İNKİŞaf – MƏQSƏDİMİZDİr biRİNCİ Kİtab
Yüklə 2,17 Mb. Pdf görüntüsü
|
99 «EUPES–AZƏRBAYCAN» ALMANİYA–AZƏRBAYCAN BİRGƏ MÜƏSSİSƏSİNİN AÇILIŞ MƏRASİMİNDƏ ÇIXIŞ Bakı, Xətai rayonu 2 oktyabr 2003-cü il Əziz dostlar! Xanımlar və cənablar! Mən sizin hamınızı bugünkü əlamətdar hadisə – Azərbaycan–Almaniya birgə müəssisəsinin açılışı münasibətilə təbrik edirəm. Azərbaycanda Heydər Əliyevin rəhbərliyi altında 1994-cü ildən yeni neft strategiyası həyata keçirilir. Bu zavodun yaradılması da məhz həmin neft strategiyasının həyata keçirilməsi ilə bağlıdır. Əgər 1994-cü ildə "Əsrin müqaviləsi" imzalanmasaydı, təbii ki, bu zavoda da ehtiyac olmazdı. O vaxtdan bəri Azərbaycanda bu istiqamətdə çox işlər görülmüşdür. Bu barədə artıq burada deyilmişdir. Azərbaycana böyük həcmdə sərmayə qoyulur, yeni müəssisələr, zavodlar, fabriklər yaradılır, yeni iş yerləri açılır. Çox sevindirici haldır ki, bu proses davam edir. Heydər Əliyevin neft strategiyası çoxşaxəlidir, müxtəlif istiqamətlərdən ibarətdir. Əlbəttə, ilkin mərhələdə ən önəmli məsələ ondan ibarət idi ki, Azərbaycana sərmayə cəlb edilsin. İndi bu proses uğurla davam edir. Azərbaycana milyardlarla dollar sərmayə qoyulmuşdur və gələcəkdə də qoyulacaqdır. bp şirkətinin nümayəndəsi burada dedi – Azərbaycanın neft sektoruna 18 milyard dollar sərmayə qoyulacaqdır. Məhz buna görə Azərbaycan MDB məkanında və Şərqi Avropa ölkələri arasında adambaşına düşən xarici sərmayənin həcminə görə qabaqcıl yerlərdədir. Neft strategiyasının digər istiqaməti ondan ibarətdir ki, Azərbaycanda nəqliyyat infrastrukturu yaradılsın, neft kəmərləri inşa edilsin. Bu proses davam edir. Azərbaycan nefti artıq iki kəmər vasitəsilə dünya bazarlarına çatdırılır. Bunlar Bakı–Novorossiysk və Bakı–Supsa neft kəmərləridir. Hazırda nəhəng Bakı–Tbilisi–Ceyhan neft kəməri tikilir və yaxın gələcəkdə istifadəyə veriləcəkdir. Bu da imkan verəcəkdir ki, Azərbaycan öz neftini böyük həcmdə ixrac etsin, dünya bazarlarına çatdırsın. Beləliklə, iqtisadiyyatımız daha da möhkəmlənəcəkdir. Heydər Əliyevin neft strategiyasının daha bir istiqaməti ona yönəlmişdir ki, Azərbaycanda yerli istehsal yaransın, iş yerləri açılsın. Bu gün biz bunu açılışını etdiyimiz zavodda görürük. Ümumiyyətlə, bütün bu amillər bu zavodun yaradılmasında özünü göstərir. Bura həm sərmayə qoyuluşu, həm yeni yerli istehsal yaradılması, həm də yeni iş yerləri açılması daxildir. Burada 350 iş yeri açılmışdır, onun 300-dən çoxuna da yerli vətəndaşlar cəlb olunmuşdur. Maaşlar da çox yüksəkdir. Mənə verilən məlumata görə, burada Azərbaycan vətəndaşlarının maaşları 400 dollardan artıqdır. Əlbəttə ki, bütün bunlar çox sevindirici hallardır. Ümumiyyətlə, Azərbaycanda yeni iş yerlərinin açılması istiqamətində işlər görülür və görüləcəkdir, növbəti beş il ərzində 600 min yeni iş yeri açılacaqdır. Azərbaycanda zavodlar, fabriklər, emal müəssisələri yaradılır və gələcəkdə də yaradılacaqdır. Bu bizə imkan verəcəkdir ki, Azərbaycanı hərtərəfli inkişaf etdirək. Əlbəttə ki, hələ uzun illər ərzində ölkəmizin iqtisadi inkişafını müəyyən edən amil neft faktoru olacaqdır. Bu da təbiidir. Amma bununla yanaşı, Azərbaycanın digər sektorları da inkişaf edir və gələcəkdə də buna fikir veriləcəkdir. Əminəm ki, hələ buna bənzər və dünya standartlarına cavab verən neçə-neçə müəssisə yaradılacaq və insanlarımız işlə təmin olunacaqdır. Mənə məlumat verildi ki, burada yerli vətəndaşlar həm fəhlə işini görürlər, eyni zamanda yüksək peşəkarlıq tələb edən işlərlə də məşğuldurlar. Bu bir daha göstərir ki, Azərbaycanda güclü insan potensialı var, peşəkar insanlar çoxdur. Çox sevindirici haldır ki, bu müəssisə onlardan istifadə edir. Bu birgə müəssisənin yaradılması həm də ona görə sevindiricidir ki, o, Almaniya və Azərbaycan şirkətləri tərəfindən təsis olunmuşdur. Bu iki ölkə arasında münasibətlər çox yüksək səviyyədədir. Bizim aramızda nəinki heç bir problem yoxdur, əksinə, əməkdaşlıq və qarşılıqlı hörmət, anlaşma vardır. Hesab edirəm ki, Azərbaycanın Avropa ailəsinə inteqrasiyası məsələsində də Almaniyanın dəstəyi bizə lazım olacaqdır və biz bu dəstəyi hiss edirik. Çox şadıq ki, Almaniya kapitalı, biznesi Azərbaycana gəlir. Əlbəttə, Azərbaycanda Heydər Əliyevin neft strategiyasının həyata keçirilməsi nəticəsində yüzlərlə xarici şirkət ölkəmizdə fəaliyyət göstərir, minlərlə xarici vətəndaş Azərbaycanda çox gözəl və rahat yaşayır. Onlar heç Azərbaycandan getmək də istəmirlər. Çünki ölkəmiz, şəhərimiz günü-gündən abadlaşır, gözəlləşir, iqtisadiyyatımız möhkəmlənir. Biz çox sevinirik ki, Azərbaycanda bu baxımdan heç bir problem yoxdur. Əksi- nə, əməkdaşlıq ruhu mövcuddur. 100 Biz eyni zamanda çox istərdik ki, burada podratçı qismində fəaliyyət göstərən şirkətlər öz ofislərini açsınlar. Amma ilk növbədə, Azərbaycana sərmayə qoyan şirkətlər gəlsin. Ölkəmizin böyük imkanları, potensialı, gələcəyi vardır. Əlbəttə ki, bu gün bizim iqtisadiyyatımıza sərmayə qoyan şirkət bundan böyük mənfəət, fayda əldə edəcəkdir. Hesab edirəm ki, bu gün Almaniya şirkəti tərəfindən göstərilən nümunə digər şirkətlər tərəfindən də bəyəniləcək və onlar da bu təcrübədən istifadə edib Azərbaycana sərmayə qoyacaqlar. Ölkəmiz, ümumiyyətlə, çox sürətlə inkişaf edir. Azərbaycanda iqtisadi islahatlar aparılır, özəlləşdirmə prosesi gedir. Çox sevindirici haldır ki, ümumi daxili məhsulda özəl sektorun payı 70 faizdən yuxarıdır. Bu gün olduğumuz müəssisə də tamamilə özəl sektora məxsusdur. Biz çox istəyirik ki, Azərbaycanda özəl sektor inkişaf etsin, sahibkarların sayı artsın, orta təbəqə yaransın. Hökumət bu istiqamətdə əlindən gələni edir və gələcəkdə də edəcəkdir. Bu bizim strateji xəttimizdir. Azərbaycan zəngin ölkəyə çevrilməlidir və çevriləcəkdir. Bunun üçün bizdə bütün imkanlar vardır. Təbii sərvətlər, yüksək peşəkarlıq, iradə, Vətənə, xalqa məhəbbət vardır. Bundan başqa daha nə lazımdır? Bütün bu amilləri səfərbər edib Azərbaycanı çox qısa bir zamanda zəngin dövlətə çevirmək niyyətindəyik və bunu edəcəyik. Biz istəyirik insanlarımız yaxşı yaşasın, işsizlik, yoxsulluq olmasın. Bu istiqamətdə də işlər aparılır və deyə bilərəm ki, artıq uğurlar əldə etmişik. Qısa müddət ərzində Azərbaycanda dünya standartlarına cavab verən bir neçə müəssisə yaradılıb. Dünən balıqartırma zavodunun açılışı oldu, iyirmi gün əvvəl Xaçmazda konserv zavodunun açılışını etdik. Bu gün burada Azərbaycanın iqtisadi inkişafı üçün çox önəmli zavod açılır. Çox mühüm cəhət budur ki, bütün bu müəssisələrin istehsal etdiyi məhsulların böyük bir qismi Azərbaycanda satılacaqdır. Yəni xaricdə bazar axtarmaq lazım olmayacaqdır. Bu da, öz növbəsində, bir daha onu göstərir ki, 1994-cü ildə Heydər Əliyev tərəfindən "Əsrin müqaviləsi"nin imzalanması çox cəsarətli və müdrik addım idi. Məhz o müqavilənin nəticə- sində Azərbaycanda infrastruktur və yerli istehsalçılar üçün şərait yaradılır. Biz istəyirik ki, Azərbaycanın bazarını yerli şirkətlər öz məhsulları ilə doldursunlar. Əlbəttə, idxal da lazımdır və olacaqdır. Amma o sahələrdə ki, imkanımız vardır, gərək biz yerli şirkətlərə öz istehsal etdikləri məhsulları Azərbaycan bazarına çıxarmalarına kömək edək. Əziz dostlar, dediyim kimi, bu gün Azərbaycanın tarixində çox əlamətdar bir gündür. Gözəl, yeni müəssisə yaradılıb istifadəyə verilir. Mən bu münasibətlə bir daha sizin hamınızı ürəkdən təbrik etmək istəyirəm, sizə cansağlığı, uğurlar arzulayıram. Sağ olun. Yüklə 2,17 Mb. Dostları ilə paylaş:
|