16
WWW.UNIBANK.AZ
AZƏRBAYCAN BANKLARI
2009-CU İLDƏ
2009-cu ildə ölkənin bank sahəsi, bütün
Azərbaycan iqtisadiyyatı kimi, qlobal
böhranın nəticələrini müvəffəqiyyətlə dəf
etmişdir. Banklar artım nümayiş etdirmiş,
ölkənin bank institutlarının kredit portfelləri
və depozit bazaları isə stressə qarşı
dözümlülük sınağından müvəffəqiyyətlə
keçmişlər. Qlobal bazarlarda baş verən
hadisələrin, konkret olaraq, neftin
qiymətinin enməsinin nəticələri dövlət üçün
sosial ağırlıq yaratmadı, lakin eyni zamanda
Azərbaycanın bank sistemi pul vəsaitlərinin
bahalaşması prosesinə cəlb edilmiş oldu.
Beynəlxalq kapital bazarları 2008-ci ilin
yayından sahənin liderləri üçün bağlı
oldular. Bunun ardınca, iri banklarda
korporativ sektorun depozitlərinin ixtisarı
və onların beynəlxalq maliyyə institutlarına
borclarının yenidən strukturlaşdırılması
zərurətindən doğan likvidlik böhranı
gəldi. 2009-cu ilin əvvəlində likvidliyin
çatışmazlığı ümumən bütün bankların
aktivlərinin məcmu həcminin 3%-nə yaxın
məbləği təşkil edirdi. Lakin bu məbləğin
necə bölünməsi narahatlıq yaradırdı. Axı
vəsait çatışmazlığının əksər hissəsi iri özəl
bankların payına düşürdü.
Məhz buna görə, praktiki olaraq birinci
onluğa daxil olan bütün banklar ən loyal
müştəriləri belə maliyyələşdirməkdən imtina
edərək, kredit proqramlarını dayandırmağa
məcbur oldular. Beləliklə, korporativ
depozitlərin axını başladı. Çünki şirkətlər
öz vəsaitlərindən sərmayə qoyuluşu
üçün və sadəcə öz likvidlik səviyyəsinin
qorunub saxlanması üçün istifadə etməyə
məcbur oldular. 2009-cu ilin ilk altı ayının
yekunlarına görə, Azərbaycanın bankları
hüquqi şəxslərin depozitlərinin 38,34%-ni
itirdilər. Birinci yarım ildə hüquqi şəxslərin
məcmu depozit portfeli 2,856 mlrd. AZN-dən
1,761 mlrd. AZN-ə qədər azaldı. Beləliklə,
2009-cu ilin birinci yarımilini ölkə banklarının
neqativ trendlərinin kulminasiyası hesab
etmək olar. Bu zaman sahənin aktivləri ilk
dəfə 10,5% azaldılar.
Ən mürəkkəb dövr hesabat ilinin birinci
rübü hesab edilə bilər. Yanvar-mart
aylarında sahənin məcmu aktivlərinin
göstəricisi, xarici mənimsəmələrin
ödənilməsi, korporativ və istehlak
sektorlarının kreditləşdirilməsinin kəskin
surətdə ləngidilməsi hesabına, demək olar
ki, 1,5 mlrd. AZN azaldı.
Lakin bank sahəsinin gəlirləri birinci
yarımildə nəinki azalmadı, əksinə, 2008-ci
ilin ilk altı ayı ilə müqayisədə 24,05% artdı
- 113,35 mln. AZN-dən 140,6 mln. AZN-ə
qədər. Bu zaman iri özəl bankların orta
gəlir göstəırisi 10,9% artaraq, 2009-cu ilin
2009-cu ilin özəl əmanətlərin artımı,
mln. AZN ilə
İLLİK HESABAT 2009
17
iyul ayının 1-i üçün 4,91 mln. AZN təşkil etdi.
15 liderdən 9-u bu orta səviyyədən yuxarı
gəlir göstəricisinə nail olmuşlar ki, bu da
bank sisteminin özəyinin maliyyə baxımından
sabitliyinə dəlalət edir. Qlobal böhranın
nəticələri ölkənin iri banklarının etibarlı
olduğunu bir daha sübut etdi. Təsadüfi
deyildir ki, AMB-nın hesablamalarına əsasən,
2009-cu ilin yanvar-iyun aylarının nəticələrinə
görə, ölkə banklarının aktivlərinin rentabelliyi
(ROA) və şəxsi kapitalının rentabelliyi (ROE)
göstəricilərinin artımı müşahidə olunub. İlin
birinci yarısı üçün fəaliyyətin yekunlarına
görə, bank sisteminin ROA və ROE
göstəriciləri, 2008-ci il üçün olan 2,2%-ə və
17%-ə qarşı, müvafiq olaraq, 3,1% və 21,2%
təşkil etmişlər. Məcmu kapitalın adekvatlıq
göstəricisi 19,5%-ə bərabər olmuşdur.
Qeyd etmək lazımdır ki, 2009-cu ildə
Azərbaycanda fəaliyyət göstərən bir bank
belə öz öhdəliklərindən imtina etməmişdir.
Ölkənin iri bankları tərəfindən ümumi
$1,2 milyard məbləğində xarici öhdəliklər
ödənilmişdir. Bu dövr ərzində Azərbaycan
bankları tərəfindən beynəlxalq maliyyə
institutlarından ancaq $400 mln. cəlb
edilmişdir. Özü də bu məbləğdən $83 mln.
ölkənin özəl bankinqinin bütün tarixi ərzində
ən iri maliyyə paketi cəlb etməyə nail
olmuş “Unibank”ın payına düşmüşdür. Qərb
kapital bazarlarında vəsaitlərin cəlb edilməsi
imkanlarının əhəmiyyətli dərəcədə azalması
bank sahəsinin vəziyyətinə təsir göstərən iki
əhəmiyyətli amili müəyyən etmişdir.
Bunlardan birincisi ondan ibarətdir ki,
fondlaşdırılma mənbəyi kimi əhalinin
əmanətləri ən böyük əhəmiyyət kəsb
etmişdir. İkinci amil isə Mərkəzi Bankın
likvidliyin dəstəklənməsi üzrə alətləri ilə
bağlıdır. Bir sıra hallarda əcnəbi tərəf-
müqabillərin ölkənin özəl banklarından
borcların vaxtından əvvəl ödənilməsini tələb
etdiklərinin qəbul edərək, Mərkəzi Bank
“maliyyə immunizasiyası” adlanan tədbirləri
həyata keçirmişdir. Böhran əleyhinə tədbirlər
çərçivəsində AMB $2 mlrd.-lıq birbaşa və
dolayısı ilə likvidliyi təmin etmişdir.
Bu zaman Mərkəzi Bank, aparıcı bankların
yenidən maliyyələşdirilməsi üçün, bank
sisteminə təqdim edilmiş mərkəzləşdirilmiş
kreditlərin həcmini, 2009-cu ilin yanvar
ayının 1-ə olan 229 mln. AZN-ə qarşı, 1,315
mlrd. AZN-ə qədər artırmışdır. AMB haqqında
qanuna 2009-cu ilin iyul ayının 9-da edilmiş
dəyişikliklərə və əlavələrə əsasən, son
instansiya kreditoru qismində Mərkəzi
Bankın səlahiyyətləri əhəmiyyətli dərəcədə
genişləndirilmişdir.
Qanunun yeniləşdirilməsi qlobal iqtisadi-
maliyyə böhranının arzuolunmaz nəticələrilə
daha fəal mübarizə aparmaq imkanı verdi.
AMB həmçinin subordinasiya olunmuş
kreditlər vermək (bankın kapitallaşdırılmasının
yüksəldilməsi üçün), habelə, dövlət zəmanəti
ilə real sektorların maliyyələşdirilməsi üçün
banklara kreditlər vermək hüququ əldə
etdi. AMB tərəfindən banklara kreditlərin
verilməsinin mövcud qaydaları 2009-cu ilin
iyul ayının 28-də təsdiq edilmişdir. Bundan
əlavə, 2008-ci ilin oktyabr ayından AMB,
mərhələ-mərhələ, uçot dərəcəsini illik
15%-dən illik 2%-ə qədər, faiz dəhlizinin
yuxarı həddini 13%-dən 7%-ə qədər, məcburi
ehtiyatlanma normalarını isə 12%-dən
0,5%-ə qədər endirmişdir. Paralel olaraq
AMB məcmu xarici borcları bankların
öhdəliklərinin ümumi həcminin 20%-i
səviyyəsində məhdudlaşdıraraq və banklara
qarşı prudensial tələbləri sərtləşdirərək, bank
risklərinin çevik tənzimlənməsi siyasətini
davam etdirmişdir.
Əhalinin bank sisteminə inamının
möhkəmləndirilməsi işində əhəmiyyətli amil
milli valyutanın məzənnəsinin dəstəklənməsi,
habelə fiziki şəxslərin depozitlərinin tam
sığortalanmış ödənilməli məbləğinin 6 min
AZN-dən 30 min AZN-ə qədər artırılması oldu.
Devalvasiyadan imtina və əhalidən vəsaitin
cəlb edilməsinin faiz dərəcələrinin artırılması
fonunda Əmanətlərin sığortalanması
Fondunun qərarları bir sıra bankların