37
İsgəndər Atilla
birinci tərəfi. İkincisi, Cavid Rusiyada oxusaydı, bəlkə də “başqa
cür olardı”. O, oradan Azərbaycana bəlkə də “bir bolşevik kimi
qayıdardı...” Üçüncüsü və ən mühümü! Cavid inqilabı və bədii
ədəbiyyatın siyasiləşdirilməsini heç bir zaman qəbul etməmişdi.
Sovet hakimiyyəti illərində də qəbul etmədi. Siyasət və inqilabdan
uzaq olan şair, tərəddüdsüz özü üçün bir yol seçmişdi – sənət və
ədəbiyyat yolunu. Cavidi həmin məsələlərdə suçlamaq və ona
irad tutmaq əbəsdir. (Bolşevik hakimiyyəti illərində siyasətə və
inqilaba rəğbət bəsləyənlərin, sovet quruluşunu mədh edən yazı-
çıların əsərlərinin aqibəti bu gün hər kəsə bəllidir...) Dördüncüsü,
Cavid sovet hakimiyyətinin ilk illərində elan etdi: “Siyasət başqa,
ədəbiyyat başqa, təbliğat daha başqadır.” Yəni bu anlayışları bir-
birilə qarışdırmaq olmaz. İnqilabı müharibə ilə eyniləşdirən şair,
heç bir inqilabı təqdir etmədi və heç bir inqilaba rəğbət bəsləmədi.
Bəsləsəydi 1908-ci ildə baş vermiş gənc türklər inqilabına şeirlər
həsr edərdi, ancaq etmədi. İrandakı məşrutə və Azərbaycandakı
“aprel inqilabı”na aid də heç bir şey yazmadı. Ancaq 1916-1917-ci
illərdə qələmə aldığı “Şeyda” faciəsində Rusiyada baş vermiş bur-
jua-demokratik inqilabına münasibət bildirdi. Mən “Cavidin mən-
sur dramaları” kitabında bu haqda geniş yazmışam və üzərində
dayanmıram. 1928-ci ildə yazdığı “Knyaz” faciəsində Gürcüs-
tanda baş vermiş inqilabın insanlara gətirdiyi fəlakətləri açıb
göstərdi. İstanbuldan Qurbanəli Şərifova yazdığı məktubda İran
inqilabına münasibətini bildirdi. Maarifçi və təkamülçü Cavid 5
nəfər gimnazisti səttarxançılardan üstün tutdu
1
və s.
11
Məmməd Cəfər monoqrafiyada “Pəmbə çarşaf”, “Qadın”,
“İştə bir divanədən bir xatirə”, “Məsud və Şəfiqə” və b. şeirlərin
təhlilinə ayrıca səhifələr ayırmışdır. “Pəmbə çarşaf” şeirini tənqid
etmişdir. Ona görə ki, şair şeirdə “qadına olan köhnə və mürtəce
1
Ətraflı bax: Əziz Şərif. Keçmiş günlərdən, Bakı, 1977, s. 61-64.
38
Əsrin şairi IX
baxışlarını” əks etdirmişdir. Gələcəkdə çadranın aradan qaldırıla-
cağına şübhə etmədiyini bildirsə də, “bu, heç də onun qadına olan
köhnəlmiş, mürtəce baxışı ört-basdır edə bilmirdi” demişdi.
M.Hadi Cavidin həmin şeirinə qarşı çıxmış və ona cavab
olaraq “Əhvali-nəfasət” şeirini yazmışdı. Monoqrafiya müəllifi
birincinin şeirini tənqid, ikincininkini təqdir etmiş və demişdir:
«M.Hadi öz şair qardaşına mədhiyyələr oxumamış, onu tənqid
etməmiş, “işıqla qaranlığı fərqləndirməyi” bacaran parlaq düşün-
cəyə malik olmağa, qabaqcıl sənət yolu ilə getməyə çağırmışdı.»
“Məsud və Şəfiqə” şeirinin təhlilinə xüsusi diqqət yetirən
müəllifə görə, əsər Cavidin Bakı fəhlələrinin həyatı ilə maraqlan-
dığını, zəhmətkeşlərə dərin rəğbət bəslədiyini göstərsə də, “onun
fəhlə həyatına münasibəti liberal xırda burjua ziyalısının
münasibəti idi. Cavid proletar məfkurəsindən uzaq idi...”
Nə yaxşı ki, uzaq idi!.. Nə yaxşı ki, o, proletar şairi olmadı!..
Milli düşüncəli, milli qayəli, türkçü şair oldu və öz əsərlərində
ümumbəşəri ideyalar təbliğ etdi. Ədəbiyyat tarixinə milli,
ümumbəşəri və dünyəvi sənətkar kimi daxil oldu.
12
1911-1912-ci illərdə əsərlərində bir moralist, mütəfəkkir şair
kimi çıxış etdiyini diqqətə çatdıran M.Cəfərə görə, onun fəlsəfi və
əxlaqi görüşləri ziddiyyətli idi. “Əsasən, idealist, estetik mahiyyət
daşıyırdı.” O, bu baxımdan “İştə bir divanədən bir xatirə” (330
misradan ibarətdir) şeirini nümunə gətirirdi. Şairin “Sən nəsin,
kimsin deyən ariflərə” fikrini nəzərdə tutaraq yazırdı: «Belə bir
sualı qoyub, ona cavab axtarmaq bir idealist, bir romantik şair
olaraq Cavid yaradıcılığının təbiətindən doğurdu. Cavid hələ də
“dünyanı ideyalar idarə edir” anlayışına çox bağlı idi.»
Fikrini şeirdən gətirdiyi nümunələr əsasında əsaslan-
dırmağa çalışan cavidşünas, hesab edirdi ki, şairin söylədikləri
əslində tarixə elmi baxış deyildi. Cavid tarixə xalqlar tarixi,
mədəniyyətlər tarixi, ictimai inkişafa doğru mübarizələr tarixi
39
İsgəndər Atilla
kimi deyil, mənfur adət, ənənələr, mənasız əxlaq etiqadları,
prinsipsiz çəkişib-didişmələr tarixi kimi baxırdı. O, “kimsin,
nəsin?” sualına cavab verərkən dərin mənəvi böhran keçirdiyini
oxucularından gizlətmirdi. Otuz yaşına qədər kəsb etdiyi elm və
ürfandan heç nə anlamamış, bu elm və ürfan nəinki onu həyat
həqiqətlərinə yaxınlaşdırmamış, əksinə, əsl həqiqətdən uzaqlaş-
dırmışdır.”
Çox mübahisəli mülahizələrdir!.. Mən əksinə düşünürəm.
Hesab edirəm ki, Cavid xalqların və mədəniyyətlərin tarixinə
mənfur adətlər və ənənələr, mənasız əxlaq və etiqadlar, prinsipsiz
çəkişib-didişmələr və s. tarixi kimi baxmamışdır. O, bu haqda
fikirlərini məktublarında və publisistik məqalələrində konkret
ifadə etmişdir. İrfan şairinin ünvanına bu cür əsassız sözlər
söyləmək ən azı ədalətsizlikdir.
13
Müəllifin Cavidin fəlsəfi görüşlərinə ayrıca yer verməsi ta-
mamilə təbii və qanunauyğun idi. Çünki bütövlükdə Cavid
yaradıcılığını fəlsəfəsiz təsəvvür etmək mümkünsüzdür. O,
Cavidin fəlsəfi fikir və görüşlərində “açıq-aydın bir fikir böhranı,
fəlsəfə böhranı” axtarırdı. Düşünürdü ki, həmin böhran təkcə
Cavidin şəxsi, mənəvi böhranı deyil, müəyyən tarixi olan bir çox
köhnəlmiş ideyaların, görüşlərin XX əsrdə üzə çıxmış böhran idi
ki, şairin görüşlərində xüsusi, fərdi inikası idi. M.Cəfər Cavidin
fəlsəfi görüşlərini ümumiləşdirərək, bu nəticəyə gəlmişdir: «İstər
İstanbil Darülfünununda təhsil aldığı zaman, istərsə də sonralar
mütaliə yolu ilə ayrı-ayrı filosoflar və fəlsəfi cərəyanları öyrənən
şair, “müəyyən dərəcədə dini-sxolastik görüşlərlə qarışmış Şərq
panteizmi adlanan fəlsəfi və qismən də köhnə idealist Qərb fəlsəfi
sistemlərinin modernizə edilmiş şəkillərindən ibarət olub,
xüsusən Cavidin Türkiyədə olduğu 1905-1909-cu illərdə İstanbul
ziyalılarının bir qismi arasında (Rza Tövfiqin əsərlərində olduğu
kimi) çox yayılmış skeptisizmdən, yaxud yeni kantçılıqdan
Dostları ilə paylaş: |