm.
Molla üçün zəruri olan aydın və təmiz nitqi, ürəyəyatımlı
və ləngərti avazı ilə o, məclisə yığışanları sanki
ovsunlamışdı. Hamı bir nəfər kimi ona diqqət kəsilmişdi,
hamı ondan daha çox öyrənməyə çalışırdı. Molla ona
verilən sualları lazımınca və qədərincə cavablandırır,
hamını razı salırdı. Məşədi Fəqan məclisdə hansı
məsələlərə toxunmurdu? İnsan nə qədər fenomenal biliyə
malik olarmış! Söhbət zamanı yeri gələndə loğmana
çevrilib, təbabətdən danışır, sağlam olmağın şərtlərini izah
edir, İslam tarixçisi kimi, bu dinin ümumbəşəri
əhəmiyyətindən, dünyanın tanınmış şəxsiyyətlərinin
Peyğəmbərimizə, eləcə də Əli (ə)-a verdikləri qiymətdən
ilhamla bəhs edir, İslamda qadın azadlığından geniş
söhbət açılmasından, haram və halallıqdan elə maraqla,
şövqlə danışır ki, dinləməkdən doymursan. Azərbaycanın
dahi mütəfəkkiri Nizami və Füzulinin, Nəsimi və Səməd
Vurğunun söz xəzinəsindən nə qədər misallar çəkir,
nümunələr göstərirdi! Məscidlərdən söhbət açan Məşədi
Fəqan izahat verir ki, Misirdə 1001 məscid var.
Cəmiyyətdə, müsəlman aləmində mövçud olan Allah
evlərinin növlərini sadalayır, məclis əhlinin qəlbində dini
ocaqlara, məbədgahlara məhəbbət alovu yandıra bilir.
Məşədi Fəqan: "Hər bir Allah bəndəsinin qürur taxtı
www.kitabxana.net
– Milli Virtual-Elektron Kitabxana
2017
İdris Hacızadə
―Dünyamızın bəzəyidir insanlar‖
olmalıdır və taxtdan enməməlidir",- deyəndən sonra
yaltaqları qamçılayır, pul, mənsəb qazanmaq üçün
mənliyini, əqidəsini, qürurunu itirən cahillərə müraciət
edir, onları kişi kimi yaşamağa səsləyir.
Doğrusu mən, 63 il ömür sürmüş, az qala 40 il yazı-
pozu ilə məşğul olan jurnalist kimi molla Fəqandan çox
şey əxz etdim. Məclis günlərində onun bütün söhbətlərinə
diqqət kəsildim, özümçün qeydlər apardım, dini
kəlamlarla xeyli zənginləşdim.
Bəli, yas mərasimlərinə məhz belə yetkin, təkmil,
qabiliyyət və mədəniyyət timsallı mollaları dəvət etmək
lazımdır ki, qoy onlar bugünkü ağır şəraitdə, dolanışığını,
güzəranını bərpa etmək üçün başqa dini təriqətləri qəbul
etmək
zorunda
qalan
soydaşlarımızı,
ələlxüsus
gənclərimizi səhv addım atmaqdan çəkindirsin, İslam
bayrağının həmişə ucada dolandığını sübut etsinlər.
1998-ci il
www.kitabxana.net
– Milli Virtual-Elektron Kitabxana
2017
İdris Hacızadə
―Dünyamızın bəzəyidir insanlar‖
Mənim bioqrafiyam
Qızılı payızda doğulmuşam. 5 sentyabr 1937-ci ildə.
Qız bürcündənəm. Masallı rayonunun Boradigah
qəsəbəsindəki orta məktəbin VII sinfini əla qiymətlə
bitirərək Bakı Neft Texnikumuna imtahansız qəbul
olunmuşam. Bir müddət Sabunçu neft mədənində operator
işləmişəm. Sonra da Sovet Ordusunda hərbi xidmətdə
olmuşam. Jurnalistikaya olan sonsuz həvəsim məni o
vaxtkı S.M.Kirov adına ADU-nun (hazırda BDU)
jurnalistika şöbəsinə gətirdi. 1963-1967-ci illərdə həmin
şöbədə ali təhsil almışam. Elə o vaxtdan da jurnalist kimi
Azərbaycan mətbuatında çalışıram. 50 ilə yaxındır ki,
respublikamızda nəşr olunan müxtəlif qəzet və jurnallarda
fəaliyyət göstərirəm. Uzun illər «Kino yenilikləri»,
«İmpuls», «Məşəl», «Yeni era» qəzetlərində baş redaktor,
«And», «Gələcək gün», «Naxçıvan», «Faktlar» və s.
qəzetlərində, eləcə də «Zəriflik» jurnalında redaktor
işləmişəm. Bir neçə qəzetdə müxtəlif mövzularda
yazılarla çıxış etmişəm. Çap olunan yazıları mizan
tərəziyə qoysan, öz çəkimdən ağır gələr. Hazırda
Respublika Təhsil Nazirliyinin orqanı olan «Təhsil»
jurnalında şöbə redaktoru vəzifəsini icra edirəm.
www.kitabxana.net
– Milli Virtual-Elektron Kitabxana
2017
İdris Hacızadə
―Dünyamızın bəzəyidir insanlar‖
Bədii yaradıcılıqla da məşğulam. Çoxlu mənsur şeir,
lirik şeirlərim, uşaqlar üçün qələmə aldığım şeir
nümunələrim müxtəlif mətbu orqanlarında işıq üzü görüb.
«İşıqlı ömür» kitabı (müştərək) tanınmış neftçi alim Nuru
Nuriyevin həyat və yaradıcılığına həsr olunub. Hazırda 3
kitabım çapını gözləyir. «Dünyanın bəzəyi insanlar»,
«Qayıt, əzizim!», «…Ürək deyir yaşa hələ». Bütövlükdə
çoxlu sayda tərcümə kitabları da çap mərhələsindədir.
Bura tanınmış isveç dramaturqu B.Byörsonun «Redaktor»
pyesini aid edə bilərəm. Həmin tərcümə üzərində 6 aydan
çox əmək sərf etmişəm.
Hələ ki qələmim işləyir, gözlərim görür. Ürəkdə təpər var.
Hələ ki insanlara, dünyaya, həyata, əsası isə, yaşamağa
həvəs var, qələmi yerə qoymayacağam. Çünki həyat
―şirindir, qardaşım!‖ 2 övlad atası, 3 nəvə babasıyam.
Dostları ilə paylaş: |