46
Əsrin şairi IX
üçün onlara “burjua” damğası vurmaq kifayət idi. Cavidə gəlincə,
1920-1930-cu illərdə və sonralar ona belə damğalar çox vurul-
muşdu. Şair bunu qəbul etməmiş, bəzi tənqidçilərə cavab vermək
məcburiyyətində qalmış və iztehzalı şəkildə demişdi: “Ay canım,
xırda burjua kimdir? Qolundan salladığı səbətdə on-on beş yu-
murta, üç-dörd yoluq toyuq-cücə satan. Mən onların şairi olaram-
mı?.. Həqiqəti məndən soruşsalar, xalqıma, bəşəriyyətə xidmət
etmək istədiyimi, xeyirxah insanların şairi olduğumu deyərəm.”
Sovet ədəbiyyatşünasları yazırlar ki, dekadentçilər “Sənət
sənət üçündür” nəzəriyyəsini təbliğ edirdilər. Bizim tənqidçi və
ədəbiyyatşünaslar da Cavidin həmin nəzəriyyənin tərəfdarı
olduğunu qeyd edirlər. Onların dediklərində həqiqət var. Lakin
onun sənətə və ədəbiyyata baxışları həmin nəzəriyyənin tərəfdar-
larınkından fərqlənir. Cavid sənət və gözəllik aşiqi idi. Bu, “Sənət
sənət üçündür” nəzəriyyəsindən daha çox onun təbiətindən, bədii
təfəkküründən irəli gəlirdi. Mən həmin mövzunu gücüm və im-
kanlarım daxilində araşdırmışam və “Əsrin şairi” silsiləsindən
ikinci cilddə çap etdirmişəm.
1
Cavidin “Sənət sənət üçündür”
nəzəriyyəsinin tərəfdarı olduğunu qəbul edirəm.
Sovet filoloqlarının fikrincə, “Dekadentizmi tənəzzül keçirən
burjua incəsənətini deyil, şəxsiyyətin görüşlərindəki, əhval-
ruhiyəsindəki, onun antisosial davranışını ifadə edir. Nəzəri əsası
subyektiv idealizmdir. İlk dəfə fransız, sonra Rusiya simvolist-
lərinin yaradıcılığında özünü göstərmişdir.”
Yenə də belə bir sual ortaya çıxır: Azərbaycan ədəbiyyatında
dekadentizm cərəyanı olmuşdurmu? Məncə, olmamışdır, ancaq
məsələnin araşdırılmasına ehtiyac var. Bəzi yazıçıların əsərlərində
dekadentçilik elementlərinə və əlamətlərinə təsadüf etmək müm-
kündür...
1920-1930-cu illərdə Azərbaycan ədəbiyyatşünaslığında hə-
1
Ətraflı bax: İsgəndər Atilla. Cavid estetikası (Sənət və gözəllik dünyası), Bakı,
2010.
47
İsgəndər Atilla
min “izm”lərdən geniş istifadə edilməmişdir. Əli Nazim SSRİ
Yazıçıları İttifaqının üçüncü plenumunda çıxış edərkən Mikayıl
Müşfiqi dekadans poeziyanın təsiri altında olduğunu qeyd etmiş
və demişdir: “Burada iştirak edən gənc, fəqət çox böyük şairimiz
Müşfiqi götürək. O, öz şeir yaradıcılığının başlanğıcında deka-
dans poeziyasının təsiri altında yeni bir şey deyə bilmirdi; lakin
son zamanlar bu dekadansla mübarizə edərək, qüvvət etibarilə
çox böyük bədii əsərlər yaratmışdır: “Mingəçevir” poeması və s.”
1
Tənqidçi demək istəyirdi ki, onun dekadans poeziyasından
uzaqlaşmasına səbəb sovet quruluşu olmuşdur.
M.Cəfər Cavid lirikasında Şərq dekadentizmi və eklektizm
probleminə də toxunur və onu tənqid edir.
19
Eklektizm nədir? Eklektika – yunan sözü ekleqo sözündən
alınmışdır. Mənası seçən, ayıran deməkdir. Sovet elmi ədəbiy-
yatında bu haqda ziddiyyətli fikirlər mövcuddur. Sovet tədqiqat-
çılarının fikrincə, eklektika bir-birinə zidd olan nöqteyi-nəzərin,
baxışların, siyasi fikirlərin mexaniki birləşdirilməsidir. Eklektizm
metafizik təfəkkürün bir növüdür. Eklektiklər materializm ilə
idealizmi, marksizm ilə kantçılığı uzlaşdırmağa çalışırlar. Engels
alman burjua fəlsəfəsindən danışarkən qeyd edirdi ki, həmin fəl-
səfədə neokantçılıq və pozitivizm, volyuntirizm və aqnostizm
ideyaları bir-birinə qarışmışdır. Bəzi sovet filosoflarının fikrincə,
eklektizm gerçəkliyi qəsdən təhrif etmək üsuludur və s.
M.Cəfərin Cavid və Şərq dekadentizmi, Cavid və eklektizm
probleminə münasibəti də mübahisəlidir. O, bu problemə şairin
“İştə bir divanədən bir xatirə” bioqrafik fəlsəfi şeirini təhlil
edərkən münasibət bildirmişdir. Mənim həmin şeirə münasibətim
və baxışım başqadır. (Yeri gələndə mən bu haqda danışacağam.)
Unutmaq olmaz ki, Avropa eklektizmi bədii ədəbiyyatdan çox,
1
Ə.Nazim. Seçilmiş əsərləri, Bakı, 1979, s. 347.
48
Əsrin şairi IX
özünü memarlıq və təsviri incəsənətdə göstərmişdir. Əgər müəl-
lifin dediklərilə razılaşsaq, Füzulini ən böyük dekadent və
eklektik hesab etməliyik?..
Cavidə gəlincə, bu haqda ciddi düşünmək və araşdırmalar
aparmaq lazımdır. Fəlsəfəyə aid heç bir əsəri olmayan bir şəxsin
yaradıcılığında bu qədər “izm”lər axtarmaq nə dərəcədə doğru-
dur?!. Mən demişəm və deyirəm ki, Caviddə o izmlərin element-
lərini, müəyyən təsirini görmək olar, ancaq o, nə dekadentizmin,
nə eklektizmin, nə modernizmin, nə skeptisizmin, nə
simvolizmin, nə də başqa “izm”in deyil, romantizmin ən böyük
və görkəmli nümayəndəsi olmuş və olaraq da qalır. Bütövlükdə
onun yaradıcılığında romantizm ilə realizm çulğaşır.
Cavid əsərlərində, istər həyat həqiqətlərini, istərsə də tarixi
gerçəkliyi, təhrif etməmişdir. Onu romantik boyalarla və çalar-
larla zənginləşdirmişdir. Yaradıcılığında realizm ilə romantizm,
materializm ilə idealizm, dialektik materializm ilə tarixi mate-
rializm, kantçılıq və hegelçilik, bir sözlə, Şərq fəlsəfəsi ilə Qərb
fəlsəfəsi uzlaşdırılmışdır. Bu, problemin başqa bir tərəfidir. Mən
inanıram ki, gələcəkdə yeni təfəkkürlü cavidşünaslar yetişəcək və
onlar həmin problemləri bizdən də yaxşı, bizdən də mükəmməl
şəkildə araşdıracaqlar.
1.6.2. Hüseyn Cavid və Avropa ədəbi cərəyanları
1
Cavid hansı ədəbi cərəyanın nümayəndəsidir: Romantizmin,
modernizmin, yoxsa ekzistensializmin?! Müasir cavidşünaslığın
aktual problemlərindən biri budur! Sovet dönəmində Azərbaycan
ədəbiyyatşünaslığında problemi ilk dəfə qaldıran cavidşünas
Məmməd Cəfər Cəfərov olmuşdur. Lakin o, problemə daha çox
marksist-leninçi metodologiya və marksist ədəbiyyatşünaslığı
baxımından yanaşmışdır. Təbiidir ki, müəyyən yanlışlıqlara da
yol vermişdir...
Dostları ilə paylaş: |