İNKİŞaf – MƏQSƏDİMİZDİr on beşİNCİ Kİtab
Yüklə 2,85 Mb. Pdf görüntüsü
|
9 Əziz bacılar və qardaşlar! Bu gün eyni zamanda, Dünya Azərbaycanlılarının Həm- rəyliyi günüdür. Mən bu münasibətlə də sizi ürəkdən təbrik edirəm. Dünyada yaşayan bütün azərbaycanlılara xoşbəxtlik, səadət arzulayıram, onları birliyə, həmrəyliyə dəvət edirəm. Əziz dostlar! Sizi Yeni il münasibətilə bir daha ürəkdən təbrik edirəm. Sizə cansağlığı, uğurlar, xoşbəxtlik arzulayıram. Sağ olun. 10 AZƏRBAYCAN PREZİDENTİ İLHAM ƏLİYEVİN SƏDRLİYİ İLƏ KEÇİRİLMİŞ TƏHLÜKƏSİZLİK ŞURASININ İCLASINDA NİTQ Prezident sarayı 2 yanvar 2006-cı il 2005-ci il arxada qaldı. İlin yekunları çox uğurlu olmuşdur. Bu barədə mən öz fikirlərimi çıxışımda söylədim. Bütünlükdə, 2005-ci il Azərbaycanın dinamik inkişafında çox mühüm rol oynayan bir il olmuşdur. Həm ictimai-siyasi proseslər müsbət istiqamətdə inkişaf etmişdir, iqtisadiyyatımız çox sürətlə artmışdır, həm də Azərbaycanın dünyadakı, bölgədəki mövqeləri möhkəmlənmişdir və bütövlükdə, ölkəmiz çox uğurla inkişaf etmişdir. 2006-cı ilin ilk günlərində biz Təhlükəsizlik Şurasının iclasını keçiririk. Bu çox vacibdir. Çünki bildiyiniz kimi, Təhlükəsizlik Şurasının iclasları mütəmadi qaydada keçirilir, bu iclaslarda ölkəmizin qlobal məsələləri, strateji əhəmiyyət daşıyan məsələlər müzakirə olunur, inkişaf strategiyamızın əsas məqamları, istiqamətləri müəyyən edilir. Hesab edirəm ki, bugünkü iclas da bu baxımdan çox vacibdir. Mən şübhə etmirəm ki, Azərbaycanda möhkəmlənmiş müsbət meyllər 2006-cı ildə daha da sürətlə inkişaf edəcəkdir. Azərbaycan bölgədə gedən proseslərdə daha da fəal iştirak edəcək, öz iqtisadi potensialını möhkəmləndirəcəkdir. Xalqımızın ümummilli lideri Heydər Əliyevin təşəbbüsü ilə tikilən Bakı–Tbilisi–Ceyhan neft kəməri 2006-cı ildə istismara 11 veriləcəkdir. İlin sonunda Bakı–Tbilisi–Ərzurum qaz kəməri istismara veriləcəkdir. Bunlar, əlbəttə ki, dünya əhəmiyyətli məsələlərdir və həm Azərbaycanın iqtisadi potensialının möhkəmlənməsinə öz töhfəsini verəcək, həm də bölgədə sülhün, təhlükəsizliyin, əməkdaşlığın möhkəmlənməsinə xidmət edəcəkdir. 2006-cı ildə sosial-iqtisadi məsələlərin həlli daha da sürətlə getməlidir. Buna nail olmaq üçün bütün imkanlar var. Qəbul olunmuş sosial-iqtisadi proqramlar, regionların inkişafı proqramları uğurla icra edilir. Həm iqtisadi sahədə, həm də sosial sahədə böyük işlər görülməlidir. Sosial məsələlərin həlli bilavasitə iqtisadi potensialdan asılıdır. Əlbəttə ki, bizim potensialımız gücləndikcə, bu məsələlər daha da sürətlə öz həllini tapacaqdır. Azərbaycanda məktəb, xəstəxana tikintisi geniş vüsət alıbdır. İnsanların həyat səviyyəsinin yaxşılaşdırılması ən başlıca vəzifədir. Yoxsulluğun azaldılması, işsizliyin aradan qaldırılması – bütün bunlar bizim əsas məsələlərimizdir və gündəlik həyatda bu məsələlərlə məşğul oluruq. 2006-cı il Ermənistan–Azərbaycan, Dağlıq Qarabağ müna- qişəsinin həlli işində də müəyyən ümidlər verir. Bildiyiniz kimi, bu məsələ ilə məşğul olan Minsk qrupu və onun həmsədrləri son zamanlar öz fəaliyyətini daha da gücləndirmişlər və müəyyən təkliflər irəli sürülür. Biz bütün təklifləri nəzərdən keçiririk, müzakirə edirik. Eyni zamanda, bu məsələ ilə bağlı bizim mövqeyimiz dəyişməz olaraq qalır. Bu məsələ yalnız beynəlxalq hüquq normaları əsasında öz həllini tapa bilər. Azərbaycanın ərazi bütövlüyü danışıqlar mövzusu deyildir. Praqa prosesinin möhkəmlənməsi müsbət haldır, məsələ ilə məşğul olan tərəflər, qurumlar artıq bunu əsas istiqamət kimi təqdim edirlər. Praqa prosesi müsbət prosesdir, mərhələli həll işində mühüm bir addımdır. Bütün bu məsələlər bizim qarşımızda dayanır. Azərbaycanda iqtisadi, sosial, siyasi proseslər müsbət istiqamətdə gedir. Bu baxımdan 2005-ci ildə keçirilmiş parlament seçkiləri 12 Azərbaycanda demokratiyanın inkişafına çox güclü təkan verdi. Demokratik proseslər seçkilər ərəfəsində çox sürətlə getmişdir və seçkilərdən sonra da bu cür davam edir. Azərbaycan bu baxımdan sürətlə inkişaf edən ölkədir. Demokratiyanın inkişafı 2006-cı ildə də bizim əsas vəzifələrimizdən biri olacaqdır. Azərbaycanda hökm sürən sabitlik, vətəndaş həmrəyliyi bizə imkan verir ki, ölkəmiz hərtərəfli – həm iqtisadi sahədə, həm də siyasi məsələlər baxımından inkişaf etsin. Əlbəttə ki, demokratik inkişaf da çox böyük əhəmiyyət kəsb edir. Çalışmalıyıq ki, 2006-cı ildə Azərbaycanın müstəqilliyini daha da gücləndirək, enerji təhlükəsizliyini daha da möhkəm- ləndirək. Bildiyiniz kimi, indi regionda enerji daşıyıcıları ilə bağlı olan problemlər artıq özünü çox qabarıq şəkildə büruzə verir. Azərbaycanda bu problemlər yoxdur, biz öz tədbirlərimizi vaxtı-vaxtında gördük. Əlbəttə ki, biz öz daxili resurslarımıza arxalanırıq. Ona görə də Azərbaycanda neft, qaz hasilatı artır. Gələn il Azərbaycanda həm neft, həm də qaz hasilatı xeyli dərəcədə artacaq və əlbəttə ki, bu, ölkəyə əlavə valyuta resursları gətirəcəkdir. Eyni zamanda, öz tələbatımızı daha da böyük həcmdə ödəyəcəyik. Amma buna baxmayaraq, hələlik idxal qazına ehtiyac var. Ona görə də qərar verildi ki, bu məsələ də öz həllini tapsın. Biz buna vaxtında nail olduq və ümid edirəm ki, qış aylarında Azərbaycanda enerji problemi olmayacaqdır. Bildiyiniz kimi, eyni zamanda, biz enerji infrastrukturumuzu da möhkəmləndiririk. Böyük elektrik stansiyaları tikilir, kiçikhəcmli elektrik stansiyaları tikilir. Qaz xətləri yeniləşdirilir, sayğaclar quraşdırılır. Yəni bu, demək olar ki, əhalini narahat edən əsas sosial problemlərdən biridir və biz bunu həll etməliyik. Bir sözlə, 2006-cı ildə biz gərək çox fəal, çox səmərəli işləyək. Hərə öz yerində vəzifə borcunu yerinə yetirməlidir və biz Azərbaycan xalqı qarşısında mütəmadi qaydada hesabat verməliyik. Yüklə 2,85 Mb. Dostları ilə paylaş:
|