II INTERNATIONAL SCIENTIFIC CONFERENCE OF YOUNG RESEARCHERS
Baku Engineering University
1702
27-28 April 2018, Baku, Azerbaijan
yüksək məhsuldarlığa nail olan təsərrüfat təcrübələri, Cəbrayıl Hüseynovun kartofçuluq sahəsində uğurları,
pambıq üzrə mütəxəssislərimizin yenilikləri, şəkər çuğunduru sahəsində dos. Şəfibəyov və prof. N. Malov,
yağlı bitkilər üzrə mütəxəssislər Y. Ağazadənin kauçuklu bitkilər əkilməsi, Qədimov və Əzimovun
naftalandan müalicə kimi istifadə metodlarını işləyib hazırlamaları əsərdə vurğulanmışdır [1,19].Müharibə
illərində hərbi qospital və xəstəxanada gərgin işləyən və hərbi tibb sahəsində yeni dərman və cihazlar tətbiq
edən prof. M. Topçubaşov, prof. M.Mirqasımov, prof. İ.Şirokoqorov, Hüseyn Əliyev və başqalarının
xidmətlərini arxa cəbhədə necə əhəmiyyət göstərdiyi qeyd olunmuşdur. Azərbaycan tibb işçilərinin
müharibə illərində tətbiq etdikləri naftalan və gecə gündüz yaralılara xidməti, əczaçılıq sahəsində
çalışanların fəaliyyətinin keçmiş SSRİ miqyasında mühüm əhəmiyyət kəsb etdiyi göstərilib.
Müəllif azərbaycanlı alimlərin arxa cəbhədə istər təbliğat, istərsə də əmək fəaliyyətinə toxunmuş,
azərbaycanlı müəllimlərin tədris prosesində yanılmadan uğurla çalışmasını göstərmişdir. Ali məktəb
müəllimlərinin tələbələr və gənc kadrların yetişdirilməsi fəaliyyətini qeyd edən müəllif Elmlər
Akademiyasının elmi işçilərinin hərbi vətənvərlik ruhunda yazılmış əsərlərini göstərir,tarix muzeyinin
əməkdaşlarının hərbi mövzuda sərgilər təşkil etməsi, ədiblərin bu ruhda elmi əsər və məqalə yazmalarının
arxa cəbhənin fəaliyyətinə təsirini qeyd etmişdir. Arxa cəbhədə müharibə illərində ictimai elmlərin
qarşısında böyük vəzifələr qoyulduğu göstərilmiş,iqtisadçıların yeni kadrların yetişdirilməsi və iqtisadi
sahələrin idarə edilməsinin əhəmiyyəti qeyd olunmuşdur. Arxa cəbhədə fəaliyyət göstərən azərbaycanlı
elm və təhsil sahəsinin əməkdaşlarının fəaliyyətini yüksək qiymətləndirən müəllif bütün bunları"kommu-
nist partiyasının uğuru" kimi dəyərləndirmişdir. SSRİ-də yaşayan "xalqların müdafiəsi və sosializmin faşist
imperialistlərindən müdafiəsi" əsərdə göstərilmişdir.Müəllif Azərbaycan alimlərinin uğurlarının izahını
"marksist-leninist inkişaf qanunları" prizmasından vermişdir. Ümumi məlumat verilməsinə baxmayaraq bu
kiçik əsər müharibə dövründə arxa cəbhədə Azərbaycandakı elmi kadrların fəaliyyəti haqqında təsəvvür
yaradır və 1941-1945-ci illərdə xalqımızın arxa cəbhədə qəhrəmanlığından bəhs edir.
Arxa cəbhədə Azərbaycan xalqının xidmətlərinə C. Hüseynovun 1958-ci ildə nəşr etdirdiyi "Böyük
Vətən Müharibəsi illərində sovet xalqının əmək qəhrəmanlığı" əsərində rast gəlinmişdir. Əsərin müxtəlif
yerlərində müəllif Azərbaycan xalqının müharibə illərində cəbhə üçün fədakarlığını təsvir
etmiş,Azərbaycan iqtisadiyyatının müxtəlif sahələrində çalışanların fəaliyyətinə dövrün siyasi
prizmasından qiymət vermişdir.Müəllif neft sənayesndə çalışan azərbaycanlı fəhlələrin yeni neft
yataqlarının istismarı zamanı əmək qəhrəmanlığını təsvir etmiş,neftçi qəhrəmanlardan Sona Quliyevanın,
Baba Qafar Muradovun, eləcə də, Qaradağ neft trestinin fəhlələrinin xüsusi fəaliyyətinə toxunmuşdur.
1942-ci ilin noyabrında Azərbaycan rəhbərliyinin respublika sənaye müəssisələrinin işinin müzakirəsi
zamanı Azərbaycanlı sənaye işçilərinin böyük uğurlar qazandığı qeyd edilmiş və burada fərqlənən sənaye
zavodlarının və onların qabaqcıl mütəxəssislərinin adları göstərilmişdir.Neft trestlərində bir çox kadrların
cəbhəyə yollanmasına baxmayaraq planın yerinə yetirilməsini yazan müəllif bunun vətənə sadiq, hakim
kommunist partiyasının qarşıya qoyduğu mühüm iş və düşmənə qarşı ümumi çağırışına dəstək kimi
dəyərləndirmişdir. İstər SSRİ, istərsə də Azərbaycanda arxa cəbhənin fəaliyyətini "sovet xalqının" əmək
qəhrəmanlığı kimi qələmə verən müəllif dövrün sərt siyasi təsir mexanizmlərindən kənara çıxa
bilməmişdir. Müəllif haqlı olaraq göstərir ki, Bakı şəhərinin neftçiləri və neft mütəxəssisləri neft
çıxarılmasını artıraraq, müdafiə ehtiyacları üçün neft məhsulları və döyüş sursatı istehsal etmək haqqında
hökümət tapşırıqlarını nümunəvi sürətlə yerinə yetirdiklərinə görə rəhbərlik tərəfindən orden və medallarla
təltif olunmuşdur [2,13]
SSRİ-nin müxtəlif respubliklarının arxa cəbhədəki fəaliyyətindən ümumi məlumat verilən bu əsərdə
müəllif Azərbaycan xalqının kənd təsərrüfatı sahəsində müharibə vaxtı gördüyü işləri də qələmə
almışdır.C.Hüseynov əlavə edir ki, Azərbaycan kəndliləri Muğan düzündə pambıq,Lənkəranda
limon,portağal və çay,Gəncədə üzüm, Tovuzda buğda və digər rayonlarda maldarlığın sayını artıraraq 485
nəfəri SSRİ-nin orden və medalları ilə təltif etmişdir [2,20]. Bununla müəllif arxa cəbhədə azərbaycanlı
kəndlilərə respublika rəhbərliyinin verdiyi qiyməti göstərmişdir.Ancaq müəllif burada kənd təsərrüfatı
işçiləri və mütəxəssislərinin hakim partiyanın Mərkəzi Komitəsinin göstərişlərini vətənpərvərlik hissi ilə
qarşılamasını qeyd edir. Əsərin sonrakı hissəsində müəllif ayr-ayrı Azərbaycan kəndlərində cəbhə üçün
yerinə yetirilmiş məhsul istehsalçıları və onların arxa cəbhədə qəhrəmanlığına ümumi olaraq
toxunulmuşdur.
Müharibə illərində SSRİ alimlərinin arxa cəbhədə fəaliyyətindən yazan müəllif Azərbaycan elm
xadimlərinin işlərini də təsvir etmişdir. Müəllif bunu Kommunist Partiyasının vacib göstərişləri kimi
göstərsə də bu məlumat tarixşünaslığımızda əhəmiyyətli faktlardandır. Tibb üzrə professor M. Mirqasımov,