43
fəvvarələr, gül-çiçək rəsmləri, parıltısı ilə seçilən güzgülü salon, Təbriz qapısı,
Sərdarın sarayı və qala divarlarından bəhs edilir.
Sərdarın sarayını təsvir edən səyyahlar onun tavanının və divarlarının başdan-ba-
şa bər-bəzəyə qərq olmasından, gül-çiçək, quş rəsmlərindən, kətan parça ilə divarlara
yapışdırılmış zərif haşiyəli portretlərdən söhbət açırlar.
İrəvanda toxunan xalçalarda da böyükölçülü göllər (medalyonlar) üstünlük təşkil
edir. (İrəvan şəhərində toxunan xalçalar. bax: Kataloq. № 1, 5, 14, 23, 24, 26, 30, 39,
46, 68, 70, 73, 83, 87).
Bu xalçalarda “qoşabuynuz”, “S”şəkilli , “çəngəl”, ”məşəl”,”ox” işarəli, beş,
altı, səkkizguşəli ulduz, “tac”, stilizə olunmuş it və digər heyvanların təsvirləri də
verilmişdir. Bu xalçalarda stilizə olunmuş insan təsvirləri də vardır. İrəvan xalça-
larında 8-dən 11-ə qədər rənglərdən istifadə edilmişdir.
44
III. İrəvan bölgəsi xalçalarının təsnifatı
3.1. Xalçaların təsnifatına dair
Xalçalar toxunuş texnikasına görə xovsuz və xovlu olmaqla iki qrupa bölünür.
Həsir, çətən, buriya, palaz, cecim, kilim, vərni, şəddə, zili, sumax və ladı xovsuz
texnika ilə toxunan xalçalardır. Xovsuz xalçalar qrupuna daxil olan xalça və xalça
məmulatlarında ərqac ipləri “sadə” və “mürəkkəb” üsulla əriş iplərinin arasından
keçirilir. Xovsuz xalçaların “sadə” və “mürəkkəb” dolama üsullarında isə əlavə
olaraq yun naxış iplərindən də istifadə edilir.
Xovlu xalçalar isə “ilmə-düyün” üsulu, yəni “dolama ilmə” və yaxud “qullabı
ilmə” texnikası ilə toxunur.
Tədqiqatçılar xovlu və xovsuz Azərbaycan xalçalarının keçdiyi inkişaf yolunun
dörd əsas və ardıcıl mərhələsini fərqləndirmişlər:
I mərhələ - xalça sənətinin ibtidai dövrüdür. Palaz və cecimlər bu dövrə aid
edilir. Bu dövrdə toxunan xalça məmulatı bəzəksiz, saya yerli və birrəngli olmuşdur.
Sonralar toxucular heyvan yunlarının təbii rənglərindən istifadə edərək zolaqlı
palazlar da yaratmışlar. Xalça sənətinin ibtidai dövrünü təşkil edən və keçirtmə üsulu
ilə toxunan palaz zolaqlarının üç bədii inkişaf forması vardır:
a) sadə zolaqlar;
b) sulu zolaqlar;
c) naxışlı zolaqlar.
Bu bədii inkişaf formaları cecimlərə də aiddir. Ümumiyyətlə, palaz yaylaq-qışlaq
həyat tərzi keçirən əhalinin məişətində daha geniş yayılmışdı. Adətən, palazlar dik
hanalarda, cecimlər isə yer hanalarında toxunurdu.
II mərhələ - xalça sənətinin texniki və bədii cəhətdən inkişafının ilk dövrüdür.
Bu dövrdə sadə dolama texnikası ilə kilim toxunmağa başlayır. Bu texnikanın
meydana gəlməsi xalçaların üzərində ibtidai formalı, sadə naxışlar toxumağa imkan
yaratmışdır. Palaz və kilimlərdən alaçıqlarda, dəyələrdə və eləcə də toyxanalarda
həm daxili bəzək, həm də xarici örtük kimi istifadə olunurdu.
III mərhələ - vərni, şəddə, zili, sumax, ladı toxuma üsulunun meydana gəlməsi
ilə xarakterizə olunur. Mürəkkəb dolama texnikasının çox geniş yayıldığı bu dövr
xalça bəzəyinin mürəkkəbləşməsi və müxtəlif ölçülü naxış elementlərinin inkişafı ilə
yadda qalır. Xalça sənətinin üçüncü dövrünü təşkil edən və mürəkkəb dolama üsulu
ilə yaranan şəddə və vərnilər əksər hallarda maldarlıqla məşğul olan bölgələrdə
toxunurdu. Buna görə də belə xalçaların üzərində, başlıca olaraq, stilizə edilmiş
heyvan təsvirlərinə daha çox təsadüf edilir. Şəddə və vərninin ilk dəfə Qarabağda,
Naxçıvanda istehsal olunduğu ehtimal olunur. Mürəkkəb dolama toxuma üsulu
ilə toxunan zili istər toxunuşuna, istərsə də bədii cəhətlərinə görə şəddə və vərniyə
nisbətən daha mükəmməldir.
Xovsuz xalçalar və xalça məmulatları özünəməxsus ornamentlərə malikdir. Bu
ornamentlər arasında palaz zolaqları, kilimlərə xas klassik elementlər, şəddə və
vərni elementləri, zili, ladı, sumax elementləri adı altında qruplaşaraq bir-birindən
fərqlənirlər.
Qədim istehsal tarixinə malik xovsuz xalçalar bütün dövrlərdə yerli əhalinin
məişətinin ayrılmaz hissəsi olmuşdur. Xalçaçılar məfrəş, xurcun, heybə, çuval, çul,
45
yüküzü və s. kimi məişət əşyalarının yüngüllüyünü və yumşaqlığını nəzərə alaraq,
onların istehsalında daha çox xovsuz toxuma texnikasına üstünlük verirdilər. Bu
ənənə hal-hazırda da davam etdirilir.
IV mərhələ - düyünləmə, yəni əvvəllər dolama ilmə, sonralar isə qullabı ilmə
texnikası ilə əmələ gələn xovlu xalçatoxuma üsulunun inkişaf etdiyi dövrdür. Xalçaçılıq
bu mərhələdə istər texniki, istərsə də bədii cəhətdən yüksək inkişaf dövrünu yaşayır.
Hələ eramızdan əvvəl tətbiq olunan ilmə-düyün texnikası, bütün digər üsullardan
fərqli olaraq, mürəkkəb kompozisiyaların tətbiqinə imkan yaratmışdır. Bu texnikanın
inkişafı ilə əlaqədar yeni istehsal alətləri (dəmir qayçı, bıçaq) meydana gəlir. Həm
xovlu, həm də xovsuz xalçaların toxunma prosesində digər istehsal alətləri - həvə və
kirkit tətbiq edilmişdir.
1
Xovlu xalcalar istifadə baxımdan müxtəlif ölçülərə malik olmuşdur. Kicik ölcülü
xalcalar – “Namazlıq”, puştu, taxt üstü, xalça, iri ölçülü xalçalar isə xalı, kənarə, üç-
beş hissədən ibarət olan xalçalar dəst xəli-gəbədir. Xalça kompozisiyasının iki hissəsi
- arasahə və haşiyə qurşağı fərqləndirilir.
Azərbaycanın İrəvan bölgəsində də xalçaçılığın inkişafı belə bir yol keçmiş və
sənətkarlıq nöqteyi-nəzərindən mükəmməl səviyyəyə yüksəlmişdir. İrəvan bölgəsi
xalçalarının sənətkarlıq xüsisiyyətlərini müəyyən etmək üçün xovsuz və xovlu
xalçaları
2
ayrı-ayrılıqda nəzərdən keçirək.
3.2. İrəvan bölgəsinin xovsuz xalçaları və
onların sənətkarlıq xüsusiyyətləri
3.2.1. Kilimlər
Xovsuz xalçalar içərisində kilimlər mühüm yer tutur. İrəvan bölgəsində toxunan
kilimlərin sənətkarlıq xüsusiyyətlərini müəyyən etmək üçün xüsusi olaraq toplanmış
on yun və kilim (bax: Kataloq. № 52, 54, 55, 57, 58, 59, 60,63, 67, 74) tədqiqata cəlb
edilmişdir. Onların hər birinin xronoloji ardıcıllıqla sənətkarlıq xüsusiyyətlərinin
şərhini verək.
İlk belə kilim (bax: Kataloq. №52) h. 1292-ci ilə (1875-ci il) aiddir. Bu kilim İrəvan
bölgəsinin Şörəyel mahalında, Gümrü şəhərində toxunmuşdur. Ölçüsü 302×193-
dür. Kilimin yuxarı hissəsində sol tərəfdə h. 1292 tarixi işlənmişdir. Bu kilimin əsas
bəzəyini rapport əsasında qurulan kompozisiya təşkil edir. Rapportların dəfələrlə
təkrarı əsasında tərtib edilən bu kompozisiya tipində ara sahədə kompozisiya
mərkəzi yoxdur. Rapportlara bölünmüş bu hissələrdə İrəvan kilimləri üçün səciyyəvi
olan “kilimgülü” adlanan elementlər təsvir edilmişdir. Bu elementlər “qarmaqlı”
elementlər adlanır. İrəvan xalçaları üçün səciyyəvi olan “qarmaqlı” elementlərinə
Qazax-Borçalı və Qarabağ qrupuna daxil olan kilimlərdə də rast gəlinir. Rapportlara
ayrılmış yaşıl yerlikdəki boşluqlar qırmızı rəngli, qırmızı yerlikli boşluqlar isə sürməyi
rəngli üz-üzə dayanmış quşu xatırladan qarmaqvari elementlərlə doldurulmuşdur.
Xalçanın kompozisiya quruluşuna uyğun ölçüsü xalça boyu motivlərin rənglərinin
ardıcıllıqla dəyişdirilməsinə, ornamental dekorasiyanın orijinallıqla tərtib edilməsinə
imkan yaratmışdır. Xalçanın haşiyə hissəsində toxucular arasında “mollabaşı”
1
Керимов Л. Азербайджанский ковер. т.II. Баку, 1983, с.9
2
Müciri C. Azərbaycan xalçaçılığının texnoloji üsulları. Bakı, 1987, s.17-18.
Dostları ilə paylaş: |