138
sonra nə oldu – tənəzzül başlandı, hər şey dağıldı. Ölkəmiz
müstəqillik əldə edəndən sonrakı ilk illərdə onun inkişaf
perspektivi yox idi, müstəqilliyi itirmək təhlükəsi yaranmışdı.
Təxminən keçən əsrin 80-ci illərinin ortalarından 1993-cü ilə
qədər, sözün tam mənasında, Azərbaycanda ən ağır dövr idi.
1993-cü ildə Heydər Əliyev hakimiyyətə qayıdandan sonra isə
dirçəliş prosesi başlandı. Bu gün Azərbaycan ən dinamik inkişaf
edən ölkədir. Bizdə bütün xalqlar bir ailə kimi yaşayır. Bizdə
milli, dini və dil mənsubiyyətinə görə heç bir ayrı-seçkilik
yoxdur və bu həmişə belə olacaqdır. Bu baxımdan Azərbaycan
dünya dövlətlərinin çoxu üçün nümunədir. Çünki bizim ölkədə
millətlərarası həmrəylik hökm sürür, bütün xalqlar arasında
sülh, dostluq, qardaşlıq münasibətləri möhkəmlənir, hər kəsin
öz ənənələrini, öz dinini, dilini, mədəniyyətini qoruyub saxla-
maq və onları zənginləşdirmək imkanı var. Ölkəmizin
xüsusiyyəti bundadır. Bizim əhatəmizdə elə ölkələr var ki,
orada yalnız bir millət yaşayır, başqa millətlər yoxdur, yalnız
monomillət vardır. Bu isə heç bir yaxşı nəticəyə gətirib
çıxarmayacaqdır. Bu onu göstərir ki, həmin ölkələrdə başqa
xalqların yaşaması çətindir. Onlar bir-biri ilə yola getmir,
təzyiqlərə, təqiblərə, müxtəlif mənfi təsirlərə məruz qalırlar.
Azərbaycanda isə əksinə, hamı bir ailə kimi yaşayır, hamı
sevinir, fərəhlənir.
L y u b o v D a n i l o v a: Hətta vaxtilə bizim kənddən
köçüb getmiş adamlar da indi geri qayıdırlar. Ən başlıcası isə,
hörmətli İlham Heydər oğlu, deməliyəm ki, mən tez-tez
Rusiyada oluram. Bilirsinizmi, Cəlilabaddan köçüb gedənlər
onun haqqında necə səmimi sözlər söyləyirlər, nə qədər xoş
xatirələri var?! Qadınlardan biri deyirdi ki, biz tarlada
işlədiyimiz vaxt Heydər Əliyev gəlmişdi, mənim əllərim çirkli
idi, o isə mənim əlimi sıxdı. Bu, insana xas olan səmimiyyətdir.
İnsanlar məhz belə cəhətləri xatırlayırlar. Bütün görüşləri
xatırlayırlar – əsas məsələ budur. Allah Heydər Əliyevə rəhmət
eləsin. Heydər Əliyev həmişə qəlbimizdədir – dar günümüzdə
də, fərəhli anlarımızda da.
139
İ l h a m Ə l i y e v: Onun işləri davam etdirilir.
L y u b o v D a n i l o v a: O daim bizim qəlbimizdə
yaşayacaq, heç kəsin yadından çıxmayacaqdır. Kaş hamının
belə prezidenti olsun.
140
AKADEMİK ZƏRİFƏ ƏLİYEVA ADINA
ORTA MƏKTƏBDƏ
7 sentyabr 2008-ci il
Sentyabrın 7-də prezident İlham Əliyev Cəlilabad şəhə-
rindəki akademik Zərifə Əliyeva adına orta məktəbdə olmuşdur.
Dövlət başçısı əvvəlcə görkəmli oftalmoloq-alim, akademik
Zərifə xanım Əliyevanın məktəbin həyətindəki abidəsi önünə gül
dəstəsi qoydu.
Məlumat verildi ki, 1100 şagird yeri olan bu məktəb binası
Heydər Əliyev Fondunun «Yeniləşən Azərbaycana yeni məktəb»
proqramı çərçivəsində inşa edilmiş, ötən ilin sentyabrında
istifadəyə verilmişdir. Üç və dördmərtəbəli tədris korpus-
larından ibarət təhsil ocağı ən müasir avadanlıqla təchiz
edilmişdir. Binanın foyesində ümummilli lider Heydər Əliyevin
və prezident İlham Əliyevin fəaliyyətlərini əks etdirən fotoguşə
vardır.
Kompyuter otağı ilə tanış olan dövlət başçısına bildirildi ki,
internet şəbəkəsinə qoşulmuş kompyuterlər uşaqların müasir
informasiya-kommunikasiya texnologiyaları sahəsində biliklərə
yiyələnmələrində mühüm rol oynayacaqdır.
Məktəbin sonuncu mərtəbəsində görkəmli oftalmoloq-alim,
akademik Zərifə xanım Əliyevaya həsr olunmuş fotoguşə
yaradılmışdır.
Dövlət başçısı burada latın qrafikalı Azərbaycan əlifbası ilə
çap olunmuş müxtəlif ədəbiyyatla təmin edilmiş kitabxanaya və
Heydər Əliyev elektron kitabxanasına baxdı.
Prezident İlham Əliyev ayrı-ayrı fənn kabinetlərini, sinif
otaqlarını və örtülü idman zalını gəzdi, tədris işinin yüksək
səviyyədə təşkili ilə bağlı tövsiyələrini bildirdi.
141
Yeraltı keçid istifadəyə verildi
Sentyabrın 7-də Cəlilabad şəhərinin mərkəzindəki
Heydər Əliyev prospektində müasir üslubda tikilmiş və milli
ornamentlərlə bəzədilmiş yeraltı keçid istifadəyə verilmişdir.
Prezident İlham Əliyev rəmzi açılışı bildirən lenti kəsdi.
Məlumat verildi ki, ulu öndərin adını daşıyan bu prospekt
şəhərdə nəqliyyatın və piyadaların hərəkətinin daha çox olduğu
yerdir. Yeraltı keçid piyadaların rahat gediş-gəlişini təmin
edəcəkdir. Keçidin 2600-dən çox şagirdi olan 1 və 8 nömrəli
şəhər orta məktəblərinin yaxınlığında yerləşməsi uşaqların
təhlükəsizliyinin
təmin
edilməsi
baxımından
xüsusilə
əhəmiyyətlidir.
Keçidlə yaxından tanış olan dövlət başçısı onun milli
memarlıq üslubunda inşa olunmasını yüksək qiymətləndirdi,
ətraf ərazilərdə abadlıq işlərinin davam etdirilməsi ilə bağlı
tapşırıqlarını verdi.
Müalicə-Diaqnostika Mərkəzində işlərin
gedişi ilə tanışlıq
Prezident İlham Əliyev sentyabrın 7-də Cəlilabad
şəhərində tikilən Müalicə-Diaqnostika Mərkəzində işlərin gedişi
ilə tanış olmuşdur.
Dövlət Neft Şirkətinin vəsaiti hesabına tikilən və 1,5 hektar
ərazidə yerləşəcək mərkəzin inşasına 2007-ci ildə başlanmışdır.
3 və 4 mərtəbəli üç korpusdan ibarət olacaq sağlamlıq
ocağında qəbul, şüa-diaqnostika, cərrahiyyə, dializ, reani-
masiya-anesteziologiya şöbələri, poliklinika, laboratoriyalar,
cərrahiyyə bloku fəaliyyət göstərəcəkdir.
Ən müasir tibb avadanlığı və texnika ilə təchiz ediləcək
mərkəz cəlilabadlıların və ətraf rayonların əhalisinin sağlam-
lığının qorunmasında mühüm rol oynayacaqdır.
Dostları ilə paylaş: |