İdris Hacızadı
Yüklə 3,03 Mb. Pdf görüntüsü
|
www.kitabxana.net – Milli Virtual-Elektron Kitabxana 2017
İdris Hacızadə ―Dünyamızın bəzəyidir insanlar‖
respublikanın digər şəhər və rayonlarında məskən salmağa məcbur oldu. 9 nömrəli Şuşa tam orta məktəbinin qismətinə isə Bakının Binəqədi rayonu Fatmayı bağlarındakı «Rabitəçi» düşərcəsi düşdü. Bəli, adıçəkilən qaçqın məktəbi 1992-ci ildən Respublika Rabitə Nazirliyinin tabeçiliyində olan «Rabitəçi» düşərcəsində məskunlaşmış köçkün ailələrin məktəbyaşlı uşaqları üçün təşkil olunmuşdur. Bu təhsil ocağının hansı çətinliklər hesabına yaradılmasını və uşaqların buraya yerləşdirilməsini yalnız həmin hadisələrdə fəal iştirak edənlər yetərincə bilər. Məktəbə təcrübəli pedaqoq Qədim Abdullayev rəhbərlik edir. Qədim müəllim əslən kəlbəcərlidir. Orta məktəbi Gəncə şəhərində bitirib. Bir müddət Gəncə Alüminium Zavodunda qaynaqçı işləyib, sonra hərbi xidmətdə olub. Qədim Azərbaycan Dövlət Pedaqoji İnstitutunun ümumi texniki fənlər fakültəsini bitirir. Gənc mütəxəssis olaraq təyinatla Şuşa şəhərinə müəllim göndərilir. Bir müddət ixtisası üzrə çalışır, ömrünün firavan və gözəl çağında bəlli Qarabağ hadisəsi qara kabus kimi irəli keçir və onun da həyatına heç vaxt gözləmədiyi qaçqınlıq ömrü yazılır. 1992-2006-cı illərdə Qədim Abdullayev Azərbaycan Müəllimlər İnstitutunda metodist-müəllim kimi fəaliyyət göstərir. 2006-cı ilin oktyabr ayından 9 nömrəli Şuşa tam orta məktəbinə direktor təyin olunur. www.kitabxana.net – Milli Virtual-Elektron Kitabxana 2017
İdris Hacızadə ―Dünyamızın bəzəyidir insanlar‖
Hazırda məktəbdə 150 şagird təhsil alır ki, onların da təlim- tərbiyəsi ilə 25 pedaqoq məşğul olur. Təhsil ocağında möhkəm nizam-intizam hökm sürür. Məktəbin sahəsi çox da böyük deyil. Burada 11 sinif otağı, müəllimlər otağı yerləşir. Müəllimlər yaxşı bilir ki, dərs dediyi uşaqlar məcburi köçkünlük həyatı yaşayırlar, nəvazişə və qayğıya ciddi ehtiyacları var. Ona görə də müəllimlər şagirdlərindən bu zəruri ehtiyacı əsirgəmirlər, bütün bacarıqlarını onların təlim- tərbiyəsinə, vaxtdan səmərəli istifadə etmələrinə sərf edirlər. Belə müəllimlərdən biri də direktor müavini, dil və ədəbiyyat müəllimi Aygün İsayevadır. 25 ildir ki, şagirdlər arasında olan Aygün müəllimin əsas məqsədi uşaqlara ədəbiyyatımızı öyrətmək, onlara zəngin dilimizi sevdirməkdir. Əslən laçınlı olan, vaxtilə dağlar diyarında uzun illər məktəb direktoru işləmiş biologiya müəllimi Elşad Allahverdiyev, sinif müəllimləri Zeynəb Məmmədova, Ofeliya Babayeva, coğrafiya fənnini tədris edən Ülviyyə Abdullayeva, bədən tərbiyəsi və idman müəllimi Günay Sefixanova, riyaziyyatı uşaqlara sevdirən Arif Sadıqov şagirdlərin və məktəb kollektivinin sevimlisidir. Fəaliyyət göstərdiyi 19 il ərzində təhsil ocağının 40 məzunu respublikanın müxtəlif ali məktəblərinə qəbul olunmuşdur. Fərəhlidir ki, onların bəziləri ali təhsilli mütəxəssis kimi yenidən doğma məktəbdə yaşlı həmkarları ilə çiyin-çiyinə çalışırlar. Riyaziyyat müəllimi Kəmalə Sadıqova, kitabxanaçı www.kitabxana.net – Milli Virtual-Elektron Kitabxana 2017
İdris Hacızadə ―Dünyamızın bəzəyidir insanlar‖
Gülyanaq Hüseynova və laborant Aynur Axundova buna misaldır. 2009-2010-cu tədris ilində məktəbin 3 məzunu - Həlilə Mahmudova (ADU), Könül Ələsgərova (Azərbaycan Dövlət İqtisad Universiteti) və Kəmalə Ələsgərova (1 nömrəli tibb kolleci) tələbə adına layiq görülmüşdür. Son illər respublikada təhsil sahəsində aparılan islahatlar Şuşa təhsilindən, o cümlədən, adıçəkilən 9 nömrəli məktəbdən də yan keçməyib. Həyata vəsiqə alan islahatlar Şuşanın ümumtəhsil məktəblərində böyük bir canlanma yaradıb. Bu canlanma 9 nömrəli məktəbin timsalında da aydın görünür. Tədris müəssisəsinin müəllimləri öz peşəkarlıqlarını artırmaq üçün təlim kurslarında iştirak edir, elmi-metodik vəsaitləri mütəmadi olaraq oxuyur, müzakirələrə qoşulur, qabaqcıl müəllimlərlə təcrübə mübadiləsi aparırlar. Çünki müəllim dərk edir ki, o, işini müasir tələblər səviyyəsində qurmalı, şagirdlərlə, valideynlərlə, həmkarları ilə yeni tərzdə qarşılıqlı fəaliyyətdə olmalıdır. Azərbaycan Respublikası Rabitə və informasiya naziri cənab Əli Abbasovun göstərişi ilə məktəbə 5 ədəd kompüter verilmiş və məktəb internetə qoşulmuşdur. Bu faktın özü qaçqın məktəbi üçün böyük hadisədir. Müəllimlərin elektron dərslikləri internet xidmətindən istifadə edilməsində, açıq dərslərin www.kitabxana.net – Milli Virtual-Elektron Kitabxana 2017
İdris Hacızadə ―Dünyamızın bəzəyidir insanlar‖
izlənməsi və müzakirə olunmasında əvəzedilməz vasitədir. Kurikulumla bağlı Zeynəb Məmmədovanın dərs dediyi III sinifdə rayon səviyyəsində açıq dərs dinlənildi. «Arı ailəsi» mövzusunda düzənlənən bu açıq dərsdə qonşu məktəblərdən qonaqlar, eləcə də rayon təhsil şöbəsi metodkabinetinin müdiri Nəzakət Hacıyeva da iştirak edirdi. İştirakçılar açıq dərsin gedişatını bəyəndilər və digər məktəblərdə də belə açıq dərslərin keçirilməsi tövsiyə olundu. Eyni zamanda Zeynəb müəllimin iş təcrübəsinin və metodikasının başqa məktəblərdə də tətbiq edilməsi qərara alındı. Qədim müəllim məktəbdə keçirilən müxtəlif tədbirlərdən də həvəslə söhbət açdı: - Təhsil ocağında tərtib etdiyimiz plana əsasən ilboyu müxtəlif tarixi hadisələrə, ildönümlərə həsr olunmuş tədbirlər keçirilir. «20 Yanvar», «Xocalı soyqırımı», «Şuşanın işğalı», «Novruz bayramı», «Üzeyir Hacıbəyov -125», «Şuşa-260» və s. tədbirlər bir qayda olaraq yüksək səviyyədə keçirilir. «Ana dili»nə həsr olunmuş tədbir barədə də danışmaq olar. Tədbirə geniş şəkildə hazırlıq görülmüşdü. Bura rayon təhsil şöbəsinin baş mütəxəssisi Ceyhun Əliyev də dəvət olunmuşdu. Ali təhsilli kitabxanaçı Mahirə Tağıyeva Azərbaycan dili, onun zəngin çalarlara malik olması, bu dil barədə görkəmli xarici alimlərin, dilçilərin fikirləri açıqlanmış, ulu öndər Heydər Əliyevin Azərbaycan dili barədə söylədikləri nümunə kimi qeyd
Yüklə 3,03 Mb. Dostları ilə paylaş:
|