6
... məni teatra gedən yollara yaxınlaşdıran ilk cığır Ələsgərlə
və İşçi teatrı ilə tanışlığımdan başlayıb.
... 1932-ci ildə İşçi teatrı artıq Gəncə şəhərinə köçürüldü.
Ələsgərlə toyumuzdan sonra onunla bərabər mən də ora getdim...
... Başqa ixtisas seçməyim təsadüf, ya tərəddüd nəticəsində
baş verməyib. İndicə elə bunu demək istəyirdim. Bu işdəki son qə-
rarım özümün öz iradəmlə qəbul elədiyim şüurlu qərardır. Bir müd-
dət mən konservatoriyada da oxudum. Fortepiano şöbəsində. Uşaq
yaşlarından buna həvəsim vardı. Hazırlığım da kifayət edirdi. Lakin
bu fikirdən də daşındım... Nə pianoçu, nə də müəllimə olmadığıma
peşman deyiləm” (16).
Hökümə Qurbanova 1936-cı ildə Azərbaycan Dövlət Dram
Teatrının (Akademik Milli Dram Teatr) yardım heyətinə işə qəbul
olunub.
“H. Qurbanovanın teatrı özünə peşə seçməsi bir təsadüflə bağ-
lı olsa da, bir həqiqətdir ki, o, səhnəyə gəlməyə özündə daxili ehti-
yac hiss etmiş, bu yolu şüurlu olaraq seçmişdir. Bəlkə də, Hökümə
xanım öz fikrini, həyata, hadisələrə münasibətini aydın demək, bir
sənətkar kimi dövrün aktual məsələlərini, Azərbaycan qadınının ağıl
və zəkasının nəyə qadir olduğunu isbat etmək üçün bu formanı, bu
yolu, bu sənəti seçmişdir” (12).
Azərbaycanın teatr tarixi ilə məşğul olan mütəxəssislərin təd-
qiqatlarında qeyd edilir ki, H. Qurbanovanın ilk rolu S. Vurğunun
“Vaqif” mənzum dramındakı gürcü qızı Tamara obrazı olub.
Lakin apardığımız araşdırmalar nəticəsində, əlimə keçən
proqramda göstərilir ki, Hökümə xanım ilk dəfə 1936-cı ildə 05
oktyabrda Ağəli Dadaşovun quruluşunda C. Cabbarlının “Almaz”
əsərində Sürmə rolu ilə səhnəyə çıxıb.
1938-ci ildə H. Qurbanova əsas heyətə keçdi. Həmin ilin 05
oktyabrında ilk dəfə tamaşaya qoyulan S. Vurğunun “Vaqif” mən-
zum dramında (rej. A. İsgəndərov) Tamara obrazını Hökümə xanım
1939-cu il fevral ayının 01-də ifa etdi.
Hökümə Qurbanova (Ələsgər Ələkbərovla nigahda olduğu
üçün o dövrün afişa və proqramlarında Hökümə Qurbanovanın soy
7
adı Ələkbərova yazılırdı) Qacar tərəfindən əsir götürülmüş gürcü
qızı Tamaranın keçirdiyi iztirabları tamaşaçıya dəqiq boyalarla rəsm
etdirirdi.
Aktrisa özü qeyd edir ki; “Tamara rolunda ilk dəfə səhnəyə
çıxmışam. Özü də hansı səhnəyə! Kimlər ilə! Bu bir səbəb. Tamara
rolunu məndən əvvəl Barat Şəkinskaya oynamışdı. Gözəl oynamış-
dı, yüksək qiymət almışdı. O vaxt Barat xanım da gənc aktrisalar
cərgəsində gedirdi. Amma teatra məndən neçə il əvvəl gəlmişdi və
görkəmli mövqe tuturdu. Deməli, mən istər-istəməz bu ilk addımda
özümdən təcrübəli bir aktrisa ilə müqayisə edilməli, özgə sözlə, ya-
rışmalı idim. Bu ikinci səbəb. Bunu da nəzərə alın ki, mən hazır,
bitkin bir tamaşaya kiçik hazırlıqla, bir necə məşqdən sonra yolüstü,
tələsik daxil olurdum. Bu da üçüncü səbəb. Bunların üçü bir yerdə
ciddi məsuliyyət, böyük həyəcan demək idi.
Birinci şərti məni əhatə eləyən aktyorların məharətində, kolle-
ktivin mənə qarşı gözəl, nəcib, qayğıkeş münasibətində görürəm.
Mən tək deyildim. Teatra ayaq açan gənclərin sayı çox idi. Usta
aktyorlarımız bizə həqiqətən böyük ehtiyatla yanaşır, gənclərə
böyük qayğı göstərirdilər. Burdan keçəndən sonra ikinci şərti də
əhəmiyyətli hesab eləyirəm. Bu rolda nə müvəffəqiyyət qazana bil-
mişəmsə, gecəni gündüzə qatıb çəkdiyim zəhmətin sayəsində qazan-
mışam. Tamara rolu mənim üçün bir növ “diplom işi” olub. Onu
indi də əziz tuturam” (16).
Əsərdə Tamara epizodik obraz olmasına baxmayaraq Hökümə
xanım onu əsas rollar səviyyəsinə çatdırmağa nail olmuşdur. Onun
Tamarası daxilən fəryad keçirən bir əsir idi.
“O axşamkı “Vaqif” tamaşasında bütün tamaşaçıların diqqəti-
ni cəlb edən Hökümə xanım idi. Tamaşaçılar bu teatrın səhnəsində
çıxış edən aktrisaları yaxşı tanıyırdı. Lakin bu təzə aktrisa onlara ta-
nış deyildi. Bu ilk tanışlıq isə çox sevindirici, çox maraqlı, çox ürək-
açan idi.
Bir həqiqət var ki, bəzi aktyor və aktrisalar bu və ya digər
tamaşada ilk dəfə çıxış edərkən heç kəsin diqqətini cəlb etmir,
oyunları heç bir iz buraxmadan keçib gedir. Lakin Hökümə xanımın
8
bu tamaşada oynadığı gürcü qızı Tamara əsas rollardan olmasa da,
aktrisanın məharəti nəticəsində bu rol əsas rollar cərgəsinə daxil
olmuşdu. Tamaşa salonu Tamaranın-Hökümə xanımın simasında
azadlıq sevən gürcülərin azadlıq uğrundakı mübarizələrini diqqətlə
izləyir, Tamaranın şəxsi taleyinə ürəkdən yanır, onun iniltilərinə,
fəryadlarına şərik olurdular” (8).
Gürcü qızı Tamara ilə Hökümə Qurbanova özünün həqiqi iste-
dad sahibi olduğunu sübut etmişdir. Böyük müvəffəqiyyət qazanan
Tamara obrazından Hökümə xanım ruhlandıraraq, daha ciddi axta-
rışlar aparmağa nail olmuşdur.
Teatr təhsili almamış Hökümə xanımın inkişafına müxtəlif xa-
rakterli obrazlar kömək olmuşdur. Belə obrazlardan biri də Tamara
idi. Səhnəyə ilk dəfə qədəm qoyan bu aktrisa, aktyorluq sənətində
böyük həyat yolu keçmiş Sidqi Ruhulla və Rza Əfqanlı kimi bir sə-
nətkarlara tərəf müqabili olması və onun ifasının alqışlanması, şüb-
həsiz ki, istedadın böyüklüyündən xəbər verirdi.
“Hökümə Qurbanovanın ilk çıxışı iki cəhətdən əlamətdar he-
sab edilə bilər. Birincisi, səhnəyə yeni aktrisa gəlmişdi. Fitri isteda-
da malik, təbiət vergisilə zəngin, daxili və zahiri keyfiyyətlərinə
görə cazibədar bir aktrisa. Adamı ilk görüşdən, aktyoru isə ilk çıxı-
şından tanımaq çətin olur. Lakin bununla belə ilk təəssürat çox şey
deyə bilir. Hökümə Qurbanova “Vaqif” tamaşasına sonradan daxil
olsa da səhnədə həyəcanlı və kövrək davransa da tamaşaya üzvi su-
rətdə daxil olub tamaşaçıların qəlbinə dərhal yol tapmışdı. Ona ba-
xanlar Vaqif, Vidadi, Eldar və Gülnarla yanaşı Tamaranın da obra-
zında xalq faciəsinin dürüst timsalını, emosional təmsilini görmüş-
lər. İkinci cəhət, daha çox subyektiv məzmun daşıyır. Çünki şəxsən
aktrisanın özünün yaradıcılıq yoluna və sənətkarlıq simasının yaxın
illərdəki formalaşma prosesinə aiddir. Gənc aktrisa bu balaca obrazı
ifa edərkən onun faciə damarını düzgün tutmuş, ehtimal ki, instinkt
gücünə tapdığı doğru açarla təkcə bu obrazı deyil, həm də öz
gələcəyinin qapılarını açmış, ona xas və məxsus olan bir aləmin
astanasına qədəm basmışdır”(16).
Dostları ilə paylaş: |