84
GÜRCÜSTANIN ÖLKƏMİZDƏKİ FÖVQƏLADƏ
VƏ SƏLAHİYYƏTLİ SƏFİRİ
ZURAB QUMBERİDZE İLƏ
GÖRÜŞ
Prezident sarayı
12 mart 2007-ci il
Azərbaycan Respublikasının Prezidenti İlham Əliyev
martın 12-də Prezident sarayında Gürcüstanın ölkəmizdəki
Fövqəladə və Səlahiyyətli səfiri Zurab Qumberidzeni diplomatik
fəaliyyətinin başa satması ilə əlaqədar qəbul etmişdir.
Dövlətimizin başçısı Azərbaycan ilə Gürcüstan arasında
ikitərəfli münasibətlərin müxtəlif sahələrdə uğurla inkişaf etdiyini,
ölkələrimizin qlobal enerji layihələrinin həyata keçirilməsində sıx
əməkdaşlığını vurğuladı. Zurab Qumberidzenin ölkələrimiz
arasında münasibətlərin gücləndirilməsi işinə töhfə verdiyini qeyd
edən prezident İlham Əliyev Azərbaycan və Gürcüstanın dostluq
və əməkdaşlıq əlaqələrinin inkişafındakı xidmətlərinə görə səfirin
Azərbaycan Respublikasının «Şöhrət» ordeni ilə təltif edildiyini
bildirdi və ordeni ona təqdim etdi.
Zurab Qumberidze Azərbaycan Respublikasının «Şöhrət»
ordeni ilə təltif olunmasından qürur hissi keçirdiyini qeyd etdi.
Azərbaycan xalqının ümummilli lideri Heydər Əliyev ilə dəfələrlə
görüşdüyünü xatırladan səfir bundan şərəf duyduğunu bildirdi.
Diplomat Azərbaycanda işlədiyi dövrdə ona və səfirliyin fəaliy-
yətinə göstərilən diqqətə görə Azərbaycan hökumətinə və şəxsən
prezident İlham Əliyevə təşəkkürünü ifadə etdi. Zurab Qumberidze
gələcəkdə harada işləməsindən asılı olmayaraq, Azərbaycan–
Gürcüstan münasibətlərinin inkişafı üçün həmişə əlindən gələni
əsirgəməyəcəyini bildirdi.
86
PAKİSTAN İSLAM RESPUBLİKASININ
PREZİDENTİ ZATİ-ALİLƏRİ
CƏNAB PƏRVİZ MÜŞƏRRƏFƏ
Hörmətli cənab Prezident!
Ölkənizin milli bayramı – Pakistan günü münasibətilə
Sizi və Sizin simanızda bütün xalqınızı öz adımdan və Azər-
baycan xalqı adından səmimi-qəlbdən təbrik edirəm.
Azərbaycan ilə Pakistan arasındakı dostluq və qardaşlıq
münasibətləri xalqlarımızın iradəsindən qaynaqlanır. Əminəm
ki, qarşılıqlı inam, etimad və etibara əsaslanan münasi-
bətlərimizin, istər ikitərəfli qaydada, istərsə də beynəlxalq
qurumlar çərçivəsində əməkdaşlığımızın inkişafı üçün birgə
səylərimizi bundan sonra da əzmlə davam etdirəcəyik.
Belə bir əlamətdar gündə Sizə ən xoş arzularımı yetir-
məkdən məmnunluq duyur, möhkəm cansağlığı, işlərinizdə
uğurlar, dost Pakistan xalqına əmin-amanlıq və rifah diləyirəm.
Hörmətlə,
İLHAM ƏLİYEV
Azərbaycan Respublikasının Prezidenti
Bakı, 12 mart 2007-ci il
87
YUNANISTAN RESPUBLİKASININ PREZİDENTİ
ZATİ-ALİLƏRİ
CƏNAB KAROLOS PARULİASA
Hörmətli cənab Prezident!
Yunanıstanın milli bayramı – Müstəqillik günü müna-
sibətilə Sizi və bütün xalqınızı ürəkdən təbrik edirəm.
Əminəm ki, ölkələrimiz arasındakı dostluq münasibətləri,
qarşılıqlı maraq doğuran əməkdaşlığımız xalqlarımızın mə-
nafelərinə uyğun olaraq daim inkişaf edəcək və genişlənəcəkdir.
Sizə ən xoş arzularımı yetirir, dost Yunanıstan xalqına sülh
və tərəqqi diləyirəm.
Hörmətlə,
İLHAM ƏLİYEV
Azərbaycan Respublikasının Prezidenti
Bakı, 12 mart 2007-ci il
88
İNDONEZİYA RESPUBLİKASININ PREZİDENTİ
ZATİ-ALİLƏRİ
CƏNAB SUSİLO BAMBANQ YUDHOYONOYA
Hörmətli cənab Prezident!
Sumarta adasında baş vermiş zəlzələ nəticəsində çoxsaylı
insan tələfatı və dağıntılar barədə xəbər məni son dərəcə
kədərləndirdi.
Baş vermiş faciə ilə əlaqədar dərdinizə şərik çıxır, zəlzələnin
nəticələrinin
tezliklə
aradan
qaldırılmasını
arzulayır,
yaralananlara şəfa diləyirəm.
Bu ağır anlarda Sizə, həlak olanların ailələrinə və yaxın
adamlarına, bütün İndoneziya xalqına dərin hüznlə başsağlığı
verirəm.
Allah rəhmət eləsin!
İLHAM ƏLİYEV
Azərbaycan Respublikasının Prezidenti
Bakı, 12 mart 2007-ci il