İdris Hacızadı
Yüklə 3,03 Mb. Pdf görüntüsü
|
- Bu səhifədəki naviqasiya:
- Bir haĢiyə
www.kitabxana.net – Milli Virtual-Elektron Kitabxana 2017
İdris Hacızadə ―Dünyamızın bəzəyidir insanlar‖
Seyid Miriş Papravənd camaatının ən halal nəslindən olan Qoşunəli kişinin qızı Əzizə xanımla ailə həyatı qurur. Onların 7 övladı - 3 oğlu və 4 qızı dünyaya gəlir. Böyük övladları Züleyxa və Əlişin ömürləri gənc yaşlarında yarımçıq kəsilir.1956-cı ildə Seyid Miriş, 1990-cı ildə isə həyat yoldaşı Əzizə xanım ömürlərini övladlarına bağışlayıb, həyata "əlvida" deyirlər. Haqqında söhbət açdığımız Seyid Ismayıl Seyid Mirişin böyük oğludur. Maraqlı həyat tarixçəsi olan Seyid İsmayıl 1 oğul və 3 qıza mehriban ata, 12 nəvəyə sevimli babadır. Seyid Nurəlinin və Seyid Mirişin vaxtilə ziyarətgaha çevrilmiş məzarları bu gün düşmən tapdağında olan Ağdamın Papravənd kəndindədir. Həmişə sadə və dəbdəbəsiz güzəran keçirmiş Seyid Nurəli və Seyid Mirişin belə həyat tərzini Seyid İsmayıl da davam etdirır. Vaxtilə Şeyid Miriş qap-qapı gəzərək nəzir yığan seyidləri danlamış, onları belə xoşagəlməz yoldan çəkindirməyə çalışmışdır. Deyərmiş ki, Seyidin payı onun evinə gəlməlidir və peyğəmbər nəslindən olan qapı-qapı gəzib nəzir yığmaz. Bu, seyidlərin nüfuzuna xələl gətirər.
www.kitabxana.net – Milli Virtual-Elektron Kitabxana 2017
İdris Hacızadə ―Dünyamızın bəzəyidir insanlar‖
Seyid ismayıl ağa uzun illər kolxoz və sovxozda halal zəhmətlə məşğul
olmuş, övladlarını halallıqla böyütmüşdür. Orta ixtisas təhsilli aqronom olan Seyid ismayıl yalnız xeyirxah əməllərlə el-obasının hörmət və məhəbbətini qazanmışdır. Həmişə xalqına ruzi-bərəkət bolluğu arzulayan bu mehriban insan uzun illər Papravənd kəndinin dəyirmanında dəyirmançı işləmiş, əhaliyə bu minvalla hər cür kömək göstərmiş, təknələrdən çörəyin tükənməməsinə çalışmışdır. Onu Qarabağda həm də dəmirçi kimi tanıyırdılar. Beləiiklə, nankor və
bədnam qonşularımız torpaqlarımızı işğal edənə qədər Seyid İsmayılın dəyirmanı işləmişdir. Bütün qarabağlılar kimi bugün Seyid lsmayıl da doğma Papravənddən perik düşmüş, taleyinə köçkünlük yazılmışdır. Azərbaycanın müxtəlif regionlarına səpələnmiş ağdamlıların bir qismi, o cümlədən Seyid İsmayılın ailəsi də Göyçay rayonuna pənah gətirmişdir. O, vəfalı ömür-gün yoldaşı Ənbər xanımla bu çinarlar şəhərində yaşamağa qərar verir. Ümumiyyətlə, onlar yarım əsrdən çox bir yerdə ömür sürmüş, bir-birilərinə arxa-dayaq durmüş, qəmli-şad günlərini bölüşmüşlər. Amma əfsus ki, Ənbər xanım 12 il əvvəl İsmayıl ağanı əbədi tərk etmiş, Ağdam həsrətilə dünyasını dəyişərək, onu yetim qoymuşdur. Həyat yoldaşını itirəndən sonra Seyid İsmayil Göyçayda duruş www.kitabxana.net – Milli Virtual-Elektron Kitabxana 2017
İdris Hacızadə ―Dünyamızın bəzəyidir insanlar‖
tapa bilməyib, bir yandan da köçgünlük həyatı, qaçqınlıq damğası ona çox təsir etmiş, elə bu səbəbdən də bir neçə ildir ki, Bakıda yaşayan oğlu və qızlarının yanına köçməyə məcbur olub. Elə o vaxtdan da İsmayıl ağa Akademiya bağında tez- tez görunür. Gününün xeyli hissəsini burda tanış olub ünsiyyət bağladığı dost və tanışları ilə keçirir, onlarla həmsöhbət olur, dərdlərini bölüşür, görüb-gördüklərindən danışır, ömür kitablarının maraqlı səhifələrini vərəqləyirlər. Doğru deyirlər ki, bölüşdükcə dərd azalır. Əsl mömin, imanlı, Allah adamı olan Seyid İsmayıl bu bağdakı dost-tanışları arasında İslam dinini geniş təbliğ edir, bu dinin müqəddəsliyindən söhbət açır, insanın mənən saflaşmasında onun əvəzsiz rolundan bəhs edir. O, Bakıda nəşr olunan "Nəbz", "Haqqın Nuru", "İslam həqiqətləri" və sair qəzetlərin hər nömrəsini alıb, əvvəlcə özü oxuyur, sonra da dostlarına ötürür. Seyid İsmayıl vacib əməllərdən olan namaz qılmağın və oruc tutmağın fəzilətlərindən danışır, gündə 5 dəfə Allahın hüzurunda dayanaraq dualar etməklə Ondan mətləb diləmələrini vacib sayır. Ağa tez-tez oturacaqda yanaşı əyləşən gənclərlə də ünsiyyətdə olur, onları ədəb-ərkana, böyüklərə hörmət www.kitabxana.net – Milli Virtual-Elektron Kitabxana 2017
İdris Hacızadə ―Dünyamızın bəzəyidir insanlar‖
bəsləməyə, el-obaya, Vətənə sadiq qalmağa, bir də halal zəhmətlə yaşamağa dəvət edir. Axı onun özünü də halallıq, paklıq rəmzi hesab etmək olar. Sözübütöv, əhdə vəfalı, düz əqidəli bu müdrik ağsaqqal uşaq kimi təmiz və kövrəkdir, qəlb sevindirəndir, inam, iman, etibar dağarcığıdır.
bağa gələn tanınmış alim, professor, Tibb Universitetinin müəllimi Namiq Abbasovun anadan olmasının 60 illiyi münasibətilə onun ömür yolu, tibb sahəsindəki fəaliyyəti, qazandığı uğurlardan bəhs edən maraqlı məqalə dərc olunmuşdu. Həmin yazı ilə maraqlanan Ismayıl ağa professordan qəzeti istəyib, deyib ki, oxuyub, sabah çatdıraram (qəzetdən bir nüsxə olduğu üçün). Ertəsi gün qəzeti götürüb bağa gəlir ki, professora qaytarsın. Professor isə nə həmin gün, nə də ondan sonrakı günlər gəlib çıxmır. İsmayıl ağa isə düz iki həftə qəzeti aparıb- gətirir, amma yubilyar görünmür. Axırda bağ dostları onun narahatçılığını görüb deyirlər: "Ay ağa, niyə belə narahatsan? Professor adamdır, bəlkə bir yerə dincəlməyə gedib. Yay aylarıdır".. Ağa cavab verir ki, yox, əzizim, o qəzet məndə əmanətdir. Özü də cəmi bir nüsxədir, mən onu mütləq sahibinə qaytarmalıyam. Əmanətə xəyanət olmaz , - söyləyib atalarımız. Yüklə 3,03 Mb. Dostları ilə paylaş:
|