II INTERNATIONAL SCIENTIFIC CONFERENCE OF YOUNG RESEARCHERS
Baku Engineering University
1706
27-28 April 2018, Baku, Azerbaijan
bunun əsas səbəbi ermənilərin dinlə bağlı məsələlərə həssaslıqla yanaşmasından irəli gəlirdi. Erməni
xristianlığı erməni milli kimliyinin ən önəmli parçasıdır.[4;56-61] İngiltərədə ilk erməni kilsəsinin açılışı
1863-cü ildə Mançestrdə olmuşdur. Təqribən 30 nəfər erməninin yaşadığı yaradılan kilsə erməni kimliyinin
yerləşməsində böyük rolu olmuşdur.
1877-1878-ci ildə Rusiaya-Osmanlı müharibəsi erməni kimliyini tanıtmaq üçün yeni bir fürsət
oldu.Müharibə ərəfəsində erməni patriarxı Nerses Varjabedyan Britaniya səfiri Elliotla görüşərək milli
azlıqların Osmanlılara qarşı Balkanlarda apardığı üsyanlardan sonra qazandıqları üsünlüklərin ermənilərə
də şamil edilməsini ondan xahiş etmişdi. Patriarx Rusiayanın ali baş komandanı Böyük Knyaz Nikolayla
da görüşərək ondan müstəqil Ermənistan dövləti yaratmaq üçün dəstək istədi. Bir qədər sonra şəxsi xahişini
çatdırmaq üçün patriarx Vanın keçmiş yepiskopu Mıgırdıç Hirimyanın başçılığı ilə nümayəndə heyətini
böyük knyazın yanına göndərdi. Patriarx Osmanlı hökumətinin erməni xristianlarını təqib etməsindən
şikayətlənir və imperiyanın altı şərq vilayətində müstəqil Ermənistan yaratmağa kömək göstərməyi
ruslardan xahiş etdi. Böyük Knyaz erməniləri şəfqətlə dinlədikdən Osmanlılara qarşı fəaliyyəti davam
etməyə ruhlandırdı.
14 iyul 1878-ci il tarixində İngiltərə səfiri Ser Henri Layard xarici işlər naziri Leyarda yazdığı sənəddə
rusların erməni əhalisi arasında apardığı fəaliyyət haqqında qeyd edirdi: “Ruslar artıq Turkiyənin Asiya
hissəsində yaşayan ermənilər arasında qalmaqal yaratmağa başlayıblar. Rus kəşfiyyatçıları əyalətlərə
ermənilər arasında hakimiyyətə qarşı narazılıq yaratmaq məqsədilə göndərilir. Paytaxtda erməni icmasının
aparıcı üzvləri daxil olan rusları dəstəkləyən erməni tərəfi formlaşır.” [5:8]
Müharibədən məğlubiyyətlə çıxan Osmanlı İmperiyası Ayestefanos müqaviləsinə görə Şərqi
Anadoluda “Rusiya təsirli Ermənistanın yaranması” Rusiyanın cənuba doğru irəliləməsi ingilislər üçün
təhlükə yaradırdı. Ayastefanos Razılaşmasının Berlində dəyişdiriləcəyi xəbərini alan Patrik Varjabedyan,
hərəkətə keçərək konqresdə toplanacaq bütün dövlətlərlə əlaqə yaradaraq fəaliyyətə başlamışdır. Bu
məqsədlə Beşikdaş Başyepiskopu Horen Narbəy Rusiyaya gedərək çar II Aleksandr tərəfindən qəbul
edildi. Horen Narbəy çardan Osmanlı ermənilərini himayə etməsi və Berlin Konfransında onları müdafiə
etməsini rica etmişdir.
Berlin Konfransında imzalanan razılaşmadan bir ay sonra 8 Avqust 1878-ci ildə Sultan II
Abdülhəmidə İngiltərənin İstanbuldakı səfiri Layard tərəfindən ilk islahat layihəsi təqdim olunmuşdu. Bu
layihənin göndərilməsindən sonra İngilislər islahat adı altında, hər fürsətdə Osmanlı dövlətinə təzyiq
göstərməyə çalışırdılar. İstanbul erməni Qriqoryan kilsəsinin patriarxı NersesVarjabedyan Xarici işlər
naziri Lord Salisberiyə yolladığı 13 aprel 1878-ci il məktubunda yazırdı ki, ermənilərlə turkləri bir yerdə
yaşamaları imkansızdır. Bərabərliyi,ədaləti və vicdan azadlığını yalnız Xristian idarəçiliyi təmin edə
bilərŞərqi Anadolu və Kilikiya ərazilərində Xristian idarəçiliyi qurulmalıdır.[6;173]
Patrik Nerses 17 mart 1878-ci ildə İstanbuldakı ingilis səfiri Layardı ziyarət edərək bildirmişdir ki, bir
il əvvəl Osmanlı idarə sistemindən şikayətimiz yox idi, lakin rusların müharibədə qalib gəlməsi vəziyyəti
dəyişdirdi və biz şərqdə müstəqil Ermənitan yaratmaq istəyirik. Əgər siz yardım etməsəniz Rusiyaya müra-
ciət edəcəyik. Səfir Ermənistan ərazisi haqqında soruşduqda patrik Van, Sivas, Diyarbəkir və Kilikiyanın
adlarını qeyd etmişdir.1880-cı ilin iyun ayında isə o, İngiltərə səfiri cənab Goshenə baş çəkərək komitələri-
nin fəaliyyəti üçün lazim olan islahatlar haqqında danışmışdır. O, inanırdı ki, beş il müddətinə təyin olunan
Xristian General-Qubernatırunun başçılığı ilə böyük əyalətin yaradılması Avropa və ya İngiltərəyə
məsələyə yalnız cavab verəcəklərini təmin edirdi. O, bildirmişdir ki, xaricdən onlara dəstək olmasa onlar
istədiklərinə nail ola bilməzlər. Lakin, Cənab Qoşen patriarxa söz deməyə tərəddüd etmişdir. [7].
Kiçik Asiyada islahatlarda bağlı Osmanlı İmperiyasının xarici işlər naziri Abedin Paşa İngiltərə səfiri
cənab Goshenə xüsusi nota göndərmişdi. 1880-cı il iyul ayının 5-də Osmanlı İmperiyasının xarici işlər
naziri cənab Qoşenə yazdığı notada qeyd etmişdir ki, Osmanlı dövlətinin rəsmi statistik məlumatlarına
əsasən Van, Diyarbəkir, Bitlis, Ərzurum və Sivasda yaşayan erməni əhalisinin ümumi sayı 79% müsəlman
4% qeyri müsəlmanlarla nisbətdə 17% təşkil edir. [8].Səfir Qoşen bildirmişdir ki, ermənilər məskunlaşan
əyalətlərdə əhalinin sayı haqqındakı statistik məlumatların olması vacibdir. Polkovnik Vilson bildirmişdir
ki, erməni patriarxının gösrərdiyi rəqəmlər şişirdilmişdir. Bununla əlaqədar olaraq səfir Qoşen Qranvilə
təcili araşdırma aparılmasını təklif etmişdir. [9]. O, hesab edirdi ki, Avropanın böyük gücləri əhali haqqında
dəqiq məlumatları bilməsələr həlledici qərara gələ bilməzlər. Əgər ermənilər bu ərazilərdə azlıq təşkil
edirlərsə onların tələb etdikləri cəmiyyəti qurmaq təhlükə törədəcək, yox əgər onlar çoxluq təşkil edirlərsə
bu onların özləri üçün təhlükə törədəcəkdir. [10]. Erməni Patriarxı Nersesə görə Türkiyənin şərq
ərazilərində əhalinin sayı bu ərazilərdə yaşayan əhalinin ümumi sayına 1.831.000 nisbətdə 776.500 nəfər