İNKİŞaf – MƏQSƏDİMİZDİr otuz iKİNCİ Kİtab
Yüklə 1,85 Mb. Pdf görüntüsü
|
105 inzibati sərhədlərindən kənarda yerləşən 7 rayonumuz da Ermənistan tərəfindən işğal olunmuşdur. Bəzi hallarda bu reallıq dünyada diqqətdən kənarda qalır. Bütün bu çətinliklərə baxmayaraq, biz ölkədə sürətli iqtisadi inkişafa nail olmuşuq. İqtisadi və siyasi islahatlar, açıq qapı və xarici sərmayələrin cəlb olunması siyasəti nəticəsində biz adambaşına düşən birbaşa xarici sərmayələrin həcminə görə keçmiş sovet respublikaları arasında birinci yerdəyik. Bu, bizə olan etimadı, yaxşı sərmayə mühitini və imkanları nümayiş etdirir. Dünyanın bir çox iri şirkətləri on ildən çoxdur ki, burada çalışır. Bununla belə, mətbuat azadlığı məsələsi vaxtaşırı beynəlxalq mətbuat səhifələrində qaldırılır. Lakin mən sizi əmin edə bilərəm ki, burada mətbuat azadlığı və demokratiyanın səviyyəsi heç də digər qonşu ölkələrdəki səviyyədən aşağı deyildir. Bəzi qonşularımızdan fərqli olaraq, biz heç vaxt, müxalifət mətbu orqanlarını bağlamırıq, bu yaxınlarda Ermənistanda baş verdiyi kimi, interneti kəsmirik. Biz heç bir məhdudiyyət tətbiq etmirik. Bəzi qonşu ölkələrdə olduğu kimi, biz seçkilərdən sonra ölkədə fövqəladə vəziyyət elan etmirik. Biz Ermənistanda olduğu kimi, müxalifət üzvlərini həbs etmirik, fövqəladə vəziyyət rejimi tətbiq etmirik. Lakin burada və Ermənistanda baş verən hadisələrin mətbuatda işıqlandırılmasını müqayisə etsəniz görərsiniz ki, beynəlxalq ictimai rəy qonşu ölkəyə çox dözümlə yanaşmış və necə deyərlər, passiv olmuşdur. Beynəlxalq mətbuat həmin ölkədəki hadisələri lazımınca işıqlandırmamışdır. Əslində bunlar fövqəladə hadisələr oldu. Ermənistan hökuməti yüz minlərlə dinc nümayişçiyə qarşı zor tətbiq etdi. Bu hadisələr zamanı on nəfər öldürüldü, bu rəqəm rəsmən təsdiqlənibdir. Lakin bizim məlumatımıza görə, ölənlərin sayı daha çox olmuşdur. Onlar media və interneti bağladılar. Fövqəladə vəziyyət elan edildi. Müxalifət arasında həbslər başlandı. Orada gərginlik bu günə qədər davam edir. Lakin «Sərhədsiz reportyorlar» buna fikir vermədilər, buna göz yumdular. Burada 106 isə hər hansı kiçik bir hadisə baş verəndə, özlərini «Sərhədsiz reportyorlar» adlandıran təşkilat bizə hücum çəkən ilk təşkilat olur. Biz bunun nə səbəbdən baş verdiyini bilirik. Bu cür münasibətin köklərini də bilirik. Sadəcə, mən təfərrüatlara varmaq istəmirəm. Bu, tam ədalətsiz yanaşmadır. Mən bir daha demək istəyirəm ki, ölkəmizdə tam azad mətbuat mövcuddur. Əgər siz müxalifət qəzetlərinə nəzər yetirsəniz görərsiniz ki, onlar hər gün prezidenti tənqid edirlər. Mən bu cür yazılara heç bir reaksiya vermirəm. Lakin beynəlxalq yanaşma, məlumatların təqdim edilməsi bəzi ölkələrin siyasi maraqlarından və stereotiplərindən asılı olaraq, fərqli olur. Eyni zamanda, onu da açıq deməliyəm ki, bu, dünyadakı erməni diasporunun səyləri ilə izah oluna bilər. Ermənilər nəinki bizim ərazilərimizi işğal edib və işğalı davam etdirir, yüz minlərlə azərbaycanlıya qarşı etnik təmizləmə siyasəti aparıblar. Hətta bütün dünyaya car çəkirlər ki, guya təcavüzkar bizik. Tarixi həqiqətləri bilməyən beynəlxalq ictimai rəy, dünya mətbuatını izləyən oxucular bəzi hallarda buna inanırlar. Mən bir daha medianın dünyada oynadığı rolun vacibliyini qeyd etmək istəyirəm. Bu rol on il əvvəlki vəziyyətdən fərqli olaraq, daha vacibdir. Bu gün internet və mediaya mövcud çıxış əsasında siz dərhal məlumat alırsınız. Lakin həmin məlumat heç də həmişə düzgün olmur. Əvvəldə qeyd etdiyim kimi, dünyada cərəyan edən hadisələr hətta çox nüfuzlu xəbər agentlikləri tərəfindən müxtəlif formada işıqlandırılır, siyasi üstünlüklərə uyğun şəkildə təqdim olunur. Burada mövcud olan tərəflərin xüsusi yanaşması yox, ümumi yanaşma tətbiq edilməlidir. Bu işdə isə medianın oynadığı rol mühümdür. Bu regionda yerləşən bir ölkə kimi, biz regionumuzda nəyin baş verdiyini yaxşı bilirik. Biz regiondan uzaqda yerləşən dairələrdən fərqli olaraq, bu hadisələrə daha yaxşı bələdik. Görürük ki, bir çox hallarda hadisələr haqqında məlumatlar, faktlar və şərhlər heç də həmişə reallıqla uyğun gəlmir. Bu özlüyündə böyük bir məsuliyyətdir, çünki həmin amilin 107 medianın inkişafı üçün mühüm əhəmiyyəti var. Uzun dövlətçilik ənənələrinə malik olan və dünyanın əksər in- sanlarının tanıdığı ölkələr üçün bu, ola bilsin o qədər də əhəmiyyətli deyildir. Ancaq biz özümüzü olduğumuz kimi təqdim etmək üçün səylərimizi daha da artırmalıyıq. Biz yalnız ədalətli, siyasi üstünlüklərdən azad yanaşmaya əsaslanmalıyıq. Məsələn, dünya mətbuatında neftlə bağlı toxunulan bu məsələyə mənfi rəy verilir. Amma bəzən neft də müəyyən insanlar üçün deyil, hamı üçün rifah mənbəyi ola bilər. Hesab edirəm ki, bu baxımdan Azərbaycanın misalı nümunə kimi götürülə bilər. Ötən il bizim Neft Fondumuz BMT-nin mükafatına layiq görülmüşdür. Bu, beynəlxalq ictimaiyyətin həmin qurumun səmərəli işinə verdiyi ən yüksək qiymətdir. Ölkəmizdə neftdən əldə olunan gəlirlərin toplanmasının və xərclənməsinin tam şəffaf sistemi mövcuddur. Azərbaycanın hər bir vətəndaşı neftdən nə qədər vəsaitin daxil olduğunu öyrənə bilər. Bununla bağlı mətbuatda vaxtaşırı məlumat dərc edilir, qurumda beynəlxalq təşkilatlar tərəfindən audit aparılır. Vəsaitlərin xərclənməsinə gəldikdə, Azərbaycanın hər bir vətəndaşı parlamentə seçdiyi nümayəndələri vasitəsilə qərar- ların qəbul olunması prosesində iştirak edir. Bu onu göstərir ki, neft hər bir insanın rifahına xidmət edə bilər. Yoxsulluğun azaldılması ilə bağlı bir az əvvəl gətirdiyim rəqəmlər xeyli dərəcədə neft gəlirlərinin bərabər şəkildə bölüşdürülməsi hesabına mümkün olmuşdur. Əlbəttə ki, gələcəkdə enerji siyasətimizdən və həyata keçi- rəcəyimiz digər layihələrdən asılı olaraq, maliyyə imkanlarımız daha da artacaqdır. Məhz maliyyə resursları ölkənin güclü olması üçün əsas şərtlərdən biridir. Məqsədimiz dünyanın inkişaf etmiş ölkələri sırasında olmaqdır. Biz buna nəinki iqtisadi islahatlar vasitəsilə, o cümlədən, insanların həyat səviyyəsinin yaxşılaşdırılması ilə bağlı olan ən yüksək göstəricilər əldə etməklə nail ola bilərik. Yüklə 1,85 Mb. Dostları ilə paylaş:
|