II INTERNATIONAL SCIENTIFIC CONFERENCE OF YOUNG RESEARCHERS
Baku Engineering University
1703
27-28 April 2018, Baku, Azerbaijan
əməkdar elm xadimi, professor M. Topçubaşov, prof. Fuad Əfəndiyev və prof. Məlikməmməd Məlikovun
arxa cəbhədə elmi fəaliyyətinin çox böyük olduğunu vurğulayan müəllif, eyni zamanda, neft yataqlarını
öyrənən geoloq və mineraloqların adlarını çəkir, onların əməyinə yüksək qiymət verildiyini göstərir.
Bunlara misal Mirəli Qaşqay, Şamil Əzizbəyov, Heydər Əfəndiyev, Cəbrayıl Süleymanov, Şirəli
Məmmədov və digərlərini adlarını qeyd edir,onların səmərələşdirici elmi təklif və kəşflərinin arxa cəbhədə
böyük əhəmiyyətini göstərmişdir. Burada müəllif energetika sahəsində elmi müəssisələrin fəaliyyətinə
ümumi qiymət vermişdir.
Qeyd edilən əsərdə müəllif müharibə illərində akad. Yusif Məmmədəliyevin rəhbərliyi altında həyata
keçirilən neftin tədqiqinə aid elmi işlərin SSRİ hərbi hava qüvvələrinin döyüş qabiliyyətinin və
keyfiyyətinin artmasına təsirini nəzərə çatdırmış, keyfiyyətli döyüş texnikası üçün yanacaq məhsullarının
istehsalının böyük əhəmiyyətini qeyd etmişdir.Y.Məmmədəliyevin rəhbərliyi ilə qazolin zavodlarının və
qaz istehsalının artmasının arxa cəbhədə sənaye, ön cəbhədə döyüş texnikasına təsirini qeyd edən müəllif
ona Stalin mükafatının verildiyini bildirir [2,32]. Müharibə illərində Azərbaycan Neft Elmi Tədqiqat
İnstitutunda çalışan kadrların- Əli Quliyev və Yusif Məmmədəliyevin sürtgü yağları istehsalı ilə məşğul
olmaları, kənd təsərrüfatı sahəsində Cəbrayıl Hüseynov, Bala Ağayev, Mirzəyev və İmam Mustafayev
kimi alimlərin yeni elmi fəaliyyətlərinin arxa cəbhədə böyük uğurlara səbəb olması göstərilmişdir. Sonda
müəllif keçmiş SSRİ mədəniyyət işçilərinin müharibə illərində ön cəbhədə vətənpərvərlik ruhunda
çıxışlarına toxunmuş, S. Vurğunun və Bülbülün ön və arxa cəbhədə fəaliyyətini qeyd etmişdir. Bununla
müəllif adı çəkilən əsərdə Azərbaycanın arxa cəbhədə fəaliyyətini keçmiş SSRİ-də yaşayan xalqların əmək
qəhrəmanlığının təsiri prizmasından təhlil edir.
1941-1945-ci illər müharibəsində arxa cəbhədə böyük fədakarlıq göstərərək yüksək elmi nailiyyətlər
əldə edən azərbaycanlı alimlər haqqında son dövrlərdə də araşdırmalar aparılmışdır. Belə araşdırmalardan
biri tarix elmləri doktoru Zemfira Hacıyevanın 2010-cu ildə nəşr etdirdiyi "Azərbaycan alimləri İkinci
Dünya müharibəsi illərində" adlı əsərdir. Çoxsaylı arxiv materialları əsasında yazılmış bu əsərdə yer alan
faktların əksəriyyəti Azərbaycan sovet tarixşünaslığında az rast gəlinmişdir.Müəllif II Dünya Müharibəsi
iştirakçısı olmuş Azərbaycan alimlərindən yazmaqla yanaşı müharibə dövründə arxa cəbhədə elm və təhsil
sahəsində kəşf və ixtiraları ilə Sovet İttifaqında elmə, texnikaya, hərbi sənayeyə və istehsala səmərələşdirici
yeniliklər gətirən azərbaycanlı alimlər haqqında geniş məlumat vermişdir. Əsərdə qeyd olunur ki, düşmən
üzərində ümumi qələbəyə Azərbaycan xalqının verdiyi töhfə lazımınca qiymətləndirilməmişdir: Bakıya
qəhrəman şəhər fəxri adı verilməmişdir. Müəllif əlavə edir ki, arxa cəbhədə çalışanların təşəbbüskarlığı
sayəsində neftin davamlı hasilatı və emalı təmin edilir, silah, döyüş sursatı və mərmilərin yeni növlərinin
istehsalı uğurla mənimsənilirdi[3,6].Hərbi zavod və neftayırma zavodlarının işlərinin şücaəti əsərdə yer
almış, arxa cəbhədə Azərbaycan elm adamlarının fəaliyyətinə yüksək qiymət verilmişdir.
Arxa cəbhədə yaralılara və qospitallarda müalicə alanlara Azərbaycan alim cərrahlarının fədakar
əməyinə toxunan müəllif Mirəsədulla Mirqasımov, Mustafa Topçubaşov, Cəlil Hüseynov və başqaları
haqqında ətraflı məlumat vermişdir. Qeyd olunur ki, müharibə illərində 441 mindən çox yaralı və xəstə
müalicə olunmuş,onlardan 70 faizi sağalıb yenidən ön cəbhəyə qayıtmışdır[3,28].Naftalan neftindən uğurla
istifadə və Bakıdakı Qanköçürmə İnstitutunun işçilərinin əhəmiyyətinə toxunulmuşdur. Neft sahəsində
böyük irəliləyişlər edən akademik Y.Məmmədəliyev, Rüstəm İsmayılov, kimya sahəsində Şıxbala Əliyev,
Soltan Mehdiyev və digər yer və texnika elmləri sahəsində fərqlənən arxa cəbhənin qəhrəman alimləri
barədə yazılmışdır.Arxa cəbhədə yüngül, toxuculuq və yeyinti sənayesinin ön cəbhə üçün hərbi sifariş
olunan məhsullar istehsal istehsal etdiyi göstərilir. Müəllif yazır ki, müharibənin əvvəllərində bu
müəssisələr 30-a yaxın hərbi məhsullar : şinel,yay geyimi, qulaqlı papaq, alt paltarı, əsgər ayaqqabısı, kürk,
jilet,əlcək,qoşqu ləvazimatı, texniki parça, böyük ölçülü iplik, ayaqqabı, sap, hiqroskopik pambıq,
cərrahiyədə tətbiq dilən ipək və digər mallar istehsal edirdi[3,45].Əsərin sonunda azərbaycanlı alimlərin
müharibə illərində dövlət əhəmiyyətli 50-dən çox işin həyata keçirilməsinə görə aldıqları dövlət
mükafatları və ön cəbhəyə verilmiş yardımlardan bəhs edilmişdir.
Tarixçi Zemfira Hacıyeva digər əsərində Azərbaycan sovet tarixşünaslığında öz əksini tapmayan
akademik Y. Məmmədəliyevin rəhbərliyi altında yaradılmış "Molotov kokteyli" adlanan partlayıcı
maddədən yazmışdır. Müəllif yazır ki, Alman ordusu üzərində Sovet İttifaqının qələbəsində tank əleyhinə
qarışığın kəşfinin çox böyük əhəmiyyəti oldu. Onun tərkibi Y. Məmmədəliyev tərəfindən toluolun -
partlayıcı maddə üçün xammalın- əldə edilməsi işlənib hazırlandı (4.,səh.33). Əsərin müəllifi əlavə edir ki,
qeyd olunan partlayıcı maddəni Britaniyanın Baş naziri U.Çörçill "Molotov kokteyli" adlandırmışdır.Bu
kəşf barədə ona SSRİ Xarici İşlər Naziri V. Molotov məlumat vermişdir. Qeyd olunan əsərdə alimin SSRİ