Ишлаб чикариш дастури

Texnikaviy diagnostika vositalari.

Xili bo’yicha diagnostika vositalari suriladigan, statsionar va ko’chmaga bo’linadi. Suriladigan va ko’chma vositalar (surma diagnostik qurilma, asboblar to’plami (komplekt) va moslama) mashinalarga yoki surma ta’mirlash ustaxonalariga o’rnatiladi.
Staitsonar diagnostika vositalari bilan mashinalarga texnik xizmat ko’rsatuvchi ta’mirlash bazalar, punktlar va postlar ta’minlanadi.
Diagnostik vositalarining ish bajarish turi mashina elementlarini qoldiq resurslarini aniqlashda foydalaniladi; ta’mirlash xili va ta’mirlash ishi hajmi; texnik xizmat ko’rsatish vaqtidagi ish hajmi; buzilganlik sababini aniqlash va izlash uchun; texnik xizmat ko’rsatish va ta’mirlash sifati nazorati va boshqalar.
Diagnostlash vositalari qo’yidagilarni qamrab oladi: qurilma, topshiriq beruvchi test rejim; datchiklar, qabul qiluvchi diagnostlash parametrlari; tovushni qayta ishlovchi qurilma (kuchaytirgich, tahlil, filtrlash), tashhis qo’yish, natijalar indeksatsiyasi, shuningdek ularni saqlash yoki boshqarish organlariga topshirish.
Konchilik mashinalarini diagnostlash jarayoni tayyorlaydigan, asosiy va yakunlovchi bosqichlardan iborat bo’ladi. Tayyorgarlik bosqichida mashinaga o’lchash apparaturasi va datchik o’rnatiladi.
Asosiy bosqichda esa mashinalarning texnik holati parametrlari o’lchanib, ular hujjatlarda qayd etiladi. Yakunlovchi bosqichda esa tashhis qo’yiladi, buning natijasida mashinaning ishga layoqatliyligini saqlash uchun ish hajmi, xarakteri, shuningdek yig’ma birlik va agregatlarni ta’mirga yuborish vaqti aniqlanadi.
Texnologik kartada texnikaviy diagnostika bo’yicha qilingan ishlar texnologiyasi uskuna va asboblar uchun qo’llaniladigan parametrlarni ketma-ketlikda o’lchash hisobi o’tkazish operatsiyalarini hisobga olgan holda ifoda etiladi.
Diagnostlashning texnik sharti sifati mashinaning nominal, ruxsat etiladigan va oxirgi holati va uning ish tartibiga mos kelishi kartada beriladi.
Mashinalarni ekspluatatsiya qilishda texnik diagnostikani qo’llash ta’mirlash va ularni sohaga tayyorlashga ta’sir ko’rsatishi kerak. Ular o’rtasida qalin o’zaro aloqa va axborot ayirboshlash bo’lish kerak.
Texnik diagnostika mashinani ta’mirida agregatli-tugunli usulni qo’llash uchun sharoit yaratib beradi. Bu o’z navbatida, ta’mirlash muddatini qisqartiradi, qismlarga bo’lish va yig’ish ishlari hajmini kamayishi hisobiga og’irligini kamaytiradi.
Maxsuslashgan ta’mirlash korxonalarida texnik diagnostika ta’mirlash ishlaridan uni sifatini nazorat qilish maqsadida foydalanish mumkin. Buning uchun mashinani tayyorlash va uni ta’mirdan keyingi texnik holatini sinash natijasi bilan taqqoslanadi. Bu ma’lumotlar mashinani ekspluatatsiya qilish jarayonida tashhis qo’yishni yo’lga qo’yish uchun asos sifatida qo’llaniladi.

2.