89
İRLANDİYANIN PREZİDENTİ
ZATİ-ALİLƏRİ
XANIM MERİ MAKALİSƏ
Hörmətli xanım Prezident!
Ölkənizin milli bayramı – Müqəddəs Patrik günü mü-
nasibətilə Sizi və bütün xalqınızı səmimi-qəlbdən təbrik edirəm.
Ümidvaram ki, Azərbaycan ilə İrlandiya arasındakı dostluq
münasibətləri əməkdaşlıq imkanlarımızın genişlənməsi üçün
daim möhkəm zəmin olacaqdır.
Sizə ən xoş arzularımı yetirir, dost xalqınıza sülh və rifah
diləyirəm.
Hörmətlə,
İLHAM ƏLİYEV
Azərbaycan Respublikasının Prezidenti
Bakı, 12 mart 2007-ci il
90
TUNİS RESPUBLİKASININ PREZİDENTİ
ZATİ-ALİLƏRİ
CƏNAB ZEYNULABİDİN BEN ƏLİYƏ
Hörmətli cənab Prezident!
Tunis Respublikasının milli bayramı – Müstəqillik günü
münasibətilə Sizi və Sizin simanızda bütün xalqınızı ürəkdən
təbrik edirəm.
Əminəm ki, Azərbaycan ilə Tunis arasındakı dostluq və
əməkdaşlıq münasibətlərinin inkişafı daim xalqlarımızın
mənafelərinə xidmət edəcəkdir.
Sizə möhkəm cansağlığı, işlərinizdə uğurlar, dost Tunis
xalqına əmin-amanlıq və firavanlıq arzulayıram.
Hörmətlə,
İLHAM ƏLİYEV
Azərbaycan Respublikasının Prezidenti
Bakı, 12 mart 2007-ci il
91
NAMİBİYA RESPUBLİKASININ PREZİDENTİ
ZATİ-ALİLƏRİ
CƏNAB HİFİKEPUNYE POHAMBAYA
Hörmətli cənab Prezident!
Ölkənizin milli bayramı – Müstəqillik günü münasibətilə
Sizə və xalqınıza təbriklərimizi yetirirəm.
Ümidvaram ki, ölkələrimiz arasında dostluq və əməkdaşlıq
münasibətlərinin inkişafı xalqlarımızın mənafelərinə xidmət
edəcəkdir.
Sizə möhkəm cansağlığı, işlərinizdə uğurlar, xalqınıza sülh
və firavanlıq arzulayıram.
Hörmətlə,
İLHAM ƏLİYEV
Azərbaycan Respublikasının Prezidenti
Bakı, 12 mart 2007-ci il
92
SENEQAL RESPUBLİKASININ PREZİDENTİ
ZATİ-ALİLƏRİ
CƏNAB ABDULAY VADA
Hörmətli cənab Prezident!
Seneqal Respublikasının prezidenti vəzifəsinə yenidən
seçilməyiniz münasibətilə Sizi səmimi-qəlbdən təbrik edirəm.
Əminəm ki, Azərbaycan ilə Seneqal arasındakı dostluq və
əməkdaşlıq münasibətləri xalqlarımızın mənafelərinə uyğun
olaraq bundan sonra da inkişaf edəcək və genişlənəcəkdir.
Sizə möhkəm cansağlığı, xoşbəxtlik, dost Seneqal xalqının
rifahı naminə fəaliyyətinizdə uğurlar diləyirəm.
Hörmətlə,
İLHAM ƏLİYEV
Azərbaycan Respublikasının Prezidenti
Bakı, 13 mart 2007-ci il
93
BELARUS RESPUBLİKASININ FÖVQƏLADƏ
HALLAR NAZİRİ ƏNVƏR BARİYEV
İLƏ GÖRÜŞ
Prezident sarayı
13 mart 2007-ci il
Azərbaycan Respublikasının Prezidenti İlham Əliyev
martın 13-də Prezident sarayında Belarus Respublikasının
Fövqəladə Hallar naziri Ənvər Bariyevi qəbul etmişdir.
Dövlətimizin başçısı Azərbaycanla Belarus arasında əmək-
daşlığın müxtəlif sahələr üzrə uğurla inkişaf etdiyini bildirdi.
Ötən il Belarus Respublikasına səfərini xatırladan prezident
İlham Əliyev bu səfərin ikitərəfli münasibətlərimizin inkişafı
baxımından əhəmiyyətini vurğuladı.
Ölkələrimizin müxtəlif qurumları arasında əməkdaşlığın
vacibliyini nəzərə çatdıran dövlətimizin başçısı Fövqəladə Hal-
lar nazirlikləri arasında əməkdaşlığın əlaqələrimizin daha da
genişlənməsi işinə töhfə verəcəyinə əminliyini bildirdi.
Belarus Respublikasının Fövqəladə Hallar naziri Ənvər
Bariyev ölkəsinin Azərbaycanla geniş əməkdaşlıqda maraqlı
olduğunu söylədi. O, Fövqəladə Hallar nazirlikləri arasında
əlaqələrin uğurla inkişaf etdiyini bildirdi, Azərbaycanın Föv-
qəladə Hallar Nazirliyi ilə əməkdaşlığın gələcəkdə də davam
edəcəyinə ümidvar olduğunu vurğuladı.