İdris Hacızadı
Yüklə 3,03 Mb. Pdf görüntüsü
|
www.kitabxana.net – Milli Virtual-Elektron Kitabxana 2017
İdris Hacızadə ―Dünyamızın bəzəyidir insanlar‖
Gedib-gələn nəfəsim, ürək qanımsan, ya Əli, Sən vicdanım, sən qeyrətim, sən canımsan, ya Əli!
On bir övladına qurban durmaqdır borcum mənim, Adınla ucalıram, şöhrət-şanımsan, ya Əli!
Dar məqamda səsləyəndə, sən kömək oldun mənə, Ömrümün bu çağında da dayağımsan, ya Əli!
Düşəndə zülmətlərə qaranlıq gecələrdə mən, Yoluma işıq saçan, nurlu çırağımsan, ya Əli!
Novruzun başı üstünə şölə saçan bir günəşsən, İslamın köküsən, enməz bayrağımsan, ya Əli! www.kitabxana.net – Milli Virtual-Elektron Kitabxana 2017
İdris Hacızadə ―Dünyamızın bəzəyidir insanlar‖
Bir dost itirmişəm, dünya bərabəri əziz dost. Əvəzsiz dost itirmişəm. Həyatsevər, nikbin ovqatlı, gülərüz, xoş təbəssümlü bir insan. Bir ürək dostu itirmişəm. Qəmxarım deyərdim ona. Dost, sirdaş, yoldaş, qardaş idi mənə. Məsləkdaşım idi Zaman. Dərdirnin əlacı, təsəlli yerim idi. Gümanım, pənahım, ümid yerim olan blr insan itirmışəm. Onsuz bu dünya mənə dar gəlir. Qanadları sınmış bir quşam. Sanki yaşamıram bu gün, quruca nəfəsim gedib gəlir. Bir dost itirmişəm. İgid, cəngavər bir dost. Yeriyəndə yer titrəyərdi. Şaqraq gülüşü ən bədbin, həyatdan küsmüşlərin də ürəyini qızdırar, dodaqlarında təbəssüm yaradardı. Mehriban və xoşqılıq, səmimi və vəfalı bir dost itirmişəm. Bütün insanları birliyə, həmrəyliyə səsləyən xeyirxah bir şəxsiyyət idi Zaman Mehdi. Onun üçün həyatda pis adam yox idi. Bütün pisləri, köntoyləri, əyyaş və bədnəmları düz yola gətirmək üçün dəridən, qabıqdan çıxardı. Hamı ilə dil tapardı. İçəhşəhərdə, Xəzərin sahilində böyümüşdü.
www.kitabxana.net – Milli Virtual-Elektron Kitabxana 2017
İdris Hacızadə ―Dünyamızın bəzəyidir insanlar‖
Qız qalası qədər qüdrətli və təpərli insan idi. Həyatını Xəzərsiz təsəvvür edə bilmirdi. Bəlkə Xəzərdə yaşayan qağayıların sayını da bilirdi. Harda onu itirsəydin, dəniz kənarında buradakı "Lalə" çayxanasında tapardın. Dost- tanışlar arasında. Sanki dəniz sahilinə gələnlərin hamısı onun dost-tanışı idi. Hamı ilə səmimi görüşər, hal-əhvəl tutardı. Təbəssüm qonardı gözlərinə. Ətrafda xoş əhval- ruhiyyə yaranardı dərhal. Günlər beləcə keçərdi. Beləcə gəlib 56 yaşına çatdı Zaman Mehdi. 56 yaş nədir ki?! Onun da son 10 ilini ürəyindən şikayətçi yaşadı dostum. Ürək neyləsin? Yumruq boyda bir parça ət. O da əridi qətrə-qətrə dost- tanış, qohum-əqrəba, el-oba yolunda. O biri yandan da Qarabağ dərdi, gün-güzərən dərdi. Güc verərdi siqaretə. Birini o birinə calayardı. Belə bir dost itirmişəm. Hər günü bir ilə bərabər olan 40 gündür Zamansız yaşayıram. 40 gündür Zaman dünyasını dəyışib. Onun qəfil ölümü hamını sarsıtdı. Gənc qələm dostum, "NƏBZ" qəzetinin baş redaktoru Hacı Qurban hamıdan tez qələmə sarıldı. "Təzə mənzilin mübarək, Zaman!" adlı hüzn və kədərdən yoğrulmuş ağı ilə ürəkləri titrətdi. Axı Rəhmətlık Zaman Hacı Qurbanı çox sevər, onun yaradıcılığı, uğurları ilə öyünərdü. Bu barədə aramızda tez-tez söhbət gedərdi. Zaman ən çox da
www.kitabxana.net – Milli Virtual-Elektron Kitabxana 2017
İdris Hacızadə ―Dünyamızın bəzəyidir insanlar‖
"NƏBZ"də çıxış edərdi: Təbabətə aid yazılarına qəzet həmişə ehtiyac duyardı. Elə şeirləri də tez-tez orada işıq üzü görərdi. Şeirlərinin ilk oxucusu mən olardım. Mənim xeyir-duamdan sonra "NƏBZ"ə yollanardı. Qəzetin hər sayını tapır, üstəlik birini də mənim üçün alıb gətirərdi, birlikdə oxuyub müzakirə edərdik. Bir xeyli şeiri çap olunmuşdu. Kitab şəklində buraxdırmaq istəyirdi. Deyirdim tələsmə, bir qədər də yaz, yaxşı sanballı bir şey çıxaraq ortaya. Amma o tələsərdi, məni də tələsdirərdı. Sən demə ürəyinə dammışdı. Ona görə də "qardaş, gəl kitabın çapını tezləşdirək", - deyərdi. Nə bilim belə olacaq, fələk qabağa düşüb öz saydığını sayarmış?... Bir dost itirmişəm. Əvəzsiz bir dost. Şəhərə çıxa bilmirəm, onunla qoşa gəzdiyim yollarla gedə bilmirəm, "Lalə" çayxanasına girə bilmirəm. Elə bilirəm hamı onu məndən soruşacaq, tək gəlməkdə məni məzəmmətləyəcəkdir: YaĢıldır baĢın, ördək. Çatılıb qaĢın, ördək. HəmiĢə cüt gəzərdiz, Hanı yoldaĢın, ördək? Yüklə 3,03 Mb. Dostları ilə paylaş:
|