Iqtisodiy sudlar tomonidan korporativ nizolarni hal etishning ayrim
Yüklə 110,5 Kb. Pdf görüntüsü
|
| (13.1-bandning birinchi xatboshisi O‘zbekiston Respublikasi Oliy sudi Plenumining 2018-yil 19-
maydagi 17-sonli qarori tahririda) “Aksiyadorlik jamiyatlari va aksiyadorlarning huquqlarini himoya qilish to‘g‘risida”gi O‘zbekiston Respublikasi Qonuni 41-moddasining to‘rtinchi qismiga ko‘ra o‘ttiz kunlik muddat tugaganidan so‘ng jamiyat qaytarib sotib olish talabini qo‘ygan aksiyadordan aksiyalarni o‘n kun ichida sotib olishi shart. Sudlar e’tiborga olishlari kerakki, o‘n kunlik muddatni hisoblash aksiyadorlar umumiy yig‘ilishining tegishli qarori qabul qilingan kundan e’tiboran o‘ttiz kun o‘tganidan so‘ng boshlanadi. Agar hal qiluv qarorini qabul qilish paytida mazkur bandning birinchi va ikkinchi xatboshilarida ko‘rsatilgan muddatlar o‘tmagan bo‘lsa, aksiyalarni qaytarib sotib olish haqidagi majburiyatni yuklash to‘g‘risidagi da’vo talabi, jamiyat tomonidan majburiyatni bajarish muddati kelmaganligi sababli, rad etilishi lozim. Ushbu asos bilan da’vo talabining rad etilganligi, majburiyatni bajarish muddati kelgach, da’vogarning ayni da’vo talabi bilan sudga qaytadan murojaat qilishiga to‘sqinlik qilmaydi. 13.2. Sudlar shuni e’tiborga olishlari lozimki, aksiyalarni qaytarib sotib olish to‘g‘risidagi da’voni qanoatlantirishda sotib olishga ajratiladigan mablag‘larning umumiy summasi aksiyadorlarda o‘zlariga qarashli aksiyalarni qaytarib sotib olishni talab qilish huquqi vujudga kelishiga sabab bo‘lgan qaror qabul qilingan kundagi jamiyat sof aktivlari qiymatining o‘n foizidan oshib ketishi mumkin emas, bundan jamiyatning o‘zgartirilishi holatlari mustasno. Shu munosabat bilan aksiyalarni qaytarib sotib olish haqidagi majburiyatni yuklash to‘g‘risidagi talabni ko‘rishda sudlar nazarda tutishlari kerakki, bunday da’vo talabi faqat jamiyat sof aktivlari qiymatining o‘n foizidan oshmagan miqdorda qanoatlantirilishi mumkin, bundan jamiyatning o‘zgartirilishi holatlari mustasno. 14. “Aksiyadorlik jamiyatlari va aksiyadorlarning huquqlarini himoya qilish to‘g‘risida”gi O‘zbekiston Respublikasi Qonuni 60-moddasining to‘qqizinchi qismiga ko‘ra, agar aksiyador uzrli sabablarga ko‘ra aksiyadorlar umumiy yig‘ilishida ishtirok etmagan yoki bunday qaror qabul qilinishiga qarshi ovoz bergan bo‘lsa, u aksiyadorlarning umumiy yig‘ilishida qabul qilingan qaror ustidan sudga shikoyat qilishga haqlidir. Aksiyadorlarning umumiy yig‘ilishida ishtirok etmagan aksiyador tomonidan aksiyadorlarning umumiy yig‘ilishi qarorini haqiqiy emas deb topish to‘g‘risida da’vo arizasi berilganda, sudlar da’vogar mazkur yig‘ilishda ishtirok etmaganligining sababini aniqlashlari, yig‘ilishda ishtirok etilmaganligining sababi uzrli deb topilganda esa umumiy yig‘ilish qarorining qonuniyligini tekshirishlari, bunday sabablar uzrli deb topilmaganda esa da’voni qanoatlantirishni rad etishlari lozim. Sudlar shuni e’tiborga olishlari kerakki, yig‘ilishda ishtirok etib, nizoli masala yuzasidan qabul qilingan qarorni yoqlab ovoz bergan shaxs ushbu qarorni haqiqiy emas deb topish haqida sudga murojaat qilganda, uning talabini qanoatlantirish rad etilishi lozim, aksiyadorning aldash, zo‘rlik, qo‘rqitish ta’sirida ovoz berganligi holatlari bundan mustasno. Oldingi tahrirga qarang. 14.1. Aksiyadorlar umumiy yig‘ilishining qarori u qonunchilikka zid bo‘lgan va (yoki) umumiy yig‘ilish qonunchilik va jamiyat ustavida belgilangan tartibni buzgan holda o‘tkazilgan hollardagina, haqiqiy emas deb topilishi mumkin. (14-bandning 14.1-kichik bandi O‘zbekiston Respublikasi Oliy sudi Plenumining 2023-yil 20- fevraldagi 6-sonli qarori tahririda) Oldingi Yüklə 110,5 Kb. Dostları ilə paylaş:
|