Bu cür eybəcər şəkil almış məsihçiliklə heç bir əlaqə yaratmaq istəməyən insanlar haqlıdırlar.
Islam konqresinin keçmiş katibi Ənvər Əl-Sədat belə yazırdı:
«Xristianlıq Şərqdə də kök atdığı üçün biz, şərq adamları bilirik ki, qərb həqiqətə, tarixə və
bəşəri sərvətlərə qarşı günah işlədir və bununla da məsihçi mücdəsini yaymaq hüququnu
itirirlər. Biz heç bir vəchlə Yaxın və Orta Şərqdə bu cür halların baş verməsinə yol verə bilmərik.
Bildiyimiz kimi, xristian dininin əsasında duran prinsiplər iman və məhəbbətdir. Qərbin
xristianlıq adlandırdığı dində biz bu prinsiplərə rast gəlirikmi?»
Qur`ani-Kərimi oxuyarkən görürük ki, xristianlar Yazılardakı ayələri deyil, onların anlamını
və şərhini təhrif etmişdirlər. (Bu barədə növbəti «Incildə hansı dəyişikliklər aparılmışdır?»
fəslində daha ətraflı verilmişdir.)
«Allahdan başqa heç bir tanrı yoxdur. Əzəli və əbədi varlıq odur! Sənə
özündən əvvəlkiləri təsdiq edən Qur`anı haqq olaraq O nazil etdi.
Bundan əvvəl insanları doğru yola yönəltmək üçün Tövratı və Incili
səmadən O endirdi...» (Ali- Imran 3:2, 3).
Insanlar ilahi idarəyə e`tinasız yanaşdılar. Müqəddəs Kitaba daxil olan bütün kitablar,
məsihçi adı altında Məsihin tə`liminin paklığını ləkələyən insanlara qarşı şəhadət verir.
Iki kiçik nümunəyə nəzər salaq. Tövratda Allahın Musa peyğəmbər vasitəsilə verdiyi sözləri
yazılmışdır:
«Özün üçün heç bir yonma büt, nə yuxarıda - səmada və ya aşağıda -
yerdə, nə də yerin dərinliklərinə yığılan sulardakı şeylərin heç birinin
surətini düzəltmə. Belə şeylərə səcdə qılaraq ibadət etmə» (Tövrat, Çıx.
20:4, 5).
«Donuz... sizin üçün haramdır. Onun nə ətini yeyin, nə də leşinə toxunun,
o, sizin üçün haramdır» (Tövrat, Lev. 11:7-8).
Bu ayələr hələ də heç bir dəyişikliyə mə`ruz qalmamışdır; halbuki, xristianlar ya onları
oxumurlar, ya da belə izah edirlər ki, bu ayələr artıq öz ilkin mə`nalarını itirmişdirlər.
Ilkin xristianlıq dövründə buna obyektiv bəraət qazandırmaq olardı. Yazılar yalnız yunan,
ibrani və latın dili kimi qədim dillərdə yazılmış halda mövcud idi. Heç bir kitab çap edilmirdi,
əlyazması ilə yazılırdı, yalnız bu dilləri bilən adamlar onları oxuya və şərh edə bilirdilər.
Lakin indi, maarifin inkişaf etdiyi bir dövrdə baş verənlərə isə heç bir bəraət qazandırmaq
olmaz. Müqəddəs Kitab dünyada ən geniş yayılmış kitabdır. Onun bütün ayələri dəyişilməz
şəkildə bizim dövrə qədər gəlib çıxmışdır. Bununla belə, Müqəddəs Kitabı ya oxumurlar, ya da
düzgün şərh etmirlər. Bunun nəticəsində irqi və dini ayrı-seçkilik məsələləri ortaya çıxdı ki, bu
da dini və etnik müharibələrin başlanmasına səbəb oldu. Bu, öz-özlüyündə Müqəddəs Kitabın
əsas qanununun pozulması deməkdir: «Qonşunu özün kimi sev» (Incil, Mat. 22:39).
Hətta sabun bolluğunda da natəmiz adamlar tapılacaq. Iş onların sabundan istifadə etməyi
bacarmamaqlarında deyil, onların təmiz olmaq istəməməklərindədir.
Qur`ani-Kərim haqlı olaraq, xristianları Müqəddəs Kitaba zidd olan ən`ənələrin artmasında
ittiham edir. Lakin bu iradlar bütün xristianlara deyil, onların müəyyən bir kateqoriyasına
ünvanlanır.
Yazıların əmr etdikləri ilə bəşəri adət-ən`ənələri qarışdırmaq kimi ağır imtahanda məğlub
olmayan kəslər diqqət və hörmətə layiqdirlər. Qur`anın bir çox ayələrində bu cür xristianlara
böyük rəğbət ifadə edilmişdir.
«Yəhudiləri və müşrikləri iman gətirənlərin ən pis düşməni, «Biz
xaçpərəstik», - deyənləri isə onların ən yaxın dostu görəcəksən. Bu
onların içində keşiş və rahiblərin olması və onların özlərini yuxarı
tutmamalarına görədir» (əl-Maidə 5:82).
«Onların hamısı eyni deyil. Kitab əhli arasında düzgün, sabitqədəm bir
camaat vardır ki, onlar gecə vaxtları səcdə edərək Allahın ayələrini
oxuyurlar. Onlar Allaha, axirət gününə inanır, yaxşı işlər görməyi əmr
edir, pis əməllərdən çəkindirir və xeyirli işlər görməyə tələsirlər. Onlar
əməlisaleh şəxslərdəndirlər» (Ali-Imran 3:113, 114).
Peyğəmbər Məhəmməd tək birAllahı təbliğ edəndə əvvəlki peyğəmbərlərin - Allahın
elçilərinin yolu ilə gedirdi. O, bütpərəst allahlarına səcdəyə qarşı mübarizə aparır və həqiqi
məsihçilərə rəğbətlə yanaşırdı.
O, 615-ci ildə özünün bütpərəst tə`qibindən qaçan din yoldaşlarını Məkkədən efiopiyalı
xristianların yanına göndərmişdi.
630-cu ildə Məhəmməd Nacrandan olan həqiqi məsihçilərə icazə vermişdi ki, Mədinədəki
məsciddə Pasxanı bayram etsinlər.
Hər dəfə hansısa səbəb üzündən imanlı məsihçiləri sıxışdıran zaman, o, könüllü olaraq
onları qəbul edir və öz himayəsi altına alırdı.
Islam alimi Səid Əmir Əli yazırdı:
«Həqiqi islamla həqiqi xristianlıq arasında heç bir fərq yoxdur.»
Həyat özü bu sözləri doğrultdu. Müsəlmanlar «Kitab əhli» ilə - müxtəlif təsvirlərə səcdə
etməyən, Isanın Allahın fiziki oğlu olması haqqındakı yalançı nəzəriyyələri qəbul etməyən,
Allahın Özünün verdiyi kəlamda heç nəyi təhrif etməyən və oraya heç bir əlavələr etməyən
insanlarla əlaqəni kəsmədilər.
Qur`an bütün imanlıları Allaha sadiq qalan məsihçilərlə xoş münasibətlərin saxlanmasına
də`vət edir.
«Kitab əhlinin zülm edənləri istisna olmaqla, onlarla ən gözəl tərzdə
rəftar edin. Və belə deyin: “Biz həm özümüzə nazil olana, həm də sizə
nazil olana inanırıq. Bizim də Allahımız, sizin də Allahınız birdir. Biz
yalnız Ona itaət edirik!”» (əl-Ənkəbut 29:46).
«Əgər sənə nazil etdiyimə şübhə edirsənsə, səndən əvvəl kitab
oxuyanlardan soruş. Haqq sənə, sözsüz ki, Rəbbindən gəlmişdir. Şübhə
edənlərdən olma!» (Yunus 10:94).
Beləliklə, əziz oxucular, əgər siz bütün qəlbinizlə Allahın iradəsini öyrənmək istəyirsinizsə,
hər gün duada Allaha «Bizi doğru yola yönəlt!» - deyə müraciət edirsinizsə, bütpərəst kimi
yaşayan xristianların dinini tanımaq istəmirsinizsə, əksinə Qur`anda yazılmış iradəni yerinə
yetirmək istəyirsinizsə, onda Qur`ana qədər Allah tərəfindən göndərilmiş kitabları artıq
oxumuş adamlara müraciət edin. «Sənə qədər göndərilən Kitabları oxuyan» və həqiqətən də
Allahın Öz Kəlamında verdiyi əmrlərə uyğun şəkildə yaşayan həqiqi məsihçilərlə söhbət edin.
Onlara qarşı mübarizə ruhu ilə yaşamayın. Allah Özü sizi buna də`vət edir!
«Ey kitab əhli! Tövrata, Incilə və Rəbbiniz tərəfindən sizə nazil edilmiş
olana düzgün əməl etmədikcə, siz heç bir şey üzərində deyilsiniz» (əl-
Maidə 5:68).
Dostları ilə paylaş: |