DÜNYA ƏDƏBİYYATI KLASSİKLƏRİ
Polkovnik mehriban bir hisslə qrafinyanın əllərini sıxırdı. İki
damla iri gözyaşı qrafinyanın əlləri üzərinə düşdü.
Qrafinya yenə sözə başlayaraq:
-
Cənab, - dedi, - mənim vəziyyətim kimi saxta vəziyyətdə olan
bir qadın üçün yad bir adam qarşısına çıxmağın nə qədər ağır
olduğunu anlamadınızmı? Əgər mən bunun üçün qızarmağa
məcburamsa, qoy, heç olmasa, yaxın adamlar içərisində qızarım.
Məgər bu sirri qəlblərimizdə dəfn etmək daha yaxşı olmazmı? Mən
ümid edirəm ki, yaşadığına inana bilmədiyim Şaber adlı birisinin
bədbəxtliklərinə bu qədər laqeyd olduğum üçün siz məni təqsir-
ləndirməyəcəksiniz.
Qrafinya ərinin üzündə heyrət ifadəsi görərək dərhal əlavə etdi:
-
Sizin məktublarınız mənə gəlib çatmışdır, lakin mən onları
Eylau müharibəsindən yalnız on üç ay sonra almışam; məktublar
açılmışdı və kirli bir halda idi, xətti tanımaq mümkün deyildi. Napo-
leon mənim yenidən ərə getməyimi təsdiq etdikdən sonra məharətli
bir fitnəkarın məni aldatmaq istədiyini zənn etdim. Qraf Ferro- nun
rahatlığını pozmamaq və ailəni məhv etməmək üçün mən bu yalançı
Şaber əleyhinə tədbir görməyə məcbur idim. Özünüz söyləyin, bunu
etməkdə məgər mən haqlı deyildimmi?
-
Bəli, sən haqlı idin; axmaq, heyvan və sarsaq mən idim ki, bu
məsələnin nəticəsini yaxşı düşünməmişdim.
Birdən polkovnik özünü La-Şapel qapıları yanında gördükdə:
-
Lakin biz haraya gedirik? - deyə soruşdu.
-
Mənim Qrosley yaxınlığındakı malikanəmə gedirik. Bu, Mon-
moransi vadisindədir. Biz orada nə qərara gəlmək lazım olduğunu
yaxşıca fikirləşərik. Mən öz vəzifəmi bilirəm. Qanuna görə sizə bağlı
olsam da, həqiqətdə artıq sizin deyiləm. Siz bizim adımızın bütün
Parisdə dillərdə gəzməsini istəməzsiniz, deyilmi? Məni gülünc bir
şəklə salan vəziyyətimizdən bütün şəhəri xəbərdar etməyin nə mənası
var? Biz öz hörmətimizi, hər halda, saxlamalıyıq. - Sonra polkovnikə
həzin və mehriban bir nəzərlə baxaraq sözünə davam etdi: - Siz məni
hələ də sevirsiniz, lakin mən başqa bir münasibət yaratmaqda haqlı
deyildimmi? Bu xariqüladə hadisələrdə gizli bir səs mənə ümid verir
ki, siz yenə əvvəlki kimi mərhəmətlisiniz. Öz taleyimin həllini yalnız
sizin öhdənizə buraxmaqda səhv etmədiyimi bilirəm. Siz həm hakim,
həm də iddiaçı olunuz! Mən sizin nəcib
636
downloaded from KitabYurdu.org
və namuslu təbiətinizə inanıram. Bilmədən etdiyim səhv hərəkətlərin
nəticələri üçün məni bağışlayacağınıza əminəm, siz alicənab bir
adamsınız. Etiraf etməyə məcburam: bəli, mən Ferronu sevirəm. Onu
sevməkdə özümü tamamilə haqlı bilirəm. Mən bu etirafdan
utanmıram; o, sizə toxunsa belə, hər halda, bizim namusumuza xələl
gətirmir. Mən sizdən həqiqi vəziyyəti gizlədə bilmərəm. Bir təsadüf
sayəsində dul qaldığım zaman mən hələ ana olmamışdım.
Polkovnik əlinin hərəkəti ilə qrafinyanın susmasını rica etdi. Heç
bir söz söyləmədən yanm milə qədər yol getdilər. Şaberin gözləri
qarşısında iki balaca uşaq surəti canlanırdı.
-
Rozina!
-
Bəli.
-
Demək, - ölülər üçün bu dünyaya qayıtmaq lazım deyildir,
eləmi?
-
Yox, yox! Məni nanəcib bilməyiniz. Lakin siz qoyub getdiyi-
niz arvadınızın əvəzində sevən bir qadına və anaya rast gəlmisiniz.
Sizi sevmək iqtidarım olmasa da, nə qədər sizə borclu olduğumu
unutmamışam. Mən indi sizə bir qızın öz atasına qarşı duyduğu
məhəbbət hissini təklif edə bilərəm.
Qoca mülayim bir səslə cavab verdi:
-
Rozina! Mən artıq sənə qarşı kin bəsləmirəm. Hər bir şeyi
unudaq.
Şaber bu sözləri gülümsəyərək söylədi. Onun bu təbəssümündə
gözəl bir insan qəlbinin mehribançılığı var idi. Yenə sözünə davam
edərək:
-
Məni artıq sevməyən bir qadından zahirən məni sevməsini
tələb edəcək dərəcədə qaba bir adam deyiləm, - dedi.
Qrafinya ona elə bir minnətdarlıq hissi ilə baxdı ki, yazıq Şaber
yenidən Eylau düzlərindəki qardaşlıq məzanna girməyə hazır idi. Bəzi
adamlar bu cür fədakarlıqlar göstərməyə müqtədir olurlar. Bu
fədakarlığın mükafatı isə sevdikləri bir insana yaxşılıq göstərdiklərini
hiss etməkdən ibarət olur.
Qrafinya sakit olduqdan sonra:
-
Əzizim, - dedi, - biz hər şey haqqında sonra danışarıq.
Eyni mövzu ətrafında söhbəti uzun bir müddət davam etdirmək
mümkün olmadığından, başqa məsələdən danışmağa başladılar. Ər və
arvad bəzən işarə ilə, bəzən də ciddi olaraq, yenə öz qəribə vəziy-
yətləri üzərinə tez-tez qayıtsalar da, hər halda, keçmiş həyatlannı
637
downloaded from KitabYurdu.org
DÜNYA ƏDƏBİYYATI KLASSİKLƏRİ
və İmperiya dövrünün şəraitini xatırladan gözəl bir gəzinti düzəlt-
mişdilər. Qrafinya bu xatirələrə nazlı bir cazibə aşılamış, söhbətlərinə
xoş bir melanxoliya ruhu vermişdi. O, arzu oyatmadan məhəbbəti
canlandırır, sanki, kəsb etdiyi mənəvi gözəllikləri qeyri-ixtiyari
nümayiş etdirir, qoca əsgərə yalnız sevimli qızının yaxınlığından həzz
alan mehriban bir atanın sevinci ilə xoşbəxt ola biləcəyi fikrini təlqin
etməyə çalışırdı.
Polkovnik imperiya epoxasının qrafinyasını tanıdığı halda, indi
Restavrasiya epoxasının qrafinyasına rast gəlmişdi. Nəhayət, ər və
arvad Monmoransi təpələrini balaca və qəşəng Qrosley kəndindən
ayıran balaca dərədəki böyük bir parka çatdılar. Qrafinyanın orada
gözəl bir evi var idi. Polkovnik onların gəlişi üçün hər bir şeyin hazır
olduğunu gördü. Bədbəxtlik bizə aid xüsusiyyətləri təsbit edən tilsim
kimi bir şeydir: bəzilərində o, etimadsızlıq və kin oyadırsa, gözəl
təbiətli insanların qəlbində mərhəmət hissini daha da şiddətləndirir.
Bədbəxtlik polkovniki əvvəlkindən daha çox mərhəmətli etmişdi;
onda bir çox kişilərin məhrum olduğu bir istedad - qadın iztirablarını
anlamaq qabiliyyəti var idi. Bununla belə, hər şeyə etimad edən bir
adam olmasına baxmayaraq, özünü saxlaya bilmədi və arvadından
soruşdu:
-
Demək, siz məni buraya gətirəcəyinizə tamamilə əmin idiniz?
-
Bəli, - deyə qrafinya cavab verdi, - mənimlə bərabər oturan
adam polkovnik Şaber isə, mən buna əmin idim.
Qrafinyanın öz cavabına aşıladığı səmimiyyət ruhu, polkovnikdə
doğmuş olan son şübhələri də dağıtmış idi.
Qrafinya üç gün ərzində ilk əri ilə son dərəcə gözəl rəftar etdi.
Mehriban qayğılar və daimi yumşaqlıqla, sanki, o, polkovnikin
keçirdiyi əzabların xatirəsini silmək, özünün təbiri ilə, bilmədən,
ixtiyarsız olaraq sabiq ərinin başına gətirdiyi müsibətlər üçün onun
əfvini qazanmaq istəyirdi. Daim bir hüzn havası yaradaraq qrafın
qarşısında füsunkar görünməyə çalışırdı. O, polkovnikin bu füsun-
karlıqdan mütəəssir olacağını bilirdi. Biz çox zaman ağıl və qəlbdən
doğan bəzi nəvazişlərə müqavimət göstərə bilməyərək təsir altına
düşürük. Qrafinya onda öz vəziyyətinə qarşı mərhəmət oyatmaq,
onun ruhuna hökm edə bilmək və onu özünə əsir etmək üçün pol-
kovniki yumşaltmaq istəyirdi.
638
downloaded from KitabYurdu.org
Dostları ilə paylaş: |