24
AZƏRBAYCAN PREZİDENTİ
İLHAM ƏLİYEVİN SƏDRLİYİ İLƏ ÖLKƏMİZDƏ
HAVALARIN KƏSKİN ŞƏKİLDƏ PİSLƏŞMƏSİ
İLƏ ƏLAQƏDAR YARANAN PROBLEMLƏRİN
HƏLLİNƏ AİD KEÇİRİLMİŞ MÜŞAVİRƏDƏ
NİTQ
Prezident sarayı
24 yanvar 2006-cı il
Bugünkü müşavirə Azərbaycanda, o cümlədən Bakıda
hava şəraitinin kəskin şəkildə pisləşməsi ilə bağlıdır. Bildiyiniz
kimi, son günlər ərzində bizim regionda və bütövlükdə
Avropada havanın qeyri-sabit keçməsi nəticəsində müəyyən
çətinliklər meydana çıxıbdır. Avropa ölkələrində problemlər
yaranıbdır. Elektrik enerjisi ilə, qazla təminat aşağı düşübdür.
Televiziya kanallarından görürük ki, Rusiyanın özündə də
müxtəlif bölgələrdə artıq çox ciddi proseslər gedir, əhaliyə və
müəssisələrə elektrik enerjisi və qaz kifayət qədər verilmir,
məhdudiyyətlər qoyulur.
Yəni bu problem artıq ümumi xarakter daşıyır və əlbəttə ki,
Azərbaycanda da biz gərək bu problemin aradan qaldırılması
üçün lazımi tədbirlər görək. Ölkəmizdə son illər ərzində görülən
işlər nəticəsində yay, yaz və payız mövsümlərində nə Bakıda,
nə respublikanın başqa rayonlarında elektrik enerjisi ilə bağlı,
demək olar ki, heç bir problem yoxdur. Qış aylarında isə
müəyyən problemlər yaranır və bu, təbii xarakter daşıyır. Biz
dəfələrlə bu barədə danışmışıq. İlk növbədə, Azərbaycanda yeni
elektrik güclərinin kifayət qədər işə salınmaması nəticəsində qış
aylarında müəyyən problemlər yaranır. Bu ildən başlayaraq,
ölkəmizin
bütün
bölgələrində
modul
tipli
elektrik
25
stansiyalarının quraşdırılması nəticəsində əminəm ki, Azər-
baycanda elektrik enerjisi ilə təchizatda qış aylarında da
problemlər olmayacaq və olmamalıdır. Birinci modul tipli
elektrik stansiyasının tikintisi artıq başa çatır və yaxın günlərdə
Astara rayonunda onun açılışı qeyd olunacaqdır. Ancaq bu,
hələlik problemin tam aradan qaldırılmasına imkan yaratmır.
Onunla yanaşı, digər tədbirlər də görülür. Bakıda «Şimal»
elektrik stansiyasının ikinci hissəsi tikiləcək, Sumqayıt elektrik
stansiyasının tikilməsi artıq başlanmışdır və 500 meqavat
gücündə olan bu stansiya yəqin ki, iki ilə istismara veriləcəkdir.
Eyni zamanda, Azərbaycanda qazla təminat müəyyən
səviyyədə yaxşılaşıbdır. Amma bizim tələbatımızı tam şəkildə
ödəmir. Baxmayaraq ki, ildən-ilə verilən qazın həcmi artır,
hələlik biz əhalinin tələbatını tam şəkildə ödəyə bilmirik.
Baxmayaraq ki, Azərbaycana ildə təxminən 5 milyard kubmetr
qaz idxal olunur, özü də indi baha qiymətlə alınır. Bu
məqsədlərə bu il təxminən yarım milyard dollar vəsait dövlət
tərəfindən ödəniləcəkdir. Hamımız da bilirik ki, qazın pulunu
əhali faktiki olaraq vermir. Təxminən 20–25 faiz yığılır,
baxmayaraq ki, əhaliyə qaz çox aşağı qiymətlə verilir. Bütün bu
maliyyə yükü Azərbaycan büdcəsinin üzərinə düşür. Nəzərə
alsaq ki, elektrik enerjisinin qiyməti də Azərbaycanda çox
aşağıdır və elektrik stansiyalarında ildə təxminən 2 milyon ton
mazut yandırılır, onda əhaliyə dövlətin dotasiyası ildə
minimum 1 milyard dollar təşkil edir. Heç bir ölkədə, xüsusilə
bazar iqtisadiyyatı prinsipləri əsasında yaşayan ölkədə belə bir
mənzərə müşahidə olunmur. Bu bir də onu göstərir ki,
Azərbaycan dövləti və hökuməti öz sosial siyasətinə sadiqdir.
Biz sosialyönümlü siyasət aparırıq, əhalini ucuz enerji
daşıyıcıları ilə təmin edirik. Havanın kəskin şəkildə pisləşməsi,
əlbəttə ki, enerji sektoruna mənfi təsir göstərir. Ona görə mən
hesab etdim ki, biz bu gün təcili şəkildə yığışaq, məsələni
müzakirə edək. Həm Bakı şəhərində olan vəziyyəti araşdıraq,
həm də rayonlarda olan vəziyyəti araşdıraq, elektrik enerjisi,
qaz və istiliklə təminat məsələlərinə baxaq.
26
Bildiyiniz kimi, bu yaxınlarda baş vermiş partlayış nəticə-
sində Gürcüstana da qaz verilməsi dayandırıldı. Faktiki olaraq,
Gürcüstan qazsız qaldı və bizə müraciət olundu. Biz qardaş
Gürcüstan xalqına öz köməyimizi göstərmişik, mənim prezident
Saakaşvili ilə telefon danışıqlarım olubdur, nə lazımdırsa, onu
edirik. Baxmayaraq ki, Azərbaycanda da müəyyən çətinliklər
var, eyni zamanda, çətin anlarda biz gərək bir-birimizə kömək
edək. Gürcüstan bizim tərəfdaşımızdır, bizim üçün dost, qardaş
ölkədir və mən göstəriş verdim ki, orada bu böhranın
nəticələrini azaltmaq üçün müəyyən tədbirlər görülsün. Artıq
Azərbaycandan həm təbii qazın verilməsi, eyni zamanda,
elektrik enerjisinin verilməsi təmin olunubdur.
Ancaq şübhəsiz ki, biz öz problemlərimizi də həll etməliyik
və bunu etmək üçün gərək bu gün vəziyyət araşdırılsın, təhlil
edilsin. Əgər lazımsa, əlavə tədbirlər görülməlidir ki, biz bu
vəziyyətdən çıxaq. Mən deyə bilmərəm ki, vəziyyət çox ağırdır
və yaxud da çətindir. Ancaq lap xırda problem olsa da, biz
gərək onun həllinə nail olaq. Buna görə bu gün bu məsələləri
biz müzakirə etməliyik. İlk növbədə, mən soruşmaq istəyirəm
ki, Bakıda vəziyyət necədir? Həm elektrik enerjisi, qaz
təchizatında, həm də yol hərəkəti ilə bağlı hansı problem var və
necə həll olunur?
H a c ı b a l a A b u t a l ı b o v (Bakı Şəhər İcra Hakimiy-
yətinin başçısı): Möhtərəm Prezident, hidrometeoroloji mərkəz-
dən alınan məlumat bizə çatan kimi, Bakı şəhərinin bütün rayon
icra hakimiyyəti başçıları səfərbər olunub, gecə-gündüz iş
rejiminə keçiblər. Qış qarajımız tamamilə hazır vəziyyətdədir,
qumla, bütün maşınlarla təmin olunubdur. İndi, bu saat Bakı
şəhərinin küçələrində 17 qarkürüyən, 13 ədəd qumsəpən, 2 ədəd
qarvuran və 3 ədəd qaryükləyən maşın işləyir.
İ l h a m Ə l i y e v: Kifayətdir?
H a c ı b a l a A b u t a l ı b o v: Mənə elə gəlir ki, hələlik,
bu günə qədər tam kifayət edir. Müəyyən problemlər var.
İ l h a m Ə l i y e v: Texnika kifayət qədər varmı?
Dostları ilə paylaş: |